اجمل ماقيل في القهوة العربية

[كوب قهوة]

:110103_howudoing_pr

القهوه العربيه وما قيل عنها من اشعار

:icon30: يقول الامير راكان بن فلاح ال حثلين

يامحلا الفنجال مع سيحة البال
في مجلساً مافيه نفساً ثقيلـه
هذا ولدعمً وهـذا ولـد خـال
وهذا رفيقـاً مالقينـا مثيلـه

:icon30:ويقول الشاعر محمد بن عبدالعزيز القحطاني وهو يوصي ابنه

يابو محمد شب واقضب مكاني
في غيبتي قهو الرجال المشاكيل
وفل الحجاج لكل من جاك عاني
وابدا التحيه قبل سوق الفناجيل

:icon30:ويقول شاعر من قبيلة مطير واسمه شليويح وهو يوصي ابنه نمر

امل الوجار وخلو الباب مفتوح
خوف المسير يستحي ماينادي
يانمر مافي صكة الباب مصلوح
ولاهي لهلكم يامظنـة فـؤادي

:icon30:ويقول خلف بن هذال

سوولي الكيف وارهو لي من الدله
البن الأشقر يداوي الراس فنجالـه
كيف لنا نحرقـه بالنـار وانزلـه
واليا انقطع لو ورى صنعاء عنيناله

:icon30:ويقول الشاعر ابن خشم الذيب العجمي

اشرب الفنجال واكب البيالـه
طيباً واحب سلـم الطيبينـي
الولد ان طاب طيبه من خواله
وان تردا فاعرف انهم خايبيني

:icon30:ويقول الشاعر دغيم الظلماوي من قبيلة شمر

ياكليب شب النار ياكليب شبه
عليك شبه والحطب لك ايجابي
وعلي انا ياكليب هيله وحبـه
وعليك تقليط الدلال النجابـي

:icon30:ويقول الامير راكان بن فلاح ال حثلين اثناء اسره في تركيا (يصف حالته)

يابوهلا صرنا سوات الدراويش
والكل منا خبزته فـي يمينـه
لا عاد به دله ولا عاد به عيش
ولا عاد به فطحة خروفاً سمينه

:icon30:ويقول الشاعر الامير محمد بن احمد السديري

يابجاد شب النـار وادن الدلالـي
واحمس لنا يابجاد ما يقعد الراس

:icon30:ويقول الشاعر ناصر بن عبدالكريم من اهل سدير

خمسة عشر فنجال لحنيف صبيت
لو ان بطنـه قربـةً قـد ملاهـا

:icon30:فرد عليه الشاعر حنيف بن سعيدان المطيري وقال

لا تحسبني من دلالـك تقهويـت
قللت في طبخهـا وكثـرت ماهـا
ياموصي الحرمه على صكت البيت
تقول منتـه فيـه وانتـه وراهـا

:bleh: :56: منقووول

 

[ابو سعد]

أخوي كوب قهوه


نقل موفق بارك الله فيك و هناك قصيدة ( لا يحضرني أسم شاعرها و هو هذلي من هذيل البقوم ) إن لم تخني الذاكره


يقول في مطلعها

عند الهذيلي دلة عجرفيه ... فنجالها يسوى الفين فنجال



و ننتظر جديدك يا غالي






تحياتي ,,,

 

[حامد السالمي]

أشكر لك ما نقلت وأعددت

ولك خالص التحية والتقدير

 

[بنت مكه]

صح لسانهم جميعاا ولاهنت اخوي ..كوب قهوه

والله القهوه انها كيف للي يعرفلها

تسلم على طرحك الراائع

 

[هشام الهذلي]

[poem=font="Arial,4,#000000,bold,normal" bkcolor="" bkimage="" border="none,1," type=1 line=0 align=center use=ex num="0,"]
عند الهذيلي دلةٍ عجرفيه = فنجالها يسوى ثمانين فنجال
واللي كذبني يسيّر عليّه = ما زال راس حي ما غطه الجال[/poem]


نقل رائع / كوب قهوه


والقهوه الكيف الأول


بالنسبه لي

تقديري لك

 

[كوب قهوة]

 

[مطرفي الدلم]

البيتين اللي يقول فيها

عنـد الهذيلي دلـة عجرفيه *** فنجالها يسـوى ثلاثين فـنـجال

واللي مكذبني يبدي عليه *** مادام راسي حي ماغطاه الجال

هذه الأبيات للشاعر / عايد بن محمد الهذيلي من ربعنا الهذلان اللي متحالفين مع البقوم وهي قصيده

كامله لكن لايسعني كتابتها .

تحياتي .

 

[الثعلب]

موضوع جميل ولكن لي تعقيب صغير

اللي يقول
املا الوجار وخلي الباب مفتوح

هو الشاعر والشيخ محمد بن شلاح المطيري رحمه الله

والذي يقول
الولد وان جاك طيبه من خواله
هو الشاعر الامير محمد السديري رحمه الله
ولا ايش رايك

 

[محمد الحميدي]

اختي بنت مكه

مشكوووووره على النقل الرائع

يعطيك العافيه

 

[هامة العرب]

الله روعه ابيات شعر في قمة الجمااااااااااااااال ولا بعد نقل احلىىىىىىىىىىى واجمل
انا من عشااااااااااااق القهوة خخخ
والشعر بعد تقبل مروري وتحياتي لك
اختك هااااااااااامة العرب