فكرة برج المليون رد .............!!!

[شباب]

رجز معطي السالمي

سلام والدنيا المريبة

يظهر بها اوضاع ً غريبة

واهل المقام اللي دعونا

أشراف ماهم من عتيبة


هذا الزمن كلا ً وجيبه

فالبعد والا فالقريبة

اللي كماك الله يعينه

ابعد عن الماقف ياشيبة

 

[شباب]

معطي السالمي

احنا حزبنا يامرسّين المقام

عسى الثياب البيض تكسيكم سوية

جينا ولانبغى على العاني زعام

ونقولها ياصحابنا من طيب نية

 

[عـــذوبـــ]

السلام عليكم ورحمه الله وبركاته

أسعد الله مسااااااااااااااااااااااااااااااااااكم

أيها المتالقون​

 

[شباب]

وعليكم السلام ورحمة الله وبركاته

الله يحيي عذوب والتحية لكل المتواجدين في مجالسنا الرائعة والمميزة

 

[شباب]

معك سوق برقاوي وسيارة جبرتية

ليا بروق لها سواقها تشخط وتستني

عبد الله المسعودي

 

[عمر العميري]

السلام عليكم


صباح الخير ياشباب

 

[عمر العميري]

مما راق لي


لعبدالله بن حامد المطرفي

يعلم الله بحال اهل الهوى والغرامي

يامضيع خـليـلك مابـقـيلك خليلي

انت مريـتـني بين الصفا والمقامي

قلتلك وين رايح قلت عابر سبيلي

 

[شباب]

وعليكم السلام ورحمة الله وبركاته

صباح النور يابن عادي الله يحييك

والشاعر عبدالله المطرفي له موال من اول حسب رواية شاعر من الجماعة يقول عبد الله المطرفي

الليلة الليلة النيران مشتبة

والحب وزع على العتبان من حبة

واليا مزحنا مع المجنون ننشب به

والنار ماتحرق الا رجل واطيها

حسب الرواية

 

[عمر العميري]

مما راق لي ايضا عبدالله المطرفي مع صياف السحيمي


صياف

اسمحو نصف ساعه ماوراها دقيقه

باخذ المطرفي ودق عينه وراسه


وكتبوها هديه من صديق لصديقه

غاب عني ثلاث سنين واخفا حساسه

المطرفي

صاحبي لالحس كوعه ولابل ريقه

لو لسانه ينوش الكوع نعرف مقاسه

مير ماكل من يشهد يقول الحقيقه

والسحيمي عكيس ولا يكب العكاسه


صياف

كل شاعر من الشعار يعرف طريقه

منهو اللي عطى الفراش كرسي وماسه
حللوها غلط لكن عطهم وثيقه

ياابيض الوجه تالي الليل عطهم لحاسه

المطرفي


كل ماراح واحد راح الاخر طريقه

والشمالي عليه لباس ماهو لباسه

انته ولعة في بشتك وشبت حريقه

وانته راعي وطن والدار تعرف عساسه

صياف

كيف ماشفت هرمز يوم قفل مضيقه

وانته بعد الجهل مرت عليك السياسه

انته رجل كبير وكل ضلعً تويقه

بس نيتك تشرب لك وسط طاسه

المطرفي

ليش طاشيت كاسً لك سنه مستفيقه

احسن .......ياصياف والا الحماسه

 

[شباب]

عنيبر التدوي

يامرحبا رحب بحماسة

ترحيب براق ً في طشة

عاض البديوي في منشه

واقفى بمسحاته وفاسه



العام حسني فالرياسة

واليوم حسني في الكلبشة

طاح الزعيم وطاح عرشه

هذا الزمان اسمه عكاسه

 

[شباب]

صح لسان الشاعر عبدالله المطرفي ورحم الله صياف كلهم اعلام شعر

 

[عمر العميري]

