حي الغزال

[السهم الخطير]

حي الغزال اللي بدى مطلع الشمس
يفتح شبابيك الهوى للعشـــــاشيق
عذب الكلام يحسن النطق بالهمس
انغام صوته تطرد الهم والضــــــيق
له نظرة تطمس هوى عاشقه طمس
يحتار فيه ولو يعرف المـــــطاريق
روابعي من بعد شوفه غدة خمس
امشي بدون شعور بين المـــخاليق
لالي معه حيله ولا لي معه رمس
راح الغزال وفتق القلب تفتيـــــــق
قمت اترقب واصفق الخمس بالخمس
وابدي ضحى من حيث مبداه واويق
قلبي تعلق بالهوى وانحمس حمس
يا اسرين القلب في حبكم عـــــيق
ما عاد فيني صبر دام الهوى عمس
قلبي اسير الحب ماله معاتيــــــق
ليت الفلك يرجع وراه لضحى امس
واخذ حبيبي وابعده في المداريق
اشفي غليلي منه لو المسه لمس
واشفي جروح من غلاته مفاتيق

 

[مشعل الهذلي]

السلام عليكم ورحمة الله وبركاته

ياسلام أخونا السهم ..
قصيدة تتمتع بجرس موسيقي رائع ..

تمنيت أن تسندها لك أو لسواك ..

مجملا ننتظر منك الجديد إبداعا ونقلا ..

حفظك الله ..

 

[محمد الحميدي]

اخوي السهم


صح لسانك

يعطيك العافيه