راعيها
:: عضو جديد ::
- إنضم
- 12 مايو 2006
- المشاركات
- 2,152
عليش وماادراكم ماعليش يوميات احاول من خلالها التطرق للمشاكل اليوميه في حياتنا العامه بطريقه ساخره ونبدا فيها من الصباح الباكر
وننتهي عند خلودنا للنوم كل يوم مستقل عن اليوم الذي قبله الا اذا دعت الضروره لذلك......
واتترككم مع اليوم الاول
صحى عليش كعادة الكثير منا الا من رحم ربك الساعه السابعه والنصف تاركاً وراءه ماهو خير من الدنيا ومافيها وخارجاً من ذمة الله
الذي خير من الدنيا ومافيها ركعتين سنه قبل الفجر وخارجاً من ذمة الله لان من صلى الفجر في جماعه فهو في ذمة الله حتى يمسي
واخذ يسأل ..العيال لبسوا العيال افطروا هيا بسرعه لانتأخر عن المدارس الدنيا زحمه ولم يسأل عن اهم شئ دينه لايدري عن من صلى
ومن لم يصلي هذا اذا كان هو اصلا صلى !!!!!!!
ذهب وفي الطريق اخذ يوصي ابنائه وبناته الله الله بالدراسه شدوا حيلكم خلوني افتخر فيكم خليكم مؤدبين اوصلهم لمدارسهم واتجه الى
عمله متأخرا على الاقل نصف ساعه السلام عليكم كيف الحال ايها الزملاء ان شاء الله طيبين ياخوان شفتم البارح شاعر المليون والله
رهيب الشاعر فلان قال بيتين في قبيلته تبيض الوجه ومدح الشيخ زايد وولده محمد زميله الاخر بالله عليك ايو الله رهيب الشاعر فلان
لكن الشاعر فلان مروح كيف .. يارجال هذاك شعر والله مافي راسه ولا لجنة التحكيم ماعندهم سالفه شفت كيف مدحوا الشاعر فلان
زميله الاخر شفت المذيعه والله مروحه روضه العام احلى منها جاء زميلهم بالفطور يالله ياشباب الفطور ذلحين وبعدين فيها حلال مشينا
افطروا الربع وعينوا خير ورجعوا لمكاتبهم مراجع جاءهم بالله ياشباب شوفوا لي المعامله هذا رقمها وين احصلها اشوف لا هذي عند
الاخوان المكتب الي جنبنا طيب الله المستعان شكرا ياشباب هلا مراجع اخر سلام عليكم عليكم السلام ياشباب عندي معامله مقدمها وبعدين
وش بعدين اخلص علينا عندنا شغل وبعدين للحين ماجاني رد الموظف هاه هذي تلقاها في القسم الفلاني وين اطلع مع الباب هذا وروح
يمين وامشي طول تلقى في وجهك درج اطلع تلقاها في المكتب الفلاني الدور الرابع ....طيب شكرا مراجع اخر سلام عليكم وعليكم
السلام عندي الرقم هذا يقولون المعامله عندكم ايوه اشوف ايوالله عندنا شوفها يافلان في الصادر ياخي شوفها انت ماني فاضي ياخي انا
زيك مشغول قام عليش قال جيب ياشيخ الله يعين عليكم يالمراجعين سواها واعطاها للرجال قال هيا انا استأذن ياشباب لااوصيكم ابمشي
روح يارجال ما قصرت انت اليوم الله يعطيك العافيه بيضت الوجه ..>>> ايوالله معامله احسن من ماش
راح البيت تصفح في الجهاز شويه مافيه شئ يفتح النفس ..السوق مره طالع مره نازل قفل الجهاز راح للتلفزيون فك وعلى طول
الاسواق العربيه مايحتاج احلى !!قصدي احسن برامج متابعة الاسهم فيها قلب رأسه مره تطلعله صبا عوده ومره مايا ماجاءت خويته اليوم
زينه قفل الجهاز وقال لام العيال انا ابرقد وصحيني اجيب العيال من المدارس طيب ابشر.. بشر كيف السوق خليها على الله زفت ماتدري
المسكينه انه ماعنده غير خمسين سهم في بنك الانماء اصلا باقي ماجاء تداولها...اذن الظهر الله اكبر الله اكبر لحقه صاحبنا الفجر
صحي صلى في البيت طياره ..وعلى المدارس البنات اول عشان يخرجون بدري شوي عشان يمدي المدرسات يرجعون يطبخون لعيالهم
هذا اذا كانوا صاحين ..وبعدين مدارس الاولاد ركبهم جميع السياره ها ياعيال كيف الدراسه والله نبشرك صار وصار والولد يابويه هذا
دفني والمدرس فلان سوا وفيه اولاد يابويه يشربون دخان عند الحمام ماعليكم منهم وانا ابوك ذولا دشير اترك منهم ..اسكت ياولد
ادوختني خليني اسمع اخواتك هم الي علومهم تسر الخاطر والله البنات مافيه زيهم ..البنات والله يابويه الدراسه كويسه وماشين الحمدلله
يابناتي بس كيف الابلات !! عسى ماهم مقصرين معكم وش سو وش قالوا اليوم وش حصل ماباقي الا يقول وش لابسين !!!
