قصه المثل ياموت دونك حلاب الناقه

[مساعد السليمان]

السلام عليكم ورحمه الله وبركاته
ابناء العم الكرام
اضع بين ايديكم الكريمه قصه المثل اللى يقول ياموت دونك حلاب الناقه
والقصه هناك ولد بار بمهوكل مادخل عليها وفي يده شي طير صايده وعيشه وكل مادخل عليها قالت ياجعل يومي قبل يومك قال لا يمه ياجعل يومي انا قبل يومك قالت اسم الله عليك الا ياجعلى يومي قبل يومك وكل مادخل عليها هم على ها المنوال صاد له ارنب صغير بشبكه والارنب حي ماهو مصوب قال ابسلخ الآرنب واقطع اذانيه وذنبه واغير ملامحه واوديه لمي دخل الولد على امه ومه قليله شوف سلم عليها وربط الآرنب بطرف البيت قالت امه وش ذا ياولد قال والله يمه مادري وش اقولك لكن جاني الموت يبي ياخذني وقلت اصبر امي تقول ياجعل يومي قبل يومك قلت اجيبه معي وياخذك ويخليني وش تقولين قالت ايوالله ياجعل يومي قبل يومك قام الولد يحلب لمه من الناقه قامت الآم تبي تشوف وش ذا المربوط يوم قربت منه قام يتحرك خافت منه ورجعت شافت ولدها بعيد يحلب قالت ياموت دونك حلاب الناقه دونك حلاب الناقه سمع الولد كلام امه قام يضحك قال لمه يمه هذا ارنب صايده ونبتعشاه اليله هذه قصه المثل
يكثر هذا المثل عند اهل الشمال ونجد (دونك يعني عندك)

وسلامتكم

وسوق الآسهم قرب يفتح السلام عليكم

اللهم اغفر لى ولوالدي ولجميع المسلمين الآحياء منهم والميتين