لاضاق صدرك تعال وسعه عندي

[مشعل الهذلي]

السلام عليكم ورحمة الله وبركاته


ساري الليل ما ادري وين هي ديرتي
كل ماشفت نجم قلت ربعي قريب
ليت بعض البشر يدرون عن قصتي
ماحصلي مع الغربة ترى امر عجيب
لا صديق يسليني وانا بوحدتي
ولا حبيب يصبرني على ذا النصيب


شكرا لتفاعلكم ولا أستغرب جمال الذوق لديكم ..

 

[محمد الحميدي]

اشتقت لأيامك وجيت أنشد الوقت
وين الحبيب وضحكته وأمسـياته
ليته يوسع خاطري لا تضــــايقت
مثل الكفيف ان قربوا له عصاته
ماهو زعل لا شفت وجهه ودنقت
العين تخفي في نظرهـــــا غلاتــه

 

[محمد الحميدي]

ما كـل مــــــن يركب على الخيل خيال
ولا كل خيل تعجبك هـــــي أصيــــــــله
ولا كل من يعجبك هرجـــــه برجــــــال
بعض العــرب ملـــــسون وإيـده بخيله
الكــــــــــل يلبس ثوب وشماغ وعقـال
وعند اللزوم افعالهـــم هـــي قليــــــــله
الرجـــــل تثبت لـــــه أقاويـــل بأفعـــال
لا قال شـــيء ونفـــذه هـو دلــــــــــيله
والرجل لاشفته مــــــع القيـــل والقال
أبعــــد عنه هذا صفاته عليـــــــــــــله

 

[محمد الحميدي]

قلت الحقيقه حق والحـق مخبـور
ولكل فـارس كبـوةٍ فـي جـواده

ايوالله اني جيـت ويـاك بقصـور
ولا انت وافي ما يبي لـك شهـاده

نورٍ على نورٍ ونـورٍ علـى نـور
ونورٍ على اللـي يلبسـن القـلاده

وان كان تنشدني بالابيات مسرور ؟
ايوالله انـي طايـر امـن السعـاده

خطٍ لفاني من هوا البـال مشكـور
وكـلٍ يعّبـر فرحتـه باجتـهـاده

 

[أبو يزيد]

[poem=font="Arail,4,#4169e1,bold,normal" bkcolor="" bkimage="backgrounds/8.gif" border="solid,1,#f2b7f0" type=1 line=0 align=center use=sp num="0,"]
يدك لامدت وفا لاتحرا وش تجيب=كان جاتك سالمه حب يدك وخشها[/poem]
الله يعطيك العافيه يابو الجوري

 

[وضّاح اليمن]

للرائع فهد عافت


قالت وش العلقم التريـاق؟ ومحدٍ ضمادة سوى جرحه

كل اللقا لو نظرت فـراق وكل البكا من ورا فرحـة

محدٍربـح كـود لما بـاق محدٍ خسر كـود من ربحه

مابه خلوق وعديم أخـلاق للكـل نسبة من الصحـة

يا شاعري والوهم حـرّاق أجدى من مصافحة ذبحـه

خذها حقيقة من الاعمـاق صدرك هو اللي طعن رمحـه

مافي الكتابه جـديد آفـاق كم تشبه الكسرة الفتحـة

قلت اسمعيني صـوتي تـاق يجمع لك الكل في شرحـه

ان قلت بعض الفراق عناق أو قلت بعض الكفن طرحه

لاني بكـاذب ولا آفـّاق لكنها النظـرة السمحـه

أكبر خطـا اننـا نستـاق تعريف للبحر من ملحـه

انـ تتبعيني..أنـا أوراق أو تهجريني..أنـا صفحـه

للشعـر للحب للاشـواق لليل في داخـله صبحـه

بيني وبين القلـم ميثـاق يهدّني..وأبني في صرحـه

ذي راحتي وإسألي العشاق العاشـق كتابته مسحـه

 

[محمد الحميدي]

لو أكتب إحساسي بالأشعار وأبديه..


فيك المشاعر كيف بس أختصرها..


قدرك كبير ويعجز الشعر يوفيه..


كل القصايد فيك ينضب بحرها..


أرفع يديني وأسأل الله وأرجيه..


ينجيك من شر الحياة وكدرها..

