لا حق الزويهري وصياف الحربي

[رايد الهذلي]

يقول لاحق :
تحيرت ياصياف مدري وش ابطـــــاك ******* تحيرت ياصيـــاف وش ذا المغيبــــــه
انا ربي أعطاني كما ما الله اعطــــاك ******* ومن هو يجيه الخــير يعطي صحيبـــه


فرد عليه صياف وقال :
انا ما تحـير يابن الاجــواد لــــــولاك ******* وشهــوات الأنفس يالهذيـلي صعيبـــــه
إليـا أعطاك ربك عـز دينـك ودنيــاك ******* وطــالـــع بعينـك للديـــــــار القريبـــــه


لاحــــق :
أنا عارف إنــك تبدي للخـير يمنــاك ******* وهـذي على الأجـــواد ماهــي غريبـــه
نزلت البحر والله من المـوت ناجاك ******* ولا زم تصــدق من عروض المصيبــه

صيــاف :
أنا أشوف في جيبك ثلاثين مسـواك ******* وهــذي مع العــربـان قصـه عجيبـــــه
نزلـت البحــر قـدام دورات الأفــلاك ******* وجهـــزت للمخطــي سهــومٍ عطيبـــــه


لاحــق :
أبعطي ذاك المسواك والحظ يبــراك ******* ومــــدت صحيــب لصاحبـــه ما تعيبــــه
أنا شفت مسراح وأنا شفت مضواك ******* ولا أدري ويـش شفت من ذا الكسيبــــه


صيــاف :
عليــك الله اكــبر كلهــا ما تعــــداك ******* ولكن إنـك الليــله قـاضبــلك قضيبـــــــه
عدوك رماك برمح صابك ولاأخطاك ******* ولـكــن دور لــك طـبـيــب وطبـيـبــــــه

 

[مشعل الهذلي]

السلام عليكم ورحمة الله وبركاته

تسلبم اخونا رايد ..
وياليت عرفنا نبذة عن الشاعر الكبير لاحق الزويهري ..

الله يرحم صياف رحمة اسعة ..

أبعطي ذاك المسواك والحظ يبــراك ******* ومــــدت صحيــب لصاحبـــه ما تعيبــــه
أنا شفت مسراح وأنا شفت مضواك ******* ولا أدري ويـش شفت من ذا الكسيبــــه

عليــك الله اكــبر كلهــا ما تعــــداك ******* ولكن إنـك الليــله قـاضبــلك قضيبـــــــه
عدوك رماك برمح صابك ولاأخطاك ******* ولـكــن دور لــك طـبـيــب وطبـيـبــــــه

 

[رايد الهذلي]

اشكرك اخي مشعل ولكن لا لدي العلم الكافي اشافي عن هذا الشاعر العلم

ولكن لعل من الاخوان من ياتي بسيرته