طعنة يميني

[مـسـك]

[align=right]


السلام عليكم ورحمة الله وبركاته

طعنة يميني/ محمد السهلي


[poem=font="Arial,5,#000000,bold,normal" bkcolor="" bkimage="" border="none,1," type=2 line=0 align=right use=ex num="0,"]


ول يا كبر القهر لا صار ما باليد حيله.= والجروح من القرايب والخطا مني وفيني


ان نويت اشفي غليلي ما لقيت اية وسيله..=كيف ابلقى دام جرحي سبته طعنه يميني


وان نوت تبكي عيوني صارت الدمعه بخيله=كبرها لامن تجمع هم قلبي وهم عيني..


ياهموم(ن) بي تعدت حدها صارت ثقيله=اخذي مني كم سؤال ولو سمحتي جاوبيني..


ليه من بعد الوفا والطيب وفعول(ن) جليله..=من يدين اللي حشمته اول طعوني تجيني؟؟


وليه لاضاق الفضا في عين من خانه دخيله..=مالقيت الا الملامه انتهيها وتبديني؟!


ياهموي ياجروحي يا صدى الروح العليله..=والله ان الظلم قهره قيّد لساني ويديني


يوم قيل ناظر حسودك زاد في قوله وقيله..=ما طرالي غير قولت آآآخ يا دنيا ارحميني


ان تكلمت وحكيت وجبت برهاني ودليله..=ما تضرر كود منهو قد لفاني منتخيني!!


وان سكت وقلت هانت هم وسنيني تزيله..=اكتشفت ان السنين تزول والهم محتويني


بس لجل اللي انتخى في جد جدي والقبيله..=والله اني لاشرب المر واتحمل ما يجيني

ودام ما بالكون صدر(ن) ارتمي به واشتكيله..=ودام مابه عين تقرى حزني اللي مبتليني


ما لي الا بيت شعر(ن) اذكره في كل ليله..=لا انتهى جدال المعاتب بين قلبي وبين عيني


ول.. يا كبر القهر لاصار ما باليد حيله..=والجروح من القرايب والخطا مني وفيني[/poem]




تـــحـــيــاتــي

[/align]

 

[أبو حمدان]

قصيدة رائعة ومعاناةقوية
سجل إعجابي بهذه الرائعه

 

[مـسـك]

أبوحمدان

اولاً تشكر عالمرورررر
ثانياً إذاتكرمت خاطبني بصيغة المؤنث
ثالثاً ياهلا وسهلا

 

[عماد الهذلي]

السلام عليكم ورحمة الله وبركاته

جميلة كالعادة يامســكـ في اختياراتك

تحياتي

 

[مـسـك]

عماد العبيدي
شاكره لك تواجدك الطيب
و ياهلا ومسهلا

 

[مشعل الهذلي]

وعليكم السلام ورحمة الله وبركاته

ول ياكبر القهر لاصار ماباليد حيلة
والجروح من القرايب والخطا مني وفيني
قصيدة مذهلة بكل تفاصيلها وابجدياتها
معجب جديد بهذا الشاعر غير متابع جيد لما يكتب سوى من نوافذ إختيارات الأستاذة والأخت مسك صاحبة الذوق المميز
ننتظر القادم
تقديري

 

[مـسـك]

مشعل الهذلي
شاكره لك تواجدك الطيب
و ياهلا ومسهلا

 

[سليمان المسعودي]

مشكورة اختي مسك على القصيدة الجميلة
ومحمد السهلي شاعر معروف ومبدع
تحياتي

 

[مـسـك]

سليمان المسعودي
شاكره لك تواجدك الطيب
و ياهلا ومسهلا