محاورة شعرية بين كلاً من سمو الأمير / خالد بن سعود الكبير وتركي الميزاني

يعد شاعر الرد بحاجة إلى الصفوف - الردادة - دائماً، فالشبكة العالمية (الإنترنت) مليئة بالمحاورات المباشرة. وفي هذا العدد نضيف لوناً آخر، حيث ننشر محاورة جرت بين سمو الأمير
الشاعر خالد بن سعود الكبير والشاعر تركي الميزاني.. عبر الجوال:



تركي الميزاني:




[poem=font="Arial,4,#008080,normal,normal" bkcolor="" bkimage="" border="none,1," type=0 line=0 align=center use=ex num="0,"]
سلام الله سـلامٍ للعلـوم الطيبـة عنـوان= وأعرف معزبه والضيف في حكمة معازيبه
وأنا لي صاحبٍ ما ينطق الكلمة بلا برهان =أبا سولف معه والعلم يدري به وانا أدري به
[/poem]


خالد بن سعود:


[poem=font="Arial,4,#ac5668,normal,normal" bkcolor="" bkimage="" border="none,1," type=0 line=0 align=center use=ex num="0,"]
ألا يا مرحباً وأهلاً بقلطة شاعر المطران = تراحيب لها بالصدر تشريقـه وتغريبـه
وانا يا صاحبي ما نيب مثلك للشعر ميزان= ترفق بي ترى توي غشيم وداخلي ريبـه
[/poem]


تركي الميزاني:




[poem=font="Arial,4,#008080,normal,normal" bkcolor="" bkimage="" border="none,1," type=0 line=0 align=center use=ex num="0,"]
يدوم الك البقا والطير ما يكفخ بلا جنحـان =وانا خابرك صقر وكل صقر له مخاليبـه
سبحنا في البحور اللي تضم اللول والمرجان= واخذنا ما نبي والوقت ما تصفى مشاريبـه
[/poem]


خالد بن سعود:


[poem=font="Arial,4,#ac5668,normal,normal" bkcolor="" bkimage="" border="none,1," type=0 line=0 align=center use=ex num="0,"]
صحيح الوقت ما يصفى وتعكير الزمان ألوان= وأشوف الخايبه تعجب وهـذه والله مصيبـه
غدى عند الهزيلة شان والجزله ثمنهـا هـان =وسيف الكذب والتهريج اشوف الناس تغزي به
[/poem]


تركي الميزاني:



[poem=font="Arial,4,#008080,normal,normal" bkcolor="" bkimage="" border="none,1," type=0 line=0 align=center use=ex num="0,"]
أشوف اللي تشوفه طال عمرك يالله الغفران =واشوف الناس قامت تبتسم بسنون تركيبـه
لو ان اللي بنى البيت المسمى ثبت العمـدان =ما شفنا الريح تلعب بين ذرياته واطانيبـه
[/poem]
خالد بن سعود:


يا [poem=font="Arial,4,#ac5668,normal,normal" bkcolor="" bkimage="" border="none,1," type=0 line=0 align=center use=ex num="0,"]
كيف الحل والحالة سفينه ما لهـا ربـان = يمشيها الهوى من حيث ما هبـت دواليبـه
عربها ترقص وتزفن على حس الوتر والدان = يحسبون المعاني صولها من جاب له خيبـه
[/poem]


تركي الميزاني:


[poem=font="Arial,4,#008080,normal,normal" bkcolor="" bkimage="" border="none,1," type=0 line=0 align=center use=ex num="0,"]
اظن الحل نتركهـا تهيـم بغبـة النسيـان= عساها من نصيب القيض لا هبت ملاهيبـه
لو أن النابغة مخطي ما عود بالرضى حسان = يكفّينا رضى حسـان والوقـت وتجاريبـه
[/poem]


خالد بن سعود:


[poem=font="Arial,4,#ac5668,normal,normal" bkcolor="" bkimage="" border="none,1," type=0 line=0 align=center use=ex num="0,"]
أنا خابرك ميزاني وربعـك كلهـم شجعـان =علامك يوم عرّض لك هدفها ما تضحي بـه
ترى صمتك عن الغاوي وتصديدك عن الخوّان = عذاب للضمير الحي ولا في هرجتـك غيبـه
[/poem]


تركي الميزاني:


[poem=font="Arial,4,#008080,normal,normal" bkcolor="" bkimage="" border="none,1," type=0 line=0 align=center use=ex num="0,"]
أنا مثلت فيك القاف ما مثلت فيـه فـلان = وطبعي كل مقفي ما الحقه واشذب عراقيبه
نبي نبعد عن المنقود والمشروه مهما كان = ولا نفرح على المسلم ليا كثرة عذاريبـه
[/poem]

خالد بن سعود:


