لخوالي ولغيرهم

خاص لمعاناتي
( بدون عنوان)

يالله تجير المستجير اللي من الدنيا فقير

***********ماله فراش الا السهر ولا له لحاف الا الهموم

ولو طاوع الدنيا ومافيها لبس ثوب الحرير

**********في ظل ذل (السلمه)اللي للكتوف وللخشوم

في وسط عالم تمنع الشهره وتقرير المصير

*********وعينه تشوف (اللقمه) الحمرا ورى السيف الصروم

ومنظمة مص الدما تشرب من العرق الغزير

*********وابن الحلال ان قال ابشرب جرعوه من السموم

وجناح حضه كاسرينه مامعه حيله يطير

********يفطر على صلف الهوى وان هبة النسمه يصوم

مسلوب حريه ولايقوى شهيق ولا زفير

*********محروم من كلمة(أنا) حتى من الموت امحروم

عنده شهاده تثبت انه لاصغير ولاكبير

**********وعنده شهاده تثبت انه مايطالع فالنجوم

حي الله انه اجودي (يشعر) ولا ياكل (شعير)!!

*********ركز معي يامستمع ماهو من أصناف الرخوم

ياقف مواقيف البطل بلال في شمس الهجير

*********(ويبكي على ذبح الطلي يوم العوايد والسلوم)

يحلم( بخير) ولاصحى يلقى من الويلات (غير)

********يعني على قول المثل(ـــــــــــــــــــ� �ـــــــــــــــ)

مرّه وهو (راقد) حلم انه لقى شنطة سفير

*********وانه وهو (راقد) فتحها مالقى غير السهوم

غارت بصوت العاتيه بنت الشتا وام الصفير

*********ثم استقرت في لسان الكبد والصدر الكتوم

أكل مرارات الزمان ونام ف احضان الحصير

********** وسادته ثقل الديون وضحكته سجن الخصوم

يعشق اغني السيده ويلحن الفصل (الاخير)

*********(ياللي ظلمتو الحب)خلو الحب ماهو للظلوم

(بالمختصر ماله سنع الا يقول انه ــــــــــــــــ )

*********واصغر شويه من(ــــــــــــ) الــ(!!!!!!) ف كتاب العلوم

و س ل ا م ت ك م