 

[مـسـك]

انا شمس السنين اللي تجلت من قديم الوقت
وانا شمس الشموس اللي مااحد يقدر يناظرها
انا حتى القمر يشتاق لي ومايوم له اشتقت
سمعته يسـأل نجوم السما عني يسامرها
يتابعني وانا اتغلى اذا هو غاب انا اشرقت
يقول الشمس عنتني; عنيده حيل خابرها
;عنيده والعناد يلوق لي مره وانا له لقت
انا حتى البحور ومايها اجذبها وابخرهاا

 

[محمد الحميدي]

أبتركك للغير منهو يسليك

وأببتعد وأنسى ماضي مسيرك

دامك هويت الغير فالله يهنيك

وأنا باعيش أذكر على الدوم خيرك

خلك معه خلك.. يمكن يراعيك

بس لاتجيني لامن خلاك وحب غيرك

 

[راعيها]

اخواني واخواتي جني هذيل/وضاح اليمن/وش ابي/ ناصر الياسي
مشعل الهذلي ............... شكرا لتواصلكم الجميل ايها الفضلاء.

أمسيت الكيل الرأي بالمد والصاع....قست الأمور وعفت لما توريت
لافاقد الحيله ولاقاصـــر البـــــــاع....ويالله يامولاي فيك استعزيت
الذيب رزقه في مبادية الارواع.........وانا برزقي في زماني تعنيت
وانا مربى من زماني ومطــــــواع...ربتني الايام حتى تربيـــــــــت

 

[عبدالرحمن الدعدي]

السلام عليكم ورحمة الله وبركاته
بيض الله وجهك ياراع الفكرة
ونا عندي بيت اللي يقول

تراه ماينفعك خالك ولا اخوك===لصار ماتقضــي لزومــك بــيمــنـاك
وربعك لبان الخلل فيك عافوك== اقرب قريبن لك من الناس يشناك

 

[محمد الحميدي]

والله اني ما اتمنى في حياتي الا
شي اني املك كل ها الدنيا بيدي

وليت كل هالكون بيدي كان احقق اللي تبيه

 

[محمد الحميدي]

انتظرتك بس طال الانتظار
والانتظار إن طال يجرح يا أسد
ليش تبني بيني وبينك جدار
من وعد ياتي على نفس الوعد
مابها رحلة ولا فيها مطار
والبلد ياصاحبي نفس البلد

 

[راعيها]

والطير الاخضر صاحب الطير الاصفر...........وطيور ماتعرف لها وجه واقفي
عنوانها يخبرك عن كل مضمــــــــــر..........شبّّت وشابت وابدلت عود بصبي
والنمر جنّب والحصيني تنّمـــــــــــر......... يحسب سباع الغاب من جملة الصي
واقيس ان الحبّ مايشبع الــــــــــذر.........وعلوم باتت مابقي دونها شي

 

[محمد الحميدي]

وين الصديق من العدو اشبـاه والنيـه ضفـاف
وين القلوب الطاهـره اللـي تبادلنـا الوصـل

ما هو قوي اللي قدر يضحك على قلوب الضعاف
دام الهوى ضعف البشر ما سمي الخايـن بطـل

فعيوننا شيٍ غريب نظرات مـا فيهـا اعتـراف
كلٍ تغيـر معدنـه مـن قسوتـه محـدٍ خجـل

لو قلتلي يا صاحبي.. يا صاحبي فيـه اختـلاف
طبعاً ترى حنـا بشرمـا فينـا واحـد اكتمـل

 

[مشعل الهذلي]

السلام عليكم ورحمة الله وبركاته

منذ زمن لم اشارك هنا ومصادفة تذكرت أبو جنوب وحضوره في هذه الصفحة شفاه الله :

الحمد لله على كل حال :

قلت ما تقوى على البعد وقويته

هو بقى شي بهالدنيا تخافه...؟

آه لو ياطاك بعض اللي وطيته

كان عمرك يا بعد عمري تعافه

تحيتي للجميع ..

 

[محمد الحميدي]

من مد لي يمناه مديـت لـه خمــس
ومـن صـد عني عفـت شيـفت بــلاده

لاني عزيز وعـزتـي تـحكم النفــس
والنفـس ماترضى بهـون المكــاده

 

[الشامخه]

ماكل من يضحك بدنياه مسرور
لو ضحكته دااايم تحرك حجاجه

وماكل من يبكي من الناس مقهور
بعض الدموع رخاص من شان حاجه

 

[محمد الحميدي]

اضحك ولا كل الوجيه احترمها -------------------- بعض الوجيه اهينها بابتسامه

 

[عوض الطلحي]

واعيني اللي كل مانامو الناس
تسهر على ذكرى ليالي التعاليل

هذا البيت لعبد الله الطلحي (ابو ناصر)