وصل البيت الغداء ياولد اخلصوا علينا طول اليوم عمل ودوخه الله المستعان بس ..المسكينه مصدقه ابشر ابشر تغداء عليش لين
قال للعنز ياخاله.. حط راسه على المخده صحي زي العاده الساعه السادسه مساءً لحق العصر الظهر والفجر الله المستعان..مانظلم
الرجال العاده يصلي الظهر بس اليوم طلع بدري !! تقهوى وهات ياحنك مع المعزبه وزي الصاروخ على الجهاز اذن المغرب على
المسجد في اول الصف مايحتاج المساجد زحمه المغرب والعشاء شعب مسلم مافيها كلام !!! صلى المغرب واخذ يفكر وش عندي
شغله خليني امر الورشه السياره فيها صوت ماني عارف وش الي حصل راح للورشه ..عندي السياره فيها صوت كذا ايوه يابويه
هادي فيه رمان بلي مكسر هدا عشان سفلت خربان ولازم سوفه وجلد عشان انشاء الله مزبوط ميه ميه ..طيب يمديك الليله ايوه
ان شاءالله صلي العشاء هنا خذ سياره كم صديق قطع انتى جيب لا ياشيخ جيب انته انته كويس ان شاء الله عميل انا عندك على
طول طيب بابا هدا شغل سلاسمئه وقط انا اشوف جيب فاتوره لاصديق هذا كثير مئتين وخمسين خلاس بابا عشان انته كويس كتير!!
صلى العشاء عليش في المسجد الي جنب الورشه .. ويالله خرج من الزحمه الله يجعلها في الفجر والعصر قولوا امين .....
ولقي سيارته جاهزه بشر عسى القطع ماهي غاليه لابابا بس 180 .. اهم شئ السياره خلصت وعلى الاستراحه سلم على اخوياه
سرايه جاء ولاباقي لاياعمي اصبر قبلك ماسكين سراء الاول بس زيه واخس زيهم طيب الثاني ماتلقاني حكم دريل يسعدك ربي على
جوز بكم ارتفع الضغط عند الفريق الثاني دبل ثري قال عليش قولوا بالقومه يبقى يلعب مااحد رد عليه .. قعد يسولف مع اطرف
واحد جنبه ها كيف العمل ابشرك صح ضغط عمل بس مرتاح قال والله زيكم والبزوره ابشر كويسين والله مايدري عنهم ابو الشباب
من الظهر !!! الريموت مع مين ياشباب هنا وش تبقى متابعين المباراه ريحنا انت وقناة العربيه والله ماغير تقز في المذيعات....
ماعندك ولا سالفه طيب ان شاء الله تاكلونها انت وفريقك الليله ..زهموا عليه سراك ياعليش ابتلعب شوفلك خوي ..ماحد بيلعب
معاه لعيب بس يسرح ويسج عن الورقه يعني مفوت بالعربي استحى واحد من الشباب لعب معاه كم صكه دق الجوال ام العيال ما
بتجي ياعليش العشاء ابعشي العيال عشان يناموا الدنيا مدارس ابشري ذلحين اجيكم وهيه ماقام من البلوت الا الساعه12 مساءً دخل البيت
العيال نائمين وام العيال تقلب تستنيه عشان تعشيه سلام عليكم العيال ناموا لايستنونك ..ايوه ناموا من بدري عندهم مدارس اش
اخرك لاوالله كنت جايكم من بدري جاء واحد من الزملاء من زمان ماشفناه وفضيحه نسري ونتركه جلسنا معاه ..ماعندكم عشاء
لاياشيخ ماعشيتم زميلكم !! الرجال حلف انتي ماتفهمي يارجال قول اخذتك الورقه وريحنا
غير الموضوع ايوه اش العلوم والاخبار .. مين فين نجيب لك علوم وأخبار حنا جالسين في البيت نبقى العلوم من عندك ..عليش والله دوخ
احس راسي ابينفجر تبقين شئ ابنام عندي دوام بكره لاسلامتك تصبح على خير وانتم من أهلــــــــــــــــــــــــــــــــــــه .....
.
