فكرة برج المليون رد .............!!!

[ابوفهد الياسي]

اسم الفصيده يابث وش دخلك انت ههههههههه ومنقوله ابي الكل يستمتع بما يروق لنا في البرج انت وغيرك ولم ازعل من احد قط ...

تحياتي

الهنوف

تسلمين يالهنوف

وصدقت وهذا شعار

البرج وأسرته

الزعل ممنوع أنت في برج المحبه

بين أهلك وربعك وناسك

ودامت المحبه

 

[الهنوف الهذيل]

حريين بالخير)...

محريين بالخير يا مزن النشا
يا حلو عقب الوسم رجع السحاب

هل رذراذك على روض الحشا
ربّـــــعْ بقـــلبٍ دوامٍ لك شبــاب

كل زهر فاح عطره واغتشى
بالريــاض وبالنــفود وبالهضاب

ما نسيتك يا هوى بالي حشا
حـــبك بقلبي وبالخــــفاق ذاب

عادني شوقٍ قـــديمٍ وانتشى
في هواك مــــــولعُّ ما قط غاب

لو غشاني بالموده ما غشى
أشتهي فيك الهوى لو هو عذاب

فيك من مشيَ الظبي ليمن مشى
لين عاود وألتفت ثم ستراب

يا حلو فزة ْ جفـــالك يا رشا
يوم تسبح بالصحاري في سراب

الهوى ماعطيك مني ما تشا
في حياتي يا حياتي لا تـــهاب

ما يفوز الحاسد اللي بك وشا
فيك حســـاد الهوى يأكل تراب

كلمات/ الأمير..خالد الفيصل



الهنوف

 

[بث تجريبي]

رائعه يالهنوووف

وين عماد ماأشوفه لي كم يوم .....؟

 

[الهنوف الهذيل]

هذه نصيحــــــــــــــه لكم

بعض الأشخاص يفضل تناول مشروب غازي بارد بعد وجبة الطعام

, هذا التصرف يؤثر على عمل الإنزيمات الهاضمة حيث أنه يخفض درجة الحرارة

فتفقد الإنزيمات الهاضمة قدرتها على العمل

حيث أن درجة حرارة الجسم الطبيعية هي الدرجة المناسبة لعمل الإنزيمات

فلا تهضم الطعام جيدا مما يؤدي إلى تكون الغازات وبعض أنواع السموم

التي تنتقل مع الدم إلى خلايا الجسم وقد تؤدي في النهاية إلى العديد من الأمراض.

عندما تشرب المياه الغازية فأنك تبتلع كميات من غاز ثاني أكسيد الكربون .

ودمتم بصحه وسلامه

صدقت والله يابو فهد هالغازيات جلبت الكثير من الامراض وخاصة الفشل الكلوي ...


واللي اعظم ان الناس ادمنت عليها الله يهديهم ...


تحياتي


الهنوف

 

[الهنوف الهذيل]

لاتجرحيني جرحك العام ماطاب
داوي بحنانك مامضى و إجرحيني
يالَّلي حنانك نظرةٍ بين الأهداب
ردِّي علي بعض العزا ناظرينـي
لولاك مازار القمر ليل الأحباب
ولا لوَّحت شمس المحبَّه جبينـي
ولولاك مايلفى على الدَّار غيَّاب
ولاتبكي الَّلي مفارق الدَّار عيني
لايابعد كلَّ القرايب والأحبـاب
ضاع العدل في النَّاس لو تظلميني
في غيبتك كلَّ الملا عندي أغراب
لا أحدٍ أبي قربه ولا أحدٍ يبينـي
خافي على قلبٍ يحبك إلـى ذاب
ولاتقطعي حبل الرِّجا في يدينـي


مما راق لي


تحياتي



الهنوف

 

[الهنوف الهذيل]

