قصيده معبره

[أحمد السعيدي الهذلي]

لقد عانا الشاعر معاناة وفاضت قريحته بهذه الأبيات المعبره عن الظلم والتجاهل حتى من أقرب الناس إليه وقال:

يحيا العزيز بعزته شامخ الراس
والا الذليل يموت في عز ذله
ومن عاش شاف في دنيته كل الأجناس "
من كل جنس وكل مذهب ومله
ومن عاند الدنيا توريه الأتعاس
يلقى القهر ويموت في وسط غله
راع الوفا ممشاه مع خيرة الناس
وراع الردى راع الردى صاحب له
ومال الردي في مجلس العز
مجلاس "
اصلا ولا حتى يجيه و يصله
بعض الرجال اغلى من كنوز
الألماس "
سيف ليا جات اللوازم تسله
له فزعة تظهر ليا (صرت
محتاس ")*****
ودرب الوفا ماكل رجل يدله
وبعض العرب من تحت الأقدام
ينداس "
وبعض العرب من فوق راسك
محله '
وبعض العرب صداقته دوم
نوماس "
وبعض العرب صداقته لك مذله
وبعض العرب لا مات تجزع له
الناس "
وبعض العرب لو مات محدن
فطن له
لا باس ياقلب يبي المجد لا باس
مادام فعل الطيب فينا جبله
ماعاد فالدنيا مسرات واوناس
عله تقفي عنك وتجيك عله
ماكل كيف يسبب لراسك عماس
والكيف ماتلقاه في كل دله
اعوذ بالرحمن من كل وسواس
ومن كل حاسد شال فالقلب غله
اخذتلي في شبة العمر مرواس
وجربت (فالأصحاب) من كل شله
ولقيت من ممشى الرديين الأفلاس
ولا كل رجال يناسبك دله
لي فالملا نضره ومبدأ ومقياس
ولا اقول اخذت العرف والعلم كله
لكن لي قدوه عزيزه ونبراس
والجيد اصله للمكارم يتله
والبيت يبقى دام مبني على ساس
وان كان ماله ساس مادام ظله
والأدمي عمره محدد بالأنفاس
رحال في دنياه والقبر حله



منقول

 

[بيرق لحيان]

قصيدة جميلة

تشكر على نقلها

لكن من صاحبها ؟

 

[أحمد السعيدي الهذلي]

والله ماني عارف الشاعر ..بس أعجبتني ونقلتها لكم وأكيد إن في أخوان يعرفون قائلها..
ومشكور أخي المحارب على مرورك العطر.

 

[فواز السعيدي]

قصيدة جميلة

وشاعر صاحب تجارب لاشك


مشكور اخوي احمد


لاعدمناك

 

[النباتيييييي]

ياسلالالالالالالالالالالالالالالالالالالالام عليك يالسعيدي من أروع القصائد التي قرأتها تسلم يمينك على النقل وبيض الله وجهك

 

[عماد الهذلي]

لاهنت اخوي أحمد نقل موفق وقصيدة جميلة

اسمح لي أنقلها لقــسم المنقــولات


تحياتي