اخر منتوج

[الذيب]

يا حبيبـي لا تجيـب و لا تـوديّ......من عنا التفكير خلِّـك مستريـح
إنت من قدك و من يسواك عنـدي......و إنت ما غيرك على الدنيا مليـح
لو يعاندني الزمن و يكون ضـدي......لا و ربك ما يهـز القلـب ريـح
من عرفتك ما جرى دمعي ع خدي......و لا في ليلة بات خفاقـي جريـح
رغم دورات الليالـي و التحـدي......جيتك و قلبي قبل نطقـي صريـح
لا تحاول تختبـر فـي يـوم ودي......ما لقى قلبي مثل حبـك صحيـح
همت بك في عالم العشاق وحـدي......يسلم إسلوبك و هالطبـع الفليـح
أنا لك و أنا حبيبي عنـد وعـدي......عيش في قلبي و خلـك مستريـح



مع تحيااااااااااااااااااااااااااااااااااااااااااات الذيب

 

[فواز السعيدي]

لو يعاندني الزمن و يكون ضـدي......لا و ربك ما يهـز القلـب ريـح

صح لسانك

قصيدة جميلة

ننتظر جديدك

 

[بن قاسي الهذلي]

صح السانك والله يالذيب مبدع لاهنت

بس فيه ملاحظه بسيطه ماتنتقص من شاعريتك ابد:


البيت الرابع:

من عرفتك ما جرى دمعي ع خدي


لو بس تعيد تركيب البيت وتستبعد (ع)لكان الشطر اكثر جزاله

وانا اعرف انك تقصد بها (على )ولكن حدك الوزن

لك احترامي يالذيب

 

[خالد الياسي]

صح لسانك يالذيب

 

[هذلي والفخر لي]

صح لسانك طال عمرك

 

[ماجد العميري]

لو يعاندني الزمن و يكون ضـدي......لا و ربك ما يهـز القلـب ريـح

لله درك قصيدة جميلة

 

[الذيب]

اشكر لكل من اطلع على الموضوع ومروركم شرف لي
وصحيح ماقلته يابن قاسي لاكن الجيات احسن انشالله


الذيب

 

[مشعل الهذلي]

السلام عليكم ورحمة الله وبركاته

الصدق وانا اخوك اطربتي القصيدة فوق ما تتصور ....أسلوب ولا أروع في التعبير عن الحب والوفاء ..اسلوب سهل ممتنع ...أسلوب الكبار .

لا تحاول تختبـر فـي يـوم ودي......ما لقى قلبي مثل حبـك صحيـح

صحيت وصح لسانك ..
الجديد وانا اخوك ..