مما راق لي هذي المحاوره بين الشاعرين عبدالله المطرفي وفيصل الرياحي


المطرفي

ياللي تخيل الحيا برق الحيا لاح

يسقيك منرحمة الله ربع ساعه

تقول مرتاح وانته منته مرتاح

ياللي يغطيك قانون الجماعه

الرياحي

عساه يبرق لنا مع نور الاصباح

لايضحك الشعب بكره في الاذاعه

تبغى الحقيقه بعد طاح الجمل طاح

ماعاد غيره جمل تمشي ذراعه

المطرفي

قدر الذبيحه يعشيهم ليا فاح

بعض الرجاجيل مافيهم طماعه

ادخل معي السوق وانته تشوف الارباح

وانته مودع وضيعة الوداعه

الرياحي

يالمطرفي في البشر سارق ومزاح

ربك يعشيك في ايام المجاعه

مانته بطيرً ولوح لك بملواح

ياليت منه باخوي من الرضاعه

المطرفي

هاتم علاج الولد بعد الولد صاح

حنا عرفنا سواته في الاشاعه

حطيت للباب قفل بغير مفتاح

ياويل ناسً يغشون البضاعه

الرياحي

ياشاري الحزن ليه اتبيع الافراح

الخزرجي مايعود في قضاعه

واللي يقاتل بدون ايدين وسلاح

ماهو بي مشفوع لو يبغى شفاعه

المطرفي

لو مابغي لليالي قرن نطاح

كبيت سيفي واعذر في الشجاعه

ياللي تجيك السواري مثل الارماح

لاتنزل البحر ماللبحر قاعه

الرياحي

الهوش ماهو رغيف وصحن تفاح

الله يقطاعك ياراعي القطاعه

ياربعنا هونوا والملح ينماح

لو عنكبوت الشجر يبني شراعه

المطرفي

مابغى لك الذبح مير السف ذباح

والذبح بالسيف خير من الصراعه

.............الاوادم سدهم باح

ماقلت للمعتدي سمعاً وطاعه

الرياحي

انته تسدح على الجمره تسداح

ما يهلك الهالكين الا اللكاعه

تعال نعطيك نجمة كتف ووشاح

ثم دور ابليس وانشب في كراعه

المطرفي

انته اللي قلبك صبور ولاانته صياح

اصبر ليا الله رزقك بسم ساعه

 

[شباب]

تعال نوظفك نعطيك رتبة نجمتين وتاج

وظيفة مالقاها اللي درس علم الفلك كله
ليا منك لبست التاج يضرب عينك السهواج
ولاشفت المدرب ينقطع قلبك من الذلة

حسب الرواية

عبد الله المسعودي

 

[عمر العميري]

الله يبقيك ياشباب

ماشاء الله برج المليون قرب على 50000 مشاركه

تتوقع راح تكون هناك احتفاليه بهذه المناسبه من قبل الموسس

 

[عـــذوبـــ]

حنيتلك

ياأيـــــــــــــــــــــــــــــــــام الطفوله

:tears:​

 

[شباب]

والله الاحتفالية اتوقع تكون ايضا تكريم لحامد السالمي الاداري السابق وشقيقي الاكبر

والاداري السابق خالد الياسي الصراحة يستحقون التكريم وايضا صاحب الفكرة ابوفهد الياسي والد الجميع كما وصف نفسه

وتكون فرصة نرى الوجيه الطيبة المباركة الغانمة

 

[شباب]

شقيقي في مواقفه ِ كريم ُ

أطال بقاءه رب ٌ عظيم ُ


أنار طريقه وهداه ُ حقا ً

وقلبي من محبته يتيم ُ


اذا رام العلا كسب التحايا

وصاد يمامة ً ويُصاد ريم ُ


له القلم ُ الجميل اذا دعاه ُ

شديد ٌ في كتابته سليم ُ


أراد معزة ً وأراد مجدا ً

وربي عن مشقته عليم ُ


ووفقه ُ وطاب تقى ًوعزا ً

تحيّر في خطابته الفهيم ُ

 

[شباب]

الله يحيي عذوب وصح لسان الشاعر عبد الله المطرفي ورحم الله الرياحي

 

[عـــذوبـــ]

الله يسلمك اخوي شباب​

​

 

[عـــذوبـــ]

يا قلب لا تحزن على كل ما فات
ياما على الدنيا قلوبي حزينة
اللي سقالك المر جاوبه بسكات
واللي عطاك الطيب تسلم يدينه​