معنى جديد

[السم الذحاح]

السلام عليكم ورحمة الله

سلام ردّه لها معنى جديدٍ فريدوالشاعر المعتبر ما يعتبر مشكله

في كل خميس عام يبين نجمٍ جديدوهذيل في كل ليله نارها مشعله

 

[خالد العصيمي]

يا مرحبا عند ربعك ياسعد مع سعيدوالناس كلاً على دينه وحسب اعمله

النجم ابو ذيل يطلع كل خمسين عيدلكن ابو ذيل ماله فالسماء منزله

 

[السم الذحاح]

دام البقا وأنت نايب يا العصيمي وأكيدشيٍّ يعرفه بنادم غير ما يجهله

لكن بالله من وقفتك وش تستفيدإن كان غطيت نور الحق عند أهله

 

[خالد العصيمي]

السالفه كلها ياشيخ لعب وقصيداما تطير حجله ولاتموت حجله

ماني بشهاد زور ولاموزع بريدمن شان اودي جواب ارسالة مرسله

 

[السم الذحاح]

أظن مفهومها عن ما تقوله بعيدأبغاك ترفق على روحك بلاش اعجله

وأنا ماني ظالمك وش فيك تجحد جحيدما تدري الكلمه من لسانك مسجّله

 

[هذلي والفخر لي]

يا سلاااااااااااااااااااااااام

متابعين معكم

والليل باوله

 

[خالد العصيمي]

با لله بلاشي تظن الظن للحر قيدوانا عطيتك حقيقة علم لاتجهله

اشوف برق يرفرف في خيالاً سديدضلا مخيل على الوادي ولا سيله

 

[السم الذحاح]

شابت رموشك وراسك شاب وأنته وليدما باقي إلاّ نجيب الميل والمكحله

أثر العتيبي بساع تخمّه إم العبيدويكذّب الشوف لو السيل شال أسفله

 

[السم الذحاح]

يا سلاااااااااااااااااااااااام

متابعين معكم

والليل باوله

الله يسلمك


وحيّاك الله

 

[خالد العصيمي]

الكلمه الناقصه في نقصها ماتزيدوللي يبا الكحل يلقى ناس تكحله

حملة وجابت ولد من بعد جهداً جهيدولا عاد تزحف ولو شبرين عن محمله

 

[السم الذحاح]

ودّك تعاند على كيفك ولا أنت بـ عـنيدالحبل ممدود لا تنقض ولا تفتله

يا ليتها يوم حملة قبل يوم الوعيدراحت على راس ضلع وجت به محوّله

 

[السم الذحاح]

أنا من عندي شاب القاف

صح السانك يا خالد


ولا هنت على المحراف الطيّب


وبيّض الله وجهك

تصبحون على خير

 

[خالد العصيمي]

صح بدنك اخوي



ونت من اهل الخييير




تحياتي