الجبرتي والسواط

[مرعب]

محاورة للشاعرين محمد بن شريّف الجبرتي

والشاعر جار الله بن وصل السواط العتيبي


.........................................................................................

الجبرتي

سلام من الجبرتي واسمعوا دق الجرس في الباب

ليا دق الجرس بره يفك الباب زهراني


أساريكم وأباريكم وعيني في عيون الداب

ولو ترمش عيوني عن عيون الداب جلاّني


السواط

هلا يامرحبا ترحيبة ٍ من شاعر ماغاب

وأنا قاضي وأنا مفتي وأنا مسلم ونصراني


عيونك في عيون الداب لكن العلوم اصعاب

ترى من حج عيد العشر يرجم كل شيطاني


الجبرتي

ترى لو كان مسلم صاحبي ياغاية الأصحاب

لكنك يالبريطاني تسافر للبريطاني

....................................................

لكن المقطر الاول يشيل المقطر الثاني


السواط

أنا اعرفها وأولفها وأسد الدين للطلاب

وأنا مارحت للدكتور والا قلت داواني


يقولون المطوّع يوم صلى طاح في المحراب

ويغلط في السور بنوظفه ماهو بربحاني

.................................................................

المحاورة قديمة قبل 30 سنة أو أكثر

بارك الله فيكم .

 

[هذلي قديم]

محاورة رائعة لكن لو أكملتها
رحم الله الشاعر محمد بن شريف الجبرتي

وشكراًأخي المرعب

 

[خالد العصيمي]

مرعب



يا سلااام ذوقك راقي جداً


محاوره قمه بكل امانه

 

[بن سعد الهذلي]

الله يرحم الجبرتي وبيض الله وجهك

 

[فواز السعيدي]

محاورة قمة وبيوت قوية

ترى لو كان مسلم صاحبي ياغاية الأصحاب

لكنك يالبريطاني تسافر للبريطاني

الله الله


..................................................

مشكوووري اخوي الباحث بارك الله فيك يالغاالي


ولاتحرمنا من هذا الروائع كلما استجد معك شيء


تحياتي لك

 

[مرعب]

هذلي قديم يعطيك العافية وان شاء الله سوف أحصل على بقية الرجز .

 

[مرعب]

خالد العصيمي مرورك راقي بكل أمانة وبارك الله فيك .

 

[مرعب]

الباحث بيض الله وجهك وبارك الله فيك ورحم الله الجبرتي .

 

[مرعب]

فواز الهذلي محاورة قمة مثل ماقلت بس أنا اسمي مرعب

وليس الباحث بيض الله وجهك وبارك الله فيك .

 

[السم الذحاح]

الجبرتي

سلام من الجبرتي واسمعوا دق الجرس في الباب

ليا دق الجرس بره يفك الباب زهراني

---------------------------------------------

لاهنت على إيراد هذه المحاوره الجميله

وبصراحه أنا لم أقرأها أو أسمعها سوى الآن

ولكن عندي ملاحظه على البيت ربّما نقل غلط

الشطر الثاني لا أعتقد إن فيه (( زهراني )) وأعتقد إن الصحيح هو :-
[poem=font="Simplified Arabic,4,#000000,bold,normal" bkcolor="" bkimage="" border="none,1," type=2 line=0 align=center use=ex num="0,"]
الجبرتي
سلام من الجبرتي واسمعوا دق الجرس في الباب =ليا دق الجرس بره يفك الباب دخلاني [/poem]

واسف على الإطاله

 

[مرعب]

السم الذحاح بارك الله فيك اذا ماسمعت المحاورة والا قرأتها

أنا سمعتها وقرأتها وموجودة عندي والرواية صحيحة

يشرفني مرورك وبارك الله في الجميع .

 

[حاجب]

اماريكم واباريكم وليس اساريكم واباريكم

شريط المحاورة موجود عندي وهي قديمة فعلا والمسعودي له محاورة فيها مع مطلق اللي بداها مطلق بقوله :
إلي وزعه مع الشعار ياليل الطرب محلاك ... نجومك مشرقة واشوفها فالعرش سباحه