عمرالخالدي ومستور العصيمي

عمر
يا مرحبا في محل مكملين اللزوم = ترحيبة ما نقصرها على حد أحد
مستور غايب ثلاث شهور ماله علوم = مدري عنه قال كل العلم و لا جحد
مستور
تبقون يا أهل الوفا عداد مبدا النجوم = و عداد ما قاد نو فيه برق و رعد
و الله ماني بغايب جعل حظك يقوم = مير أنت رجل تنوم من الأحد للأحد
عمر
السالفة طولت وصلت لراس الخشوم = لكن خلك بجهدك لا تخلي جهد
من يعشق البنت ياخذها و ينسى العموم = يالله عساها تخلف بنت ولا ولد
مستور
يالشاعر الخالدي محد عليها يدوم = أحد يعقد العقد و أحد يحل العقد
مير أنت رجال ترقى في طوال الرجوم = من راس قرنيك تنقز في مشارف برد
عمر
راحت صقورالفضا وانخش في العش بوم = والخافي أعظم كما ما قيل وأدهى وأشد
وإن كان ودك تحواها على السوم سوم = ابشر برد البرا ذلحين ولا بعد
مستور
صحيح ما كل طير في سمانا يحوم = واليا رسمت الوعد جيتك بحسب الوعد
مافسر الحلم غير مفسرين الحلوم = أحد يواجه سعد وأحد يواجه نكد
عمر
إن كان حمي الوطيس ابشر = وحنا خصوم لكن محد بناله خيمة بلا عمد
حد .......وقريب من حدود البقوم = والقاضي المرتشي ماهو من أهل البلد
مستور
خلك بخط الدفاع و كب خط الهجوم = ماني شريكك بحظك قام ولا قعد
إن كان منته بشاري الغالية لا تسوم = يالصاحب احفظ حسابك لا يضيغ العدد
--------------------------------------------------------------------------------


تحياتي للجميع

عاشق هذيل القارحي

محاورة جميلة صح الله لسان شاعرنا المحبوب
عمر الخالدي والله يقويه ولايهون الشاعر الكبير
مستور العصيمي .
مشكور والله يعطيك العافية .

محاوره قويه فعلآ ومعنى خطير تمكنا الشاعرين من اخفائه قدر الامكان وهذا مو غريب على مثل الشاعر عمر والشاعر مستور حيث لهم باع طويل في المحاوره

اخوي ابو حمدان شكرأ على مرورك الجميل




اخوك
عاشق هذيل القارحي

اخوي ابو سندالهذلي شكرأ على مرورك الرائع

تحياتي لك
عاشق هذيل القارحي

بيض الله وجهك يالقارحي على هذا النقل

محاورة جميلة جداً فتل ونقض

شكراً ياعاشق هذيل القارحي .

كفوو يابو محمد وصح لسانك

ويعطيك العافيه عاشق هذيل القارح علي النقل الرئع

تحياتي لك