*+* محمد المسعودي والرياحي ،،ياطيب العود الأول والولد ماهو سوات العود*+*

[مطرفي الدلم]

محاورة جرت بين الشاعرين محمد المسعودي وفيصل الرياحي
أترككم لتستمتعوا معها:
..
فيصل الرياحي :



سلام الله عليكم والتحيه يابنـي مسعـود
تحيـه يابنـي مسعـود فاولهـا وتاليهـا
أنا الليله بسريها على وضح النقا المجرود
على وضح النقا المجرود اسريها وامشيها



محمد المسعودي:



هلا يامرحبا ترحيبةٍ تبعد عن المنقـود
عن المنقود تبعد والضيوف الله يحييها
تولم يالرياحي ثم رد عد الروى المورود
على عد الروى المورود ناخذها ونعطيها



فيصل الرياحي :



عسى ربي يوفقنا لياهبت هبوب النود
لياهبت هبوب النود تسعدنا ليـا ليهـا
اعرفك يا محمد فالمعارك تبذل المجهود
عسى من يبذل المجهود ياخذها باياديها



محمد المسعودي:



ليا خيلت يا فيصل خيـال وفالخيـال رعـود
رعودٍ في سماها وامطرت لـلارض تسقيهـا
هدفنا مشترك والنا ورى هذا الهدف مقصـود
عسى المقصود يسهل والعرب تعرف باساميها



فيصل الرياحي:



عسى ربي يجيب الغيث يسقي ديار ابن سعود
يسقي دار ابـن سعـود قاصيهـا ودانيهـا
ولا يا قاضي زورّتلـك صـكٍ بغيـر شهـود
ومن يحكم بغيـر شهـود مايحمـى قوافيهـا



محمد المسعودي:



تبا تحفى الجنوب إن كان حك العود راس العود
ليـا ولعـت نـار العـود ماتقـدر تطفيـهـا
تبا تلقى حسابك بعد ياتـي يومـك الموعـود
تحرّى يومـك الموعـود واعمالـك تلاقيهـا



فيصل الرياحي:



ابعد الليال البيض ماعـد الليـال السـود
أنا ماني براعي السود وأنته مانت راعيها
مدام إن السوالف جات مثل النار والبارود
تعرف النار والبارود والقصـه ومافيهـا



محمد المسعودي:



أنا عندي خبر والعلم لاجاحـد ولا مجحـود
ماهو مجحود ياراع اللحون اللـي تغنيهـا
ياطيب العود الأول والولد ماهو سوات العود
ياليت العود ماعطاه الصلاه اللـي يصليهـا



فيصل الرياحي:



علومك ذكرتني علم ياليت الزمان يعود
ياليت إن الزمان يعود وهمومك تسليها
لياشفت آخر العنقود افكر فأول العنقود
افكر فاول العنقود والدنيـا وماضيهـا



محمد المسعودي:



ترى الدنيا بخير وديرةٍ صعبه سهود مهـود
سهود مهود حيث نسيّـر الاقـدام نمشيهـا
ترى مانته على وقتٍ مضالك وانتهى محسود
ماهو محسود فيصل والجروح الطب يبريهـا



فيصل الرياحي :



تقوله وأدري إنك حيد قاسي من جبـال حيـود
يا حيدٍ مـن جبـال حيـود مررهـا واحليهـا
أنا الحاضر وأنا الماضي وأنا سيف الله المحدود
ترى سيف الله المحـدود كـم روسٍ يوطيهـا



محمد المسعودي:



بعد ما كثرت الحسبات كيف النقص كيف الزود
عساها الزود دايم طرقـة الصاحـب يباريهـا
حقيقه كان جا فعلوم ابن منصور قـدح زنـود
زنودٍ مـا نزلـت بسوقهـا مانـي بشاريهـا

 

[فواز السعيدي]

مشكوور


اعتقد ان المحاورة هذه مكرره

 

[مطرفي الدلم]

شكراً على المرور

وشكراً على التنبيه .

تحياتي

 

[الـمـطــ الهذلي ــــرفي]

تسلم على النقل....


ومشكور..

 

[وضّاح اليمن]

لياشفت آخر العنقود افكر فأول العنقود
افكر فاول العنقود والدنيـا وماضيهـا
،
ترى مانته على وقتٍ مضالك وانتهى محسود
ماهو محسود فيصل والجروح الطب يبريهـا
،
أناا الحاضر وأنا الماضي وأنا سيف الله المحدود
ترى سيف الله المحـدود كـم روسٍ يوطيهـا

 

[مطرفي الدلم]

شاكر لكم على مروركم الكريم

 

[مرعب]

الشاعر الكبير والمعروف فيصل بن منصور الرياحي البقمي

محاورة رائعة وصور مشرقة من رقي المعاني وسمو الاهداف

الشاعر الكبير محمد المسعودي خليفة شاعر هذيل

فنان بدرجة رسام بيض الله وجهك وبارك الله فيك .

 

[مطرفي الدلم]

أشكركم على مروركم

 

[مساعد الهذلي]

محاوره رائعه بين دكتور المعنى محمد المسعودي وفيصل الرياحي



الله يعطيك العافيه يا مطرفي الدلم

 

[مطرفي الدلم]

الله يعافيك يامساعد مرورك شرفني .

تحياتي .

 

[أمير هذيل]

مطرفي الدلم ابداع بلا حدود

 

[الميمنة]

يعطيك العافية يامطرفي الدلم