فكرة برج المليون رد .............!!!

[ابنة هذيـــــل]

يموت الشعر لو يسكن بفكر اللي ملاه ظنـون
يموت بحسرته .. و ينثر من عيونه بقايا ناس
يموت ويندفن جرحي و أسكت و أخفي المكنون
و أحس بغصة دموعي و أداريها عن الجلاس

ما تهـــــــاب​

 

[ابنة هذيـــــل]

سواليف السمر نامت على كف القصيد وزان
نسيم الليل بوجود الهواجس و الفكر مرتـاح
و لون الحبر بأوراقي يداعب دلة الرسـلان
يغار الهيل من عطر القصايد و الشعر فواح

ابشرب من فناجيل القصيد اللي عليه الشان
مدام ان المشاعر قادة المركب بلا مصباح
قدوعي من البحور اللي عليها لهفة الشفقان
تلاطم بي بحور الشعر يا كود إن القلم سباح


ما تهــــــاب​

 

[ابنة هذيـــــل]

مسكينة ٍ يا اللي غدا وقتك أتراح
من حر مابك تكتبيـن بحـراره
أثري أعزر فيك و البال مرتـاح
من غيرتك تشرين ربحي بخسـاره
يا بنت مالك في دروبي من أرباح
أسير كاسيني الشرف و الطهـاره
ما تاصلين اللي وصلته و لا فاح
منك يا كود الشر يطلق شـراره
موتي بعذابك و الحسد فيك سواح
و أنا على عرش السعد و الاماره
متربعه و من حولي تطير الارماح
و المسأله يا نور عينـي شطـاره
امجوده ساسي و ساسك ترا طاح
بنيانك اللي ما عرفتي عماره
غروك من قالوا ترى عيونك ملاح
أستغفر الله يا صريـح العبـاره
مناح حنا بك و بدونـك منـاح
يا أهل الحسد ما بالحسد من تجارة

ما تهـــــــاب​

 

[سمو الذات]

في غيابك حزن هالعالم سكني *** وانكسر قلبي وضاعت إمنياته
غيبتك زادت بجرحن ممتحني *** واثر بقلبي وزود في شتاته
تدري وش حالي بعد ما رحت عني *** كني اللي منتظر لحظة وفاته

 

[عباد الهذلي]

السلام عليكم ورحمه الله وبركاته ...

مساء الخيــرـر ...

 

[سمو الذات]

افتح ضلوعك واجمع الخير والحب
اليوم جمعه والله الله في الاسباب !
سامح .. ترى من سامح وقال : يا رب
يفتح له الله في سما رحمته ( باب )

 

[عباد الهذلي]

الحب دوله والمشاعر قبايل
,,,,,,,,,,, وماكل من ساس الدول له عسفها
ياللي تعرفون الغلا والمثايل
,,,,,,,,,,,, ماطالكم من عرفها الا طرفها

 

[سمو الذات]

وعليكم السلام ،،

مسآآآء النــور

 

[عباد الهذلي]

أذكروني يارفاقه.. لا أجتمعتوا من وراي
,,,,,,,,,,,,,,,,,,, قولوا.. الله يذكره بالخير.. لاتنسون شـــي !!
قولوا.. اللي تذكرونه.. قبل لاتظلم سمــاي
,,,,,,,,,,,,,,,,,, والوعد تبقون فيني.. دامني عايش وحـي !!

 

[سمو الذات]

دايم على الخاطــر تجي مثل الامطار *** كنك تعرف اني من الشوق ضامي
انا فرشت القلب لك ورد وازهار *** وانت بغلاتك فقت كل إعترافي
انا رفيقك ان قسى الوقت او جار *** وانا على عهد الوفى دوم باقي

 

[عباد الهذلي]

لاصرت للمرجله ماتعسف أحصانك
,,,,,,,,,,,,,,,,, وتسابق الخيل والامداح تجنيها
عن هوج الارياح فضلا صك بيبانك
,,,,,,,,,,,,,,,, وخل الرجوله لمن يحفظ مباديها

 

[عباد الهذلي]

لولا الخطا محدن عرف قيمة الصح
,,,,,,,,,, ولولا الصحيح يصح جات الفضايح
شي طبيعي يـوم ننصـح وننْصـح
,,,,,,,,, النـاس كانـو يشتـرون النصايـح
ياجاهلٍ في الوقت تسرح وتمـرح
,,,,,,,, ترى الحيـاه الهـا نظـام ولوايـح
وأن كان ماتبغى كلامـي هـذا رح
,,,,,,, واشره على اللي قال وين أنت رايح

 

[عباد الهذلي]

الشعر مهما يعتلـي بالمشاهيـر
,,,,,,,,,,, يبقى شعر ماهو صحيح البخاري

 

[سمو الذات]

نرمي هقاوينا على نية الغيب *** والبحر يغنينا عن الجزر مده
ولا ينحمد وقتن كسر هيبة الذيب *** ولا ينحسب ند ( ن) على غير نده
لنا مواجيب وعلينا مواجيب *** وكم كريمً يمشي الوقت ضده
إما نجي بكفوفنا راهي الطيب *** والا نغيب ولا قليل ( ن ) نـمـــــــــــــــده

 

[عباد الهذلي]

اذا بغيت تميّز المبدع على كل اتجاه
,,,,,,,,, فكّر ودقق بس في عقلية اللي يمدحه

 

[عباد الهذلي]

الحلم غير اللي تشوفه ليا نمـت
******* الحلم شيٍ يحرمك من منامك !!!

 

[سمو الذات]

ما عاد تفرق معي خذاك الوقت او جابك *** فالحالتين الموت اقربلي من إضلالي
اما بموت من الوله لطول غيابك *** والا بموت من الفـــــرح لشفتك إقبالي

 

[حامد السالمي]

السلام عليكم ورحمة الله وبركاته

مساء الخير سهم هذيل

مساء الخير سمو الذات

أسعد الله أيامكم وطيب الله أعوامكم

وكيف حالكما ياحبّاِنيه هههههههههههه

 

[سمو الذات]

وعليكم السلام ورحمة الله وبركاته ،،،

مساء النور ،، اسعد الله ايامك بكل الخير ،،،
بخير دامك بخير يا الغالي >> حبانيه :64:

 

[عباد الهذلي]

السلام عليكم ورحمة الله وبركاته

مساء الخير سهم هذيل

مساء الخير سمو الذات

أسعد الله أيامكم وطيب الله أعوامكم

وكيف حالكما ياحبّاِنيه هههههههههههه

مرحبا مليون يابو خــآلد ....

كيف حالك إن شاء الله طيــب