فكرة برج المليون رد .............!!!

[شباب]

كل ّ ماهب ّ الهوا جاك الكلام

محترم وافرض عليك الاحترام

مير قلناها على الدنيا السلام

ماعلى الدنيا فؤاد ٍ مستريح

وإن نويناها على بعض العرب

قلتها من هاجس ٍ يقضي الطلب

يالغريب اللي تّفتل في الشنب

ماعلى الدنيا فؤاد ٍ مستريح

المعاني كل ابوها تعتلي

وانت يابن القوم لقوّك الخلي

والله الخالق على العالَم ولي

ماعلى الدنيا فؤاد ٍ مستريح

والشعر ياصاحبي كله شعور

به سبحنا في عميقات البحور

وانت من حولك خفافيش وصقور

ماعلى الدنيا فؤاد ٍ مستريح

مير ماهمّي سواليف ٍ تجي

دام لي ضو ٍ سطع متوهّجي

وانت لاهيجنت ماذا ؟ ترتجي

ماعلى الدنيا فؤاد ٍ مستريح

 

[شباب]

من اوّل القوم الفليحة

يشرون بالمال النصيحة

وعقولنا دايم رجيحة

لكن زُحل داخل مداره


باقي الكواكب مستريحة

ولانبى القوم الجريحة

حنا على النيّة الصحيحة

وكل رجال بمساره

 

[شباب]

ياصاحبي شد ّ الهمم

وارقى على كل ّ القمم

وان همّلت بعض المخايل

ترويك من عقب النِقم


حّنا رياجيل الشيم

حّنا سلاطين القيَم

وذِكرنا بين القبايل

خفاّق يومي كالعلَم

 

[شباب]

يامرحبا كلا ً بسرعته

واللي تجيك اليوم فزعته

بينك وبينه نار ماهي جنة


المسلم اللي حسب شرعته

الارض يارجال وسعته

ماهو كما الصاحب كثير الونة

 

[شباب]

يامرحبا والا ّ سلام تجيلك

وانت مع الشعّار سابق جيلك

ماتقدرك بعض العرب بحكاها


حرام لا ُ قدّمت لا لاليلك

وانت رجولك في اللزوم تشيلك

وان شبّت النيران ماتصلاها

 

[شباب]

اللي يقدّم طيب ياخذ طيبة

واحنا عرب مانبتدي بالريبة

مقدرانا بين العرب مقدار


واللي يمد ّ العرف انا احيّ به

واللي تبى تغنيه انا اغني به

مادمت مكرم ضيفنا والجار

 

[شباب]

اللي لاجاب المعاني كلها يالصاحب يصيب

توّج ربوعه بكاس المجد في خير الاماسي

الشعر يروي الحقايق ياعرب لاجاه ترتيب

واللي ماتقدره جّنب عنه دام انته سياسي

لكن نكرم لحاكم لوغشاها في الزمن شيب

حيث إننا ّ من هذيل وسيفنا للخصم قاسي

إن جات بسيوف والا ّ رماح والا ّ بالمشاعيب

ماراح منا ّ حصاة ٍ واحدة وانشد خُماسي

واللي ّ اجتهد في القصايد لايجيكم بالمعاطيب

يمكن يهَجده غمام ٍ جاه بالقطْر المُواسي

 

[شباب]

تبى تقطع جبال السراه إن قدرت الحين

ولو معك شيطانين منت بقادرها

ولاتبحث الماضي عقب جا زمان 2000

وكل السوالف مااعتنيت بمصادرها

ولا حانت الشدة نقلّك ياخوية وين

إذا المعركة جتها رجال وتبادرها

ياكود انت فالح فالقصايد ولك تلقين

تجي للعوارف بس تنثر نوادرها

ماينقصك حاجة وانت دايم تصر العين

وقدمك مسايل من علو لمحادرها

ولا انته صقر ساطي ولا انته غراب البين

توّرد حكي فارغ ليا جت صوادرها

وقوم الشعر تفرك جنوب اللذي مسكين

وضرب المعاني بين واعي وسادرها

ولا لك مفر اليا غلبك الزمان الشين

وكل الارانب وجبة إن قام نادرها

 

[شباب]

