موقف محرج حصل معانا عند تطبيقنا بأحد المستشفيات :
( كان يوما شاقا ومتعبا .. ما شاء الله تبارك الله وصلنا ما يقارب السبع الا الثمان ولادات الواحده تلو الأخر .. لحقت منها قدوم أربع أطفال ثلاث أولاد و بنوته .. الله يطرح فيهم البركة .. لكن احد الرضع من جنسيه عربيه بعد أن وضعته أمه مباشرة استلموه الأخوات واكملوا الإجراءت .وا له . من قياس وزن وطول و حقن فيتامين ك إلخ .. جاء وقت تلبيسه .. دورنا له ملابس ما حصلنا والولد يرجف برد .. سبحان الله المولود .. يتغير عليه الجو بعد الولاده .. إن لم يلقى بيئه مناسبه واهتمام كافي ربما يموت .. المهم .. بعد ما حسنا عن ملابسه اكتشفنا ان امه الله يجزاها بالجنة ما جابت له ملابس .. ( يا هي ورطه ) .. فجأه جاءت أحد العاملات بشنطة وقالت ( ماما هذي للبيبي هذا ) .. قلت ابعدي والله يا بنت راااج جبتيها انا اشهد ان ما جابها الا هنودها ... وقعدنا نتخير من الشنطة وننقي للمولود لبس ولبسناه وزيناه ..
و مضينا في حال سبيلنا .. الا وتجي أم هنوده مدرعمة تقول ماما هذا شنطة مو تبع هذا بيبي .؟؟؟ ( حااااااال أجل لمن ؟؟) قالت لبيبي تاني ...
وراحوا الأخوات وخلعوا اللبس اللي لبسناه للبيبي .. وجابوا له من ألبسة المستشفى اللي لا تسمن ولا تغني من جوع .. والله لبسوه .. وعدت سلامات ..
- تدرون وش كنت افكر فيه وقت المشهد هذا كله ..
كنت أقول في نفسي يا الله وش شعور هالرضيع يوم يكبر وتقول له أمه
يا ابني دا هم لبسوك ورجعوا اخذوا اللبس منك ..
اتوقع انه بينتقم .. لا كبر او يحقد على الكوادر الطبيه هنا ههههههه
والله يحزن
