قصيدة عبد العزيز بن عيد (راعي البرة _ العزي)

بسم الله الرحمن الرحيم

السلام عليكم ورحمه الله وبركاته

هو الشاعر/عبدالعزيز بن عيد الملقب - بالعزي - من المطارفة حاضرة هذيل في نجد (مطارفه الطير) وبلدته البرة التي تبعد ما يقارب مائة وعشرين كيلو متراً شمال غربي العاصمة الرياض وهو غني عن التعريف اذ يمثل احد اضلاع مثلث هرم شعر القوة والحكمة والجزالة مع الشاعرين العوني وابن سبيل حيث تتوارث الاجيال حتى يومنا هذا قصائدهم رغم مرور عشرات العقود على وفاة آخرهم

وقد اشتهر العزي رحمه الله بقصائده في مدح الملوك وخاصة الاسرة السعودية ورؤساء القبائل

يقول شاعرنا المعروف في احد قصائده ..


يا لله يا للي ما بعد صك بابه / يا للي غني وكل خلقه مقاليل

رب السما رب الوطى رب مابه / يارب خلقه رب طاها و جبريل

تعلم مالا نعلم خفيٍ خفا به / وتوحي مالا نوحي من الفاظ ماقيل

يامن على الطاغي شديد عذابة / نرجي العفو يا من عذابه بسجيل

عساي من اللي في يمينه كتابه / ولا تواخذني بالأقوال والقيل

قال لذي زين الغرايب لوي به / شطر على قاف غريب التماثيل

ألف هلا با اللي لفتنا ركابه / باللي على كور النجايب مراسيل

كسرت عصى من سب دين الوهابة / الدين دين الله ولا فيه تبديل

وبكتاب رب عز من هو كتابه / تعز دينك بالشيوخ المشاكيل

واللي كسى الكعبة والابطح بني به / جد الحمولة بالسنين المسا ميل

واحرق هل القطب الجنوبي لهابه / جضيضهم من عقب نقل المواصيل

واعدم هل المشهد وهدم قبابه / ما غش دينه بالبدع والبراطيل

وعشى هل النقرة وعشى الذيابة / وجابوا له النيرات والجيش والخيل

وهل القطيف وصخر أهل الخشابة / وجملة هلى النقرة لخيله زماميل

ركبوا مراكيبه وسارت ركابه / على الجزيرة ما مشى الريل والتيل

وحول بفارس والقرايا مشى به / وهدم بها أصنام وذبح رجا جيل

هزت بلادين العجم بارتيابه / وجابوا له الجزية صغار مذاليل

ومسقط وكل عمان شرعة قضى به / وأهل اليمن جو له على غير تنكيل

هذي حدود سعود واللي بنى به / ملكه غدت فيه النبايت مظاليل

واللي حواه سعود فيصل حوى به / يبغيه نايف بالسنين المقابيل

في عرفنا فيصل حضرنا جنابه / بتيفان(1) حكمه لعبنا بالمصاقيل

وأنا مع اللي يلعبون الكعابة / وجيشه يزكي يم الأميال والسيل

ما كنه إلا من ملوك الصحابة / خليفة خلف على تالي الجيل

ربا وقرا والقواعد عطابه / والرمل والعميان رتب لهم كيل

بني المساجد لأجرها واحتضى به / في كل صوب له وقوف وتسبيل

ومن عنده أيتام لفيصل عنى به / جابوه للي يحتسب للمحاصيل

وأهل المدارس كنهم من أصلابه / يفرح إلى جا طالب العلم بالحيل

مات الإمام وكل حي درى به / عساه مجزى بعفو إلى سيل

ورث حرار قطع من صلابه / وصفي من المقرن ربيع المهازيل

شيخ ولد شيخ عريب جنابه / من منهل مادار مثله مناهيل

الشيخ ابن فيصل شبوب الحرابة / إن ماتت النيران جدد لها حيل

داس الخطر واروي الخضر من روى به / وداس الحريب ونال بالحكم ما نيل