ويــــــــــنك؟
وينك سكبت من الدموع أكثرها
حتى نزل بعـد البيـاض احمرهـا
غايب ولاتسأل علـى محبوبـك
إللي يشوفـك عينـه ومحجرهـا
لامن حضر وده يتيـه بشوفـك
ويختار من بين الدروب اقصرهـا
حبك محبة صدق وانتـه تـدري
ولجلك كثيـر الخلـق ماعبرهـا
يشوفك افراحـه ولـذة حزنـة
وسلوته بين القصـص وعبرهـا
يوميـن تتغلـى علـى محبوبـك
الله هاليومـيـن يامخـطـرهـا
عايش جسد لكن مانـي عايـش
لـوان حولـي نـاس يامكثرهـا
اسرح معك واتخيلـك تحضنـي
واعيش قربك والهمـوم اقبرهـا
واقلك أحبك وأمـوت فحبـك
وأكتب لك الجملة وأبوس اسطرها
وأرسم لك اهاتي قلـوبٍ حمـرا
وأستدرك احلامي علـى محبرهـا
وأقّبل كفوفك وأداري خوفـك
وإن فاضت أشواقي معاك اعذرها
ياموطني الغالي ومسقـط رآسـي
ياديرتـي ياطفولتـي واشهرهـا
ياعمري اللي ماحسبت حسابـه
ياعيني إللـي سهدهـا سهرهـا
شوفي احاسيسي وفرط اشواقـي
متأووهه بأسمـك علـى منبرهـا
وش ذنبها فـي غيبتـك تتـأووه
لاكـان مـن حبتـه ماقدرهـا
انا تعبت مـن الغيـاب الموجـع
وذبلت احلامي ومـات اكبرهـا
مدي كفوف الوصل وأروي خلك
وجودي بقطرات الوصل وأطهرها
يكفي غياب ويكفي إني احبـك
وكلمات حبك ماقدرت احصرها
مابستحي مـن حبـي المتأصـل
أحبها واحسهـا.. وأشعرهـا
يرحمني الله عـاث شوقـي فينـي
ياكثرهـا همومـي ويامقشرهـا
متى تجي وأروي ذبـول افراحـي
وأرمي همومي بعدهـا وأنهرهـأ
وإن جاتني ارفع لدهري القاسـي
من الفـرح سبابتـي وخنصرهـا
واستدرك احلامي وفـرط أمالـي
وأحمد لربـي نعمتـه واشكرهـا
وافتق فصدري لجـل مايتركنـي
وهيّض أشواقي واقول:اسبرهـا



مدونة // عماد الهذلي


تحياتي

 

[الهنوف الهذيل]

جمرة ..الهاجس
لبى فياضي وانـا فاضـي ومستانـس
ماهمني لا الذهاب ولا عنـا العـوده

أحيان أحس إن فيني شـي متجانـس
وأحيان لا والله إلا حزنـي (أنشـوده)

يامنبع أحلام طفل ،،وتمتمـة عانـس
على ضفاف الأمل،، لافاحـت وروده

هذي عيوني ،، وهذا ليلـي الدامـس
وقصايد الحب ،، ماتخرج عن حـدوده

ياموقد الشوق،،نبّـه جمـرة الهاجـس
لاتحرق (أحلام) قبـل أيـام مولـوده

شفها على رجـوة الآمـال تتهامـس
فوجيه بيبان ،، مدري ليش مـردوده ؟

تطاولت لحظتـي ياحرفهـا الخامـس
وانا برئ مـن ردا وقتـي ومنقـوده

متى علـى جثـة الحرمـان تتلامـس
كفوفنا ،، والغيـاب تدينـه شهـوده

يانايس الحب قـل للحـب يانايـس
وش يقنع اشواقنا من من ضيعة اوعوده

لبى معاليـه,, لبـى طرفـه الناعـس
لبيه من أوله ،، ليـن أخـر حشـوده

لاراغت النظرة إللي طرفهـا حايـس
وتعثر البـوح ،،والأنفـاس محـدوده

ماكني إلا على ظهر البخـت فـارس
ماناح جسمي تحت سيفـه وعبـروده

أجر نصري وأجندل واقعـي البائـس
على هتافات صوت أحـلام ملهـوده

ضميني ! أولى بصدرك صدري العابس
ضميني ! الجود من صدري بماجـوده

تأولـي مابدالـك ..قبـل تتنـافـس
فيني علـى مابدالـي منكِ،،،إعـدوده

مات العطش،،قبل يحيى عودي اليابس
وتباشرت في ذرا صـدره وعجـروده

يامقنع السور ،، وش للباب ،،والحارس
وكفوف صبر الدخيل ،، وبيّحة سدوده

هيا (أحييني) لين ينبت ظليّ،،الهامـس
وإلا أدفن الشوق،،بين أحلام موؤوده






///عماد الهذلي

 

[الهنوف الهذيل]

تحياتي والى اللقاء ...

