يشباب القصيده تعبر عن نفسها

[راجــح الهذلى]

بدينا بذكر اللي خلـق جنـة الفـردوس *** خلقهـا وبيـن فـي كتابـه مراتبـهـا

قريب مجيـب يعلـم السـر والهاجـوس *** ومن حكمته سيـر الفلـك مـع كواكبهـا

الله خلق كل البشـر رئيـس ومريـوس *** خلقهـا وفـي يـوم القيامـة يحاسبهـا

سلامي على أهل الدين كسابة النامـوس *** سلامـي عليهـم عـد ذاري هبايبـهـا

على منهج التوحيد نأخـذ عبـر ودروس *** دعـاة العقيـدة ماتقـصـر بواجبـهـا

سلامي على اللي لحيته مايجيها المـوس *** ولاشجـع الكـورة وصفـق للاعبـهـا

على سنة المعصـوم ماطـول الملبـوس *** عفيـف جنابـه والمعاصـي مجنبـهـا

يقرأ الكتاب ولايدانـي أهـل المنكـوس *** كمل بالصفـات الطيبـة مـن جوانبهـا

فعله رفع رأسـه مـع رأفعيـن الـروس *** تقدم على كسـب المعالـي وفـاز بهـا

ترى راعي الطاعات عاداتـه النامـوس *** علـى طاعـة المعبـود نفسـه مدربهـا

أنا أشوف بعض الناس في سيرته دنفوس *** حريمه مع السـواق دايـم يـدوج بهـا

يشري لها الموتر وسواقهـا الهنـدوس *** ولايشنـده لاراح متـى يـعـود بـهـا

وفـي منزلـه خدامـة تعبـد الجامـوس *** تربي وراعينـه علـى خبـث مذهبهـا

وفي البيت تلفاز عليه الجميـع جلـوس *** على شاشتـه كـل المعاصـي يجيكبهـا

والنوع الآخر في المكاسب ضعاف نفوس *** مشوا فـي الربـاء ماحسبـوا مصايبهـا

شباب على درب الردى يدفعـون فلـوس *** شرى غرشة الويسكي علشـان يشربهـا

ولابغى يسهـر كـل الحبـة أم القـوس *** أحبـوب خطيـرة والمراجـل تخربـهـا

عيال الحمايل جوا عقب الحبوب تيـوس *** وكم واحدا باع الشـرف مـن سبايبهـا

خذ العز من رأسه برجله يدوسـه دوس *** جميـع المصائـب مايحسـب عواقبهـا

علامة شربه للزقايـر سـواد ضـروس *** علـى فرتـه حـط النجاسـة وجاكبهـا

وصلاة ربـي عـد ماذعـذع النسنـوس *** على المصطفى المختار عابـر سحايبهـا



تحيتي لكم

 

[أبو حمدان]

قصيدة تحكب الواقع المرير الذي تعيشة
المجتمعات الآن ولو أن الشاعر قد تطرق لبعض الأمور
التي لاتعد عيباً وخصوصاً إذا لم تلهي عن الصلاة والعبادة عندما قال :
(( ولاشجـع الكـورة وصفـق للاعبـهـا ))
أعتقد أن تشجيع الكورة النظيف الخالي من التعصبات الذي لايلهي عن
العبادة لييس فيه شي .
أما باقي القصيدة فهي صادقة ورائعة في وصف أحوال الناس في هذا الزمن .

لاأعلم هل القصيدة من إبداعاتك ياأخ راجح أو منقوله فأنت لم توضح ذلك .
المهم صح الله لسان الشاعر فقد أبدع والله يعطيك العافية ويبارك فيك .

 

[عبآدي الهذلي]

وصلاة ربـي عـد ماذعـذع النسنـوس *** على المصطفى المختار عابـر سحايبهـا

الله واكبر

صح لسان الشاعر

صراحه ما اقدر اوصف شعوري بعد قريت القصيده لو انه قدامي حبيت راسه

الله يعطيك العافيه ياراجح

وتقبل مروري

 

[هــادي الــهــذلـي]

صح لسانك يا بن جبير


الله يعطيك العافيه

 

[مشهور الطلحي]

بيض الله وجهك
وصح لسانك

 

[هشام الهذلي]

قصيدة جميلة ورائعة أخي راجح الهذلي


أشكر لك نقلها وصح لسان قائلها


ودمت على الخير

 

[مشعل الهذلي]

السلام عليكم ورحمة الله وبركاته

بارك الله فيك اخوي راجح على نقل القصيدة ..
وياليتك ذكرت من صاحبها ..

والنوع الآخر في المكاسب ضعاف نفوس *** مشوا فـي الربـاء ماحسبـوا مصايبهـا
هذا الواقع .

ولابغى يسهـر كـل الحبـة أم القـوس *** أحبـوب خطيـرة والمراجـل تخربـهـا
الله يخارجنا ..

تسلم اخوي راجح ..

ننتظر الجديد .