من يودي علوم وخيـّل

[رايد الهذلي]

بسم الله الرحمن الرحيم


السلام عليكم ورحمة الله وبركاته

عد مالاح برق وخيّلكل فارس شجاع وخيّل

من يودي علوم وخيّلمالي ومال هرج زياده

عد مالاح برق00ولاح مزن وسحابهياسلامي سلام00 ويكشف الخافيات

فيه فرق ٍ فرق00 والعلم بيّن كتابهكل يوم ٍ وعام00قلوبنا وافيات

 

[وضّاح اليمن]

يا سلام على البدعة المبتكرة

صح لسانك رائد

كان ودي أشارك بس والله هذ الوقفات يبغى لها شاعر نفسه طويل

تحياتي

 

[سعود الهذلي]

وعليكم السلام ورحمة الله وبركاته

صح لسانك يارايد

 

[وضّاح اليمن]

تدري يا رائد خلنا نحاول

بس ترى الموال حقي لحنه غير

عد ما لاحت بروقٍ مخيلةعد ما تغزى السرايا مخيلة

وعد ما غش الرجال المخيلةمالي ومال هرج زيادة

عـد ما نـاح وَرق 00 وشال صوته وجابـهمرحبا بالحشام 00 علومنا لافيات

انت غنيت طرق 00 ولازم يجيك جـابهقودها للامام 00 قلوبنا صافيات

 

[هذلي والفخر لي]

فيه فرق ٍ وفرق00 العلـم بيّـن كتابـه
كــل يــوم ٍ وعام00قلـوبـنـا وافـيــاتي


حياك الله يابو سليم

واتوقع ان العجز ينقصه حرف الياء في الاخر

ليتناسب مع وزن الصدر

اضافة الى انك غيرت مكان حرف الواو في البيت اللي كتبته اعلاه

صراحه بدايه جميله واتمنى ان نستمتع بمحاوره جزلة كجزالة شعراءها


لا هنت يا وضاح الشاعر

اعجبني ردك

والى الامام

 

[راعيها]

سلمت اخواني رائد هذيل ووضاح هذيل ان سمحت لي بتسميه

 

[وضّاح اليمن]

مشكور أبو بسام ومن قال ما يهون

حياك الله أخوي راعيها

وترى أنا ما اخترت هذا الاسم عشان شام ويمن لا

أنا بس معجب بأسطورة الشاعر وضّاح اليمن

 

[راعيها]

والله اني ماطرالي لاشام ولايمن بس جات كذا من محبه

 

[رايد الهذلي]

فيه فرق ٍ وفرق00 العلـم بيّـن كتابـه
كــل يــوم ٍ وعام00قلـوبـنـا وافـيــاتي


حياك الله يابو سليم

واتوقع ان العجز ينقصه حرف الياء في الاخر

ليتناسب مع وزن الصدر

اضافة الى انك غيرت مكان حرف الواو في البيت اللي كتبته اعلاه

صراحه بدايه جميله واتمنى ان نستمتع بمحاوره جزلة كجزالة شعراءها


لا هنت يا وضاح الشاعر

اعجبني ردك

والى الامام

البقاء

ولكن انا لا ارى ما ترى وكلا له رايه الشخصي ولكن اعتقد ان امامي شاعر ولم يعذرب ولكن على ماقالو على الله

 

[وضّاح اليمن]

لا وانا اخوك بس جات فرصة لي عشان أوضح
أحبك الله وبارك فيك

تحياتي

 

[رايد الهذلي]

استلم لاهنت يا وضاح


المووووال لم تاتي به على ما هو عليه


ولكن استلم البيت

اه ياقلوب حرق 00 تمر فيها كآبهفي يمن منت شام 00 علومنا باينات

روح ماهي بشرق00 الداب مقلوع نابهوانت لجلك وسام 00 ومابها شي فات

 

[وضّاح اليمن]

بيننا ماش درق 00 البيت معروف بابهوانت وش بك قوام 00 تبيح الخافيات

العوالي بزرق 00 تجيك يا سبع غابهمير شد الحزام 00 وضوي الذاهبات

 

[رايد الهذلي]

بيننا ماش سرق 00 الذيب قدمه ذيابهباين الي حرام 00علومكم ساريات

الشجاري بعرق00 وخيل نو السحابهمير حذرا تنام 00عيونك الساهرات

 

[وضّاح اليمن]

انت لك حيل ..فـ ارق 00 وخـل جـرد الشعابهالهـَمام الهـَمام 00 وكل ما فات مات

السحـابه لبـرق 00 وروق.. جات بطلابهمـا غطـاها عســام 00 وجنـِّـب الهافيات

 

[فارس الهذلي]

متابع ومستمتع

وأسجل إعجابي بالشاعرين

الله يعافيهم

 

[وضّاح اليمن]

يا هلا والله أخوي فارس

حياك الله

والله يعافيك

 

[وضّاح اليمن]

أشكر اخي وزميلي الشاعر رائـد الحتيررشي

وكل من مر من هنا

ولازم لنا جولات جديدة يا رائد

يا ليت تكون قريب

تشرفت باللعب معاك

تصبحون على خير

 

[رايد الهذلي]

صح السانك يا وضاح



واشكر كل من مر وعلق ولكم فائق احترامي وتقديري

وان شا الله ياوضاح لنا لقاء عما قريب

دمتوووو بود

 

[هشام الهذلي]

صح لسانك يا أبو سليم

وصح لسانك أستاذ وضاح اليمن

محاورة رائعة

ننتظركما في القادمة