سلام


الهنوف

 

[ابوفهد الياسي]

رائعه يالهنوووف

وين عماد ماأشوفه لي كم يوم .....؟

لا يكون ضاع في القاهره ولا غرق في النيل

ههههههههههههههههههههههههههههه

والله ســـــلامته من الشر

وعماد أحد ركائز البرج المضيئه

والمعلومات عنه إنه بخير

وسنراه قريباً إن شاء الله

وسالت عنك العافيه يابث

وسعدت بسؤالك كم أسعدني

سؤال اختنا الهنوف سابقاً عن

الاخت ماتهاب الغائبه الحاضره في قلوبنا

حفظكم الله بمحبته ودمنم بود

 

[عباد الهذلي]

الـســلآم عليكم ورحمه الله وبركاتــه ...

تحيــه طيبـــه ..

تــرقبونــآ في بــــرج المليــــوون قريبـــآآآآ

 

[ابوفهد الياسي]

الـســلآم عليكم ورحمه الله وبركاتــه ...

تحيــه طيبـــه ..

تــرقبونــآ في بــــرج المليــــوون قريبـــآآآآ

وعليكم السلام ورحمة الله وبركاته

هــــــــــــلا وغـــــــــــــــــــلا

من زمان وأسرة برج المليون رد

في إنتضارك يارفيق دربي

وهذا خبر سار وشرف عظيم

إنضمامك لأسرة البرج

ياسهم هذيل

عن / أسرة برج المليون رد

أخوك / مهندس البرج

 

[الهنوف الهذيل]

مساء الخير مساء المليون رد ...
وسالت عنك العافيه يابث

وسعدت بسؤالك كم أسعدني

سؤال اختنا الهنوف سابقاً عن

الاخت ماتهاب الغائبه الحاضره في قلوبنا

حفظكم الله بمحبته ودمنم بود

ابوفهد يعطيك العافيه ..المنتدى جمعنا على الاخوة الصادقة كيف لا ونحن ابناء قبيلة واحده متواصلين على روح الاخوة والمحبة فالله ...وجزأ الله خير من لم شمل هذا المنتدى وجعله الله في ميزان حسناته ...فلم نشعر بالغربة نحن المتغربون بوجودكم يابو فهد ...وهذا شعور جدا رائع بين ابناء القبيلة ..



تحياتي ومازال سؤالي عن الاخت الغاليه ما تهاب الله يطمئنا عليها.....
الهنوف

 

[الهنوف الهذيل]

اخترت مقطوعه عجبتني لعباس ابراهيم مدري كلمات مين ولكن جدا كلماتها جميلة ولآن فيها وعود وشئ ما بعد شافه احد $#@!!ّ




دواك عندي .. والأظلم دايم البادي

والله لأوريك شي ٍ مابعد شفته ..

ماهو في صالحك .. يوم تجرب عنادي

الله من ريق ماينشف ونشّفته !

فرقاك عادي ترى .. وأقل من عادي !

انا من الله كذا .. لا عفت احد عفته ..

مانيب من يتبع للمقفين وينادي ..

ياعنك مااقفيت .. ماعيني بملتفته!

طوّفت لك .. لين شفتك حيل متمادي !

والحين ابرد لك كل اللي طوفته ..

بخلي عقلك بوادي ..وقلبك بوادي

وبيصادفك شي .. ماقد يوم صادفته




تحياتي

الهنوف

 

[ابوفهد الياسي]

السلام عليكم ورحمة الله وبركاته

إنتبهوا يالعزوبيه

سأنقل لكم قصه حدثت لشاب عزابي في مدينة الرياض

يقول أخونا كنت في احد الليالي جائعاً

وقررت أن أروح لأحدا المطاعم المشهورة*!..

وعندما وصلت غيرت رأيي ورحت لمطعم ثاني

ولكنه كان مقفل

وجاتني فكره

أن اروح لأحد قصور الأفراح وأتعشى شيء دسم عليه الكلام***

ولا من شاف ولا من درى***

دخلت القصر وكان مزدحم بالناس

وجلست في موقع بين مجموعه من كبار بالسن

وكعادتي أخذت اروي لهم السالفة ورأ سالفة***

وأراقب متى يجي موعد الوليمة

حتى سألني واحد مين أنت؟

فقلت أنا فلان!!!