زادت حروفك والظنون

ولقد عرفنا من تكون

انت اللذي أشعاره ُ

غنىّ بها كل اللحون

لك حلم عُمر ٍ قد علا

ولك إنقضاض ٌ مع سكون

مامن شبيهٍ في الملا

لك َ والمساكن في العيون

قد مر ّ في العُمر الكثير

وأراك َ غال ٍ لاتهون

وإذا نظمت َ فريدة ً

بِكرا ً وليست حيزبون

والشعر في كل العصور

في حكم قوم ٍ يقدرون

بطبيعة ٍ من يعرب ٍ

ومشاعر ٍ فيها الفنون

حقل ُ القصائد مُثمر ٌ

والتمر في كل ّ الغصون

لم تحتكره ُ عصابة ٌ

بأراذل ٍ يتفيهقون

بل من هذيل ٍ قومنا

شعراء فعل ٍ قادرون

ملؤا المكاتب بالغِنا

وبهم رجال ٌ مُنشدون

كُل ٌ له ُ عمل ٌ له ُ

قوم ٌ كرام ٌ يُنصرون

ملؤا الحياة َ مكارما ً

وبضِيقهم يتكاتفون

يحكون بنيا ً ساسُه ُ

مُتثبّت ٌ يحمي الحصون

وإلى الخصوم اقولها

فزنا وقومي ينجحون

من فضل ربّي وحدَه ُ

سبحان من أرسى السكون

عقِب الحروب وشرها

صِرنا ملوكا ً يحكمون

 

[شباب]

لُم ّ عفشك يالغريب اللي في دارك

إن خرجت تحصّل الدنيا غريبة

ماهي بجّنة ولاهي جمر نارك

مير فارق لاتجي قدم الكتيبة

مامعك صُدقان تطريك بوقارك

لاتنيشن وانت ماتبصر ضريبة

حدّد من أمرين مايمسي قرارك

بين ؟ قصة نصر ؟ أو حسرة غليبة

يافلان اللي مُسيّر في مسارك

لاتظن ّ القوم تبدي بالمُعيبة

كان عالي ! في الشعر فارفع شعارك

وكانك مجاهد كساك الله هيبة

ترتقي ويزود فالقوم إعتبارك

دامك من هذيل والقوم النجيبة

ماطرد عنك العنا كود اصطبارك

والله يشافي قبل كذب الطبيبة

لاتلّفت فاليمين ولا يسارك

اثبت بقالات مانبغى المُريبة

حدّد الوجهة وناقش مُستشارك

دام له طعّات وعلوم ٍ رهيبة

سافر وماذقت فالعُمر إنتصارك

من مشاكل ؟ لإنقسامة ؟ في مصيبة

منت شمس الكون تسري في مدارك

لاشروق لشمسك ودايم فغيبة

 

[شباب]

سلام في قمّة جبلها

واللي يبى النزلة نزلها

لكن ّ انا مرفوع راسي

واجيك فالوقت القياسي

بأشعار ترقى كل قمّة




ياشعوب تبني مُعتقلها

حّنا عَلينا عن وحلها

لكن ّ في خير الأماسي

مانقبل عيال النُحاسي

اللي ّ على كذب ومذمّة

 

[شباب]

اسلم ولاتحرف كثير السواليف

منت بغطاس البحور العميقة

ياما بواخر مااوصلت لآخر السِيف

إن هبّت الارياح تصبح غريقة

 

[شباب]

مالك يكود الصبر في بعض الاحوال

ماتفلح إلّا بالصلاه وسننها

انظم كلامك مع رياجيل الامثال

واحكم وقود السالفة من رسنها

 

[شباب]

وشب الزمن مايل براسه ونكبات

مايدري إنا ّ من رجال ٍ تعلّو

اليا صفى وقتك تقابلك غلطات

والبعض لالقيوا الثقيلات شلّو

 

[شباب]

اللي يبى فكرة من الشعّار

لايلتفت للداب والحيّة

الله يلحقنا مع الابرار

العالَم اللي تخلص النية

وإن كان تبغون العلوم كبار

ردّوا مع العالَم بحبّية

جات القصيدة للرجال انوار

من شاعر ٍ بجزال مروية

 

[شباب]

مريت من يم العرب باغي علوم

ودّي تبين علوم محدن عرفها

والله رب ٍ للبشر دايم الدوم

وانت معك ضانك وجوّد علفها

 

[شباب]

حذرى تلوّح للعرب بايّة إنذار

محد ٍ يعَرف الغيب ياعيال شمّا

واللي يبى الجنة ومايرغب النار

عليه يقرا ياعرب جزء عمّا

 

[شباب]

العمر بالإسلام يرقى بكم لين

تعرف بأن الكفر ماهو بمرغوب

للنفس لافهمت كثير العناوين

والا العمل من ربّنا صدق مكتوب

والاجر يثقل يوم حط الموازين

اهم شي ترقى على ابليس مغلوب

 

[شباب]

سلام سل السيف سله

واللي في دربك لاتشله

يمكن يوديك المهالك

ويعابطك وانت بمحله


واللي نسى في القوم خله

ماهمّني ضانه وبله

واليا كفتنا كل سالك

الظلم والله مانحله

 

[شباب]

سلام منه هاجس رهاوي

ولاتخوّفنا المطاوي

لكننا ّ في وسط مكة

ماجالنا السيل النحاوي


الله يجنبنا البلاوي

لكن يطوي القوم طاوي

عن العُلا مافيه فكة

ولانريد الغُصن ذاوي