[poem=font="Arial,4,#ac5668,normal,normal" bkcolor="" bkimage="" border="none,1," type=0 line=0 align=center use=ex num="0,"]
اجل بنشدك عن فيلٍ يحب مغازل النسوان=تضيق ابه الاماكن والمداخل من لغابيبـه
يقول إلهن انا الساحر انا الباهر وانا الفنان=وهو ياكل شنق غيره وكل داري بعيبـه
[/poem]


تركي الميزاني:


[poem=font="Arial,4,#008080,normal,normal" bkcolor="" bkimage="" border="none,1," type=0 line=0 align=center use=ex num="0,"]
سمعت انه على كبره يحس بعقدة النقصان=مجند له رعاة تمدحه وتقـول يـا طيبـه
لكن الفيل يبقى فيل يوم ان الحصان حصان=وضلع طويق ما كل يبي المرقى يعدي به
[/poem]

خالد بن سعود:


ما [poem=font="Arial,4,#ac5668,normal,normal" bkcolor="" bkimage="" border="none,1," type=0 line=0 align=center use=ex num="0,"]
بين ممسح الريضان وبين ملهي الرعيان=غدى ما للجزاله دور ولا لاهل السنع هيبه
الا يال الزمان الشين الا يا ضيعة الوجدان=نزل في سوق ابن قاسم وكلٍ قال كم هي به
[/poem]


تركي الميزاني:


[poem=font="Arial,4,#008080,normal,normal" bkcolor="" bkimage="" border="none,1," type=0 line=0 align=center use=ex num="0,"]
من أول كنت يا هداج تيما تروى الضميان=لكن اليوم جمك ما نذوقه مـن غثاريبـه
لا بد الوقت يكشف من هو الرابح من الخسران=وكلٍ يلتبس له ثوب في قده يصلي به [/poem]


خالد بن سعود:


[poem=font="Arial,4,#ac5668,normal,normal" bkcolor="" bkimage="" border="none,1," type=0 line=0 align=center use=ex num="0,"]
انا يعجبني الشاعر قوي الحبك والبنيان=الي منه بني بيته يشوقك فن تقطيبـه
اجاذبه العلوم اللي تونّس والخفا ما بان=مثل تركي عساه يفوز بالمليون ويجيبه





[/poem]

السلام عليكم ورحمة الله وبركاته.
أخوي كحيلان لحيان..
نقل موفق والصراحة بيوت جزلة لشعراء كبار رغم اني لم أعتقد أن الأمير يجيد شعر القلطة..
لكنه أبدع أما تركي فليست بغريبة عليه..

وفقك الله..

يعطيك العافية محاورة رائعة أعجبتني كثيراً ومثال للمحاورات الخالية من التعصب وإن لم يكن هناك مجال للتعصب أصلاً

بالنسبة للشاعر الأمير خالد بن سعود فهو شاعر متمكن ومتواضع جداً وقد لاحظت حسن خلقه في كثير من المقابلات وهو أفضل من الكثير من الشعراء الذين يحبون الظهور الاعلامي


مشكور ياكحيلان

وياليت أحد من الأخوان يوضح المقصود

	اجل بنشدك عن فيلٍ يحب مغازل النسوان****تضيق ابه الاماكـن والمداخـل مـن لغابيبـه يقول إلهن انا الساحر انا الباهر وانا الفنان ****وهو ياكـل شنـق غيـره وكـل داري بعيبـه

	المشاركة الأصلية كتبت بواسطة مشعل الهذلي

	السلام عليكم ورحمة الله وبركاته. أخوي كحيلان لحيان.. نقل موفق والصراحة بيوت جزلة لشعراء كبار رغم اني لم أعتقد أن الأمير يجيد شعر القلطة.. لكنه أبدع أما تركي فليست بغريبة عليه.. وفقك الله..

على الرحب والسعه

	المشاركة الأصلية كتبت بواسطة نجــ هذلي ــد

	يعطيك العافية محاورة رائعة أعجبتني كثيراً ومثال للمحاورات الخالية من التعصب وإن لم يكن هناك مجال للتعصب أصلاً بالنسبة للشاعر الأمير خالد بن سعود فهو شاعر متمكن ومتواضع جداً وقد لاحظت حسن خلقه في كثير من المقابلات وهو أفضل من الكثير من الشعراء الذين يحبون الظهور الاعلامي مشكور ياكحيلان وياليت أحد من الأخوان يوضح المقصود

حياك يا هذلي نجد

والفيل يقصد به (الشاعر اللي ياخذ قصايد غيره ويشتريها ) بس عاد من يقصد بهذا الفيل كشخص ... الله العالم .....

سلمت أخو كحيلان لحيان

نقل موفق ومحاورة قمّة

والمعاني كلها تدور حول الشعر

بدأوا بالمحاورة

وأنتقلوا للنظم

وأنا أوافقك في تفسير البيت اللي أستفسر عنه أخوي نــجــ هذلي ــد

يعطيك العافيه

أخوي