فقال فلان بن من؟

!!! فقلت أنا من جماعة العريس

فحرك رأسه وكأنه اقتنع!!!

فقلت له أنت أكيد من جماعة العروس؟؟؟

فقال نعم!!!

أكملنا الحديث حتى جاء الفرج وحضر الطعام وقام الجميع

جلست على احد الصحون وبه مفطح معتبر

وجلس معي ذلك الرجل المسن

وبدأنا في التهام الطعام!!

وحينها سألني ذلك الرجل قائلاً

تقول انك من جماعة العريس؟؟؟

قلت له نعم!!!

وهنا حصل مالا يحمد عقباهـ

فقال وهو يبتسم تعش يا ولدى وتوكل على الله

هذا ما هو عرس الله يهديك

هذا اجتماع لأسرة الراجحي

عندها أحسست أن العالم كلها تنظر إلى!!!

فخرجت مسرعاً حتى اننى لم اغسل يدي إلا في الشقة..!

من جد قمه الإحراج ياربع

أهـــــــــــــ يازمن السلتحه

وااله كانوا جدودنا أذا واحد جاع منهم

ومحصل ما يسد جوعه في ذلك اليوم

حط على بطنه حجر وصبر على ألم الجوع

ولا راح يتسلتح على أحد وسود وجه

سلامت أبناء هذيل من السلتحه

 

[ابوفهد الياسي]

السلام عليكم ورحمة الله وبركاته

سبحانك اللهم وبحمدك أشهد أن لاأله ألا أنت استغفرك وأتوب اليك

وتصبحون على خير

 

[عباد الهذلي]

قصة قديمة جرت على بنت من البادية
وتبدأ القصة عندما تزوجت فتاه من رجل من غير اهل ديرتها فذهبت معه إلى ديرته وعندما جفت الديار وما نزل المطر وماتت الاغنام والابل في ديار اهلها جاء أخوها في يوم من الايام وفي منتصف الليل قصده يسرق إبل زوج أخته وفوجي اثناء دخوله حمى القبيلة بعدم وجود الابل وحتى لا ينكشف امره ارسل الى شقيقته صوتاً يشبه عواء الذئب حتى تعرف بمجيئه وتدله على مكان الابل وكانت شقيقته نائمة بجوار حماتها (ام زوجها) لان زوجها غير موجود .., وعجزت المراة في العثورعلى طريقة لمجاوبة شقيقها بسبب حماتها القريبة منها فاخذت ترفع صوتها بالغناء لتسمع اخيها قائلة :

[poem=font="arial,4,#8b0000,bold,normal" bkcolor="" bkimage="" border="none,1," type=0 line=0 align=center use=ex num="0,"]
يا ذيب ياللي جر صوت عوى بـه=مدري طرب ولا من الجوع يا ذيب
يا ذيب لا تقهرك عنهـا المهابـه=يا مجفل الغزلان حنـا المعازيـب
البوش عندك يم خشـم اللهابـه=في فيضة السرداح والبل عوازيب [/poem]

سمعتها حماتها فظنت أنها تناجي عشيقا لها ........... فأنشدت :

[poem=font="arial,4,#8b0000,bold,normal" bkcolor="" bkimage="" border="none,1," type=0 line=0 align=center use=ex num="0,"]
الذيب لاينهشك يابنـت نابـه=يقتلك من بد البني الرعابيب
تراك مثل اللي جلب له جلابه=لا دارها السوام يلقى عذاريب [/poem]

وفي روايه انها قالت :

[poem=font="arial,4,#8b0000,bold,normal" bkcolor="" bkimage="" border="none,1," type=0 line=0 align=center use=ex num="0,"]
حذراك من ذيبٍ يعضّك بنابـه=ترى صواب الذيب ما به تطابيب[/poem]

فردت البنت بهذه الابيات .......... موضحة الأمر لحماتها :

[poem=font="arial,4,#8b0000,bold,normal" bkcolor="" bkimage="" border="none,1," type=0 line=0 align=center use=ex num="0,"]
وحياة جلاب المطر من سحابـه=إني عذية مادخل عرضي العيـب
أنا كما عد(ن) قليل(ن) شرابـه=ما تدهله بالقيظ حرش العقاريب
الذيب أخوي اللي يشيل الكسابـه=يوم ان نجوم الليل مثل المشاهيب
واللي ظلمني جعلها في شبابـه=وتحدره من عاليـات المراقيـب [/poem]

فعرف اخوها موقع الابل وغزاها واخذ منها ما اراد...