كم هية غطا النوازي ضبابه / فيه الطريح وبيرق العز ما شيل

فان جاد حظك ما تمنيت جابه / والحظ ماتنفع عليه الدهاويل

يوم أقبلت صار الهدى والقدابه / ماكن اخو نورة شكا بالدهر ميل

ثور من الديرة على ما نوابه / بحزم وعزم ولا بغى الشيخ تدويل

صبح هل الروضة بشمشول لا به / بعوجا لأهلها بالهوايل تهاويل

واللي حضر كون الإمام اغتنى به / وخلا الأعادي بالقرايا هواشيل

طير السعد رب لمقادير جابه / بين الفراش وبين زين المعاميل

نايف جلس بالبيت وأضحى الضحا به / ولاجت من الله ما قووه المغاليل

وعجلان جاه اللي يدبر عقابه / عطب الضرايب يضرب الخرب تشهيل

شاله بمخلاب يشل الدما به / شاف الحرار وجول الصيد تجويل

اللي لقي في قصر جدة عثا به / علىَّ على تركي بضرب التناصيل

ونو تظهر من جنوب سحابه / من الشرق للغرب غدا كنه الليل

نشا من المنشا يثور الطها به / نخيله أثقل ما نشا بالمخاييل

تضحك مقاديمة وتبكي عقابة / غضب الرعد منه الخلايق مواجيل

كل الطيور تخايله والذيابه / في جرة الناشي تناحت مشاميل

ماشي من العارض على ما نوى به / يبغي الحريب اللي عليه الدواليل

حرق حسين بضربة من لهابه / بشهب تنازل مثل وصف المحاميل

مر القصيم وحرق اللي لقى به / ولا يعيش اللي تنوشه الهماليل

ويم البكيرية هواه انتحى به / يريد من ينطح وجيه المقابيل

والكل طالع يوم حضروا غيابه / يوم هداويه المناعير والخيل

بإيمان عيال تصالي لهابه / فبس المدافع فرقهم له تعاويل

صبة على روس السناعيس مابه / برعود صمع والسيوف المناصيل

وسار الأمير وصاحت بواري كلابه / وقفت على حمر العتاري غرابيل

اللي من العسكر ينجس ثيابه / والسالم اللي حدوره الجماميل

خلا البوادي ما نجمل حسابه / نضيع لا قمنا نعد المحاويل

وان جا الشتا تشكي النضا من عذابه / والقيظ له فوق الاشدة مقابيل

وان علق المخرف حويل زهابه / بشرب صرا من عقب شرب الشهاليل

ياصل حريبه لو بعيد ترابه / من غب كونه يشبعون المهازيل

سلام يا مرزى النضايا عذابه / كيف انت بامعطي المهار المشاويل

يانور نجد وسورها وأنت بابه / يا هاجد الحكام في مظلم الليل

عبد العزيز اللي براسه صلابة / تعيش يا شارب جميع الفناجيل

فنجال أبو متعب ترشفت مابه / ولد الإمام اللي عليه التماثيل

نيرة مخابيطه وسو التهابه / فوق الجنايز مثل وصف القناديل

دبو هل العوجا عليهم دبابة / من طاح في وجه المغلين ماشيل

غطى هل القطب الشمالي غبابه / وأمطر عليهم من حجر طير ابابيل

واللي كساه الله بعز كسابه / وكل يفصل من ردا العز تفصيل

والتاج كسيوا به سباع المهابة / فازوا به المقرن ولا فيه تشكيل

حر تعلا ماكره والتوى به / لولاب سردا ل الملوك السراديل

والشيخ أبو خالد مروي حرابه / زين المتلي ولسبايا مجاويل

بالسيف الارخم لاتولى نصابه / من فوق منتوب المهار المشاويل

يا شوق من كن الجواهر عذابه / اللي نهوده مثل وصف الفناجيل

