(العبرة) وعبدالله بن عتقان

[ماجد العميري]

بسم الله الرحمن الرحيم
اتمنى ان تنال هذه القصيده على اعجابكم
وهي لشاعر المحاورة المعروف
عبدالله بن عتقان


((قصيدة العــبرة))
[poem=font="Arial,5,#008000,normal,normal" bkcolor="" bkimage="backgrounds/20.gif" border="solid,2," type=1 line=0 align=center use=ex num="0,"]
العبرةّ اللي جرحت خـد مغليـك= لـولا غلاتـك زايـده ماسكبهـا

شوف العيون اللي حبيبي تراعيك =وشلـون عبرتهـا تبلـل هدبهـا

ماكنت أعرف الدمع قبل التقي فيك =وإن جات مره عابره ما حسبهـا

واليوم لا بالله مـن دون تشكيـك= جميـع عبراتـي جنابـك سببهـا

عقلي تولع بـك وقلبـي يناجيـك= وحبك ملك روحي ومني سلبهـا

وإن كان هذاالوضع لائق ويرضيك= يستاهل اللي لـك حياتـه وهبهـا

ولاتفتكر مهما حصل يوم نبكيـك= من شأن حاجـه ودنـا نكتسبهـا

أو إن قصدي خايفٍ من تجافيـك =أو ناس غيري بالزمن تصتتحبهـا

بالعكس لا هذي ولا ذي ولا ذيـك= الناس تُعرف من معـادن نسبهـا

محتار من ناسٍ خطيره حواليـك= سودٍ ظمايرهـا سريـعٍ غضبهـا

يحاولونـك ليـن تتـرك مباديـك= مـن شيـن نيتهـا وقلـة أدبهـا

بالكذب والبهتان فالنـار ترميـك= وإذا رموك بغـدر زادو حطبهـا

إياك من نهج الضعوف الصعاليك= مهمـا تحـاول لاتنفـذ طلبـهـا

وإذا كان ماتسمع حبيبٍ يوصيـك= النار في لحظات يحـرق لهبهـا[/poem][/poem]

 

[عماد الهذلي]

محتـار مـن نـاسٍ خطيـره حواليـك
ســودٍ ظمايـرهـا سـريـعٍ غضـبـهـا

يحاولـونـك لـيــن تـتــرك مـبـاديـك
مـــن شـيــن نيـتـهـا وقـلــة أدبـهــا

بالكـذب والبهـتـان فالـنـار ترمـيـك
وإذا رمــوك بـغـدر زادو حطـبـهـا

إياك من نهج الضعـوف الصعاليـك
مـهـمـا تــحــاول لاتـنـفــذ طـلـبـهـا

وإذا كـان ماتسمـع حبيـبٍ يوصيـك
النـار فـي لحـظـات يـحـرق لهبـهـا


الله أكبر صح لسانه ولاهنت ياماجد على النقل المتميز


تحياتي لك

 

[فواز السعيدي]

قصيدة رائعه


ورايت ابن عتقان يشيلها في قناة الساحة قبل فترة



شكرا لك اخي مااجد العميري

 

[ماجد العميري]

عماد العبيدي
فواز الهذلي

عطرتُ صفحتي بمروركم العطر