تـرقبـونـآ في قصــه قـآدمــه

 

[ابوفهد الياسي]

السلام عليكم ورحمة الله وبركاته

مساء الخير بالاحباب والزوار >> سلامي لشموع البرج وانواره

والغائب الى حرمنا ريحة الازهار >> غياب عجزت أعرف أسراره

ودمتم بـــــــــــــود

 

[بث تجريبي]

السلام عليكم ورحمة الله وبركاته

مساء الخير بالاحباب والزوار >> سلامي لشموع البرج وانواره

والغائب الى حرمنا ريحة الازهار >> غياب عجزت أعرف أسراره

ودمتم بـــــــــــــود

وعليكم السلام ورحمة الله وبركاته

مساء النور والسرور أبو فهد

والغايب عذره معه لين ربك يجيبة سالم غانم


ماشاء الله تبارك الله حضور مهيييييب سهم

نحن في إنتظارك




تحياتي وتقديري للجميع




.

 

[بث تجريبي]

[align=center]ياغايب عني ترى للبطا لوم
لاشافتك عيني ولا جبت طاري

بسأل كثير الصبر يمكن تجي يوم
تلفي تنشد وانت بالحال داري

لك هاجس الذكرى سرق عني النوم
ماودعه فكري ولا عنه ساري

يسكن خيالي عشق ما يرتحل دوم
موقد براد الروح من شوق ناري

وقفة خطاوي ملها درب محروم
متى أشوفك والفرح له مواري

قضت سنين العمر بالود مهموم
واحمل خفوقي سر وأحكي وأداري

باصلك كلي من كسر بالجفا عزوم
واعلن عليك الشوق بالحب أماري

واسعد معاك ولا بقا للعتب لوم
وان شافتك عيني فلا جبت طاري


للأستماع

[/align]

 

[الهنوف الهذيل]

اغلى وطن



السلام عليكم ورحمة الله وبركاته
0
الوطن غالي ومهما عبرنا عن حبنا له
ومافي داخلنا من مشاعر تجاهه نعجز
نوفيه حقه
0



:::

نهج القلوب الصَّافـيه تروي معـادن أصْـلـها

عــز وذلــيـلـة ربَّـهـا دايـم يسـايـرهــاالعُــلا

00

يشرِق شُعاع الشَّمس في نفس ٍ تناجي ربها

بايـن قُـمـرها نـورها مـاينطـفى ومـا ينجـلا

00

هي ديرتي ومعشوقتي قلبي متيـَّـم حـبـَّـهـا

عقـلي وروحي هايمين وخاطري فـيها سـلا

00

مـفـتوحَـة ٍ أبـوابها في ماعـلـيها ومـا لـهـا

لـلــِّي شـرا والـلـِّي وفا يامرحبا ويامسهلا

00

طـعم التـُّمور ترابها يـوم ٍ وطـاها رجالهـا

عبد العزيز اللي رفـع مجد ٍ بشعب ٍ عـاهلا

00

سلـَّة سيوف ٍ لا علت ناخت رِقاب اعدائها

مرحوم يامن وحَّدت نفسه جموع ٍ من كلا


00

حـكـَّامها صُوانها دُرَّه وهــم مِـن حـاطـهـا

شـرع ٍ بـِدو به كـلهم وبجـودهم يرفـع بـِلا

00

شعـب ٍ يبايع من يـِكِـف الشـَّر من أرجائها

منها الحـضاره والبـداوه كـلـَّها تطلب وِلا

00

كِـل القـِبايل لا تجـِد نقصان من زود ٍ بهـا

حـِكمة شيوخ ٍ عانقت علـم ٍ جليل ومنهلا

00

شفت الذي مكتوب له العيش في إرواقها

ملـزوم يشكـر ربه اللي ميـَّزه بين المــلا

00

أُشــهد جميع الناس أنَّ الروح تهوا حبها

ياربِّ تحـفـظهـا لـنـا ياحـبـنا وكــلَّ الغـلا



//تركي الدوسري



تحياتي