غض عضيض تو زمة شبابه / عسلوج مقبول بدل وتدليل

لو دش مع فرق الظبا ما يهابه / متنفل بالزين ظبي الغراميل

كن القمر في لبته لا شعى به / ينسف على الامتان شقر عثاكيل

المجمعة قالوا يزيد البنا به / والضب تلقونه إلى حده السيل

نصيحة مادام بنصح ثابة / قبل العقاب والمحن والغرابيل

عن رايح مثل الدجا يندعى به / يشتب باركانه سواة المشاعيل

ينزي تحت ترقه الى آخر ربابه / جنايـــز بمعصفــــــرات الشناشيـــل

ماسركم من غرمكم في جوابه / ولا عف عنكم راع كود المصاويل

كل يشرع للمصاليخ بابه / كونوا مماليك لمرذي المراميل

وابن هويدي دونهم ينفدى به / راسه يحقن دما لجماعة إلى شيل

يا شيخ محدارك متى ينهق به / يم الحسا تقضون باقي الشواتيل

واتطهرون اللي عليهم جنابة / والجرب نطلاها بروس المثاميل

والدولة اللي بالحسا وش لها به / راس الصنم ما يصلح إلا بتنزيل

والسيف مكن بالعرابي ذبابه / ظلم بهم عدل وعدل بهم ميل

والسيف الأقصى صاير به رطابه / لاجا هواكم ذيل السيف تذييل

وصلاة ربي عد ناشي سحابه / ما هل وبل في حقوق المخاييل

على النبي الهاشمي والصحابة / اللي بهم سورة تبارك وتنزيل

(1)تيفان :وقت

وسلامتكم

والله كفوا بربعنا هل البره جميع من العجلان والجبر والعيد

والله يرحم العزي اللي كان من فحول شعراء نجد . والبركه فا الله ثم فيكم

والليالي حبالى وتاتيك بعيال إن شاء الله ربي يعوضنا وياكم بمثل العزي

من البره ولا غيرها من مرابع هذيل نجد آآآآآآآمين.

وتقبل إحترامي وتقديري يابن العم

وعليكم السلام ورحمة الله وبركاته.
الله يرحم الشاعر العلم عبد العزيز العزي .
ويوفقك على نقل هالقصيدة الجزلة ..
ونطمع في المزيد يالغالي ..

بيض الله وجهك .

قصيده رائعه كروعة قائلها رحمه الله رحمة واسعه



و شكرا لك اخوي علي على الموضوع







تحياتي ,,,

وعليكم السلام ورحمة الله وبركاته


أهلا بك أخي علي العجلان


وبارك الله فيك


بالفعل هذا ما نحتاج إليه


وننتظر الأكثر


فقصائد العزي لها طابعها الخاص الذي يميزها عن غيرها


ننتظر منك المزيد

ماقصرت أخوي على هالقصيده
والله يرحم صاحب القصيده

مشكور اخوي علي ونتمنى منك المزيد ولك خالص تحياتي

ما قصرت اخوي على القصيدة

تحيه طيبه مني لك

أخوك / زياد المسعودي

صح لسان الشاعر وتسلم يمناك اخوي علي العجلان



يعطيك العافيه

رحم الله الشاعر العلم عبد العزيز المطرفي ( العــزي )

رحمة واسعة


وبيض الله وجهك أخي علي العجلان

على النقل المميز

وننتظر منك المزيد


تقبل مروري

الله يرحمه ...

ماقصرت

الشاعر الجزل .. عبدالعزيز العزي ( راع البره )


علم على رأسه نار .. وتاريخ حافل بالفروسيه والشعر الهذلي الاصيل ..


فقد اثبت في نجد ان الشعر هذلي أين كانت ارضه ..

فقد لسان ابن رشيد .. في الكثير من مغازيه وبطولاته ..


فهو الذي يقول .. في معركة الصريف الشهيره .. الذي انتصر فيها ابن رشيد على ابن صباح ..


وقال العزي الهذلي .. مادحاً وواصفاً هذا الانتصار ..
[poem=font=",6,black,bold,italic" bkcolor="burlywood" bkimage="" border="none,4," type=2 line=1 align=center use=ex num="0,black""]
يا مزنة غرا نشت من مــــــــــــغيبه =تـــرعد وتبرق ساقها رب الارباب
همت ودمت وادلهمت غـــــــــضيبه=وستثقلت باللى للأرواح جــــــذاب
ترمى السخط ياويل منهي تصيبه = باركانها تسمع كما ضرب الاطواب

تبا الحريب اللى دنا من حـــريبه = ابن صباح اللى تعرض للاسبــــاب
وعريب الدار وكل من يلتجي بـــه = وراع النفاق ومارج الدين ما غـاب
حل المناخ اللى عليهم دعى بــــه= من ديرته يحده جــــــلاب الاجـلاب
والله مــا صده عن الدار هيبــــــة = مير انهم ياتايه الرى جـــــــــــناب
إليا لوى البلوى عــلى من بــليبـــه= ينفك للمبلى من الله مية بــــــــــاب
عنده نزل حوض المنية طليبـــــــه= عوق الحريب اللى ليا زار ما هــــــــاب
سير عليهم بالجـموع الصليبــــــه = جيشه مع المسوق يحـــاديه الآداب
ثار الدخن والعج ونقاد سـيبـــــه = والشمس عنهم كنها تقل بحـــــجاب
يذكر لنا فرز الــوغى شق جيبـه =والذخر حرم عقب جداع الأسـلاب
يا ذيب ســـفوه ناد ذيب الزريبـه = واقرب من السلمان للـــجوف وابواب
وباقى السباع الغايبه وين هيبه= اقـنب لها يا ذيب في كل مرقــاب
ولا تفرس ألا كل بيضا تريبــــــه =وافرس مشا كيلٍ وزلبات واركــاب
والضبعة العرجــــا قدتبه مريبـه = وكل السباع الباقيه كيفها طاب
برض الصريف إلى وطاء ما وطيبه = شرق وشمـــــال وجبلة عنه مــعذاب
حظر الجبل ردو لهندا عجيـــبه=وشمر مــفاتيح الفرج عـند ألا كــراب
في ســـاعة ودع حبيبٍ حبيـبه= وردو لباق العمر مخطاو ما صــــاب
والذود خـلى ما لقا من يجيبــه = يـــــــوم حصل للمنتفق عتق الارقاب
وبن صباح وشلته مع صحبتــه =ما عاد يظهر بيرقه من وراء البـاب
حتى لذيذ النوم مــا يهتنيبه= باللــــيل زامــات ورا بابه أبواب
والليل ما ينزل مجارى شعيبـه = ما يشبع الرجال من عشب عشــاب
من فوق حرذونٍ تحك الشطيبه =تسعين يوم ومقعد الشيخ ما طـــاب
والغوج خلى ما لقا من يجيبـه =عند ابن بادي ما لقا الغوج ركــــاب
مدلبحة تحت الرجــاء ما دريبه = ذب السلاح وبدل السيف مشـــــعاب
لا تأمن الدنيا ولا ترتهي بــــه = تقبل وتعطى عقب الإقفاي عـــرقاب
أن أدبرت قصت محوصٍ قطيبه =وان اقبلت فادنى شريطٍ لها جــــاب
والسيل لاتنزل محاني شعيبه =لاتنزل الوادي لاياصار محناب[/poem]


فكثيراً ماستشهد ابن رشيد بابيات القصيده الاخيره ..

وقال عند محاصرة ابن سعود له في جهات القصيم .. قال ابن رشيد مقولته المشهوره

عزالله ان الهذيلي ( راع البره ) نصحني ..


وقصائده رحمه الله كثيره ..

وبطولاته موثيره ..


ولكن اشكر اخي العجلان .. كايب الموضوع الشكر الجزيل ..


ونحن بحاجه .. الى من يثرينا بتاريخ واشعار وبطولات ربعنا هذيل نجد ..


فلهم تاريخ مشرق ..


تحياتي

[ماطر السويدي]

ونعم بربعنا مطارفة الطير ورحم الله الشاعر العزي
قصيدة حقيقة توقفت عند قراءتها كثير لما فيها من معاني
جزله وتشكر جزيل الشكر أخي علي العجلان على
هذا الطرح الذي نحن في أمس الحاجة لاحياءتراثنا
وشكراً لفارس السحراء على الإضافة.
ولكم تحياتي وتقديري