فكرة برج المليون رد .............!!!

[ابو ياسر]

http://www.youtube.com/watch?v=b_2eubgoySI&feature=related

 

[أمير بكلمتي]

مرحبا بالرائع أبو ياسر

 

[الهنوف الهذيل]

هلًت بكار الفكر توصف الحال
حال الفراق وحال موادع القلب

دمع العين على صافي الخد سال
يبكي غلات الروح وموصف الذرب

تاخذني الذكرى على زين ا لفال
اهييم به وارقا مراقيب للقرب

 

[الهنوف الهذيل]

على وصف جادل الحسن فكري جال
بين الحلا والطيب سطرت للرحب

شيهانه الموقف والعلوم طوال
لابكت دموع العين وتلًت الدرب

مالي جزاء غير صمتي بلا كمال
يالله استر خفايا القلب يارب

وان تناوبت بي هواجيس البال
اسري بطيف يطربني واطربه طرب

هذي غنات الروح مورد الدلال
شيهانه المحيا وغاليه القلب
قلم
ماجد محمد المطيري

 

[ابوفهد الياسي]

السلام عليكم ورحمة الله وبركاته
صباح الخير أعضاء أسرة برج المليون
نــاس ٍ لكســرة خبــــز ماهــــــي نايشه ××× وناس ٍ تصدّر هالذهب من كولومبيا
صرنـا ضحيـــه والرصاصــــات طايشه ××× نــــرم التهـــم مابيــن ذنبــك وذنبيــا
والحق ضايع واضعف الروس شايشه ××× وما يعذب الله قوم مــن دون انبيــــا
تحياتي لمحبي برج المليون

 

[الهنوف الهذيل]

[poem=font="arabic transparent,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
دثريني يا منيره زمليني يا منيره = يا منيره في فوادي فرخ عبدٍ طق زيره
من هنوفٍ صوبها راع الهوى يشعب بعيره = سيدة سادات قومٌ سادةٌ أبناء ساده
من بهاها يا منيره ويش أوصف ويش أخلي = في جبين الطهر منها بدر سبتين متجلي
هالةٍ دون المصلى أخلفت وجه المصلي = في محاجرها عقيد القوم يومي به جواده
الحجاج هلال ما هو في أهلتنا مقيّد = من يشوفه قبل لا يبدي هلال العيد عيّد
لا متى والموت حدر رموشها السود يتصيد = لا متى ذبح البشر عند العيون السود عاده
دوب يانع وردها في روض لبتها تفتق =في سحر منطوقها صرفٍ من الراح المعتق
وكن ظفايرها على الغره ليا قامت تنتق =خدم سودٌ وقوفٌ حول بنت البيه غادهٌ
يا وجودي يالزباد الزبد يالبيض المقشر =يوم حازت من أمامي عمد وأحمر المؤشر
ما أنا إلا أخو عقمٍ بمولودٍ مبشر = من سروري يوم أعانق طيفها فوق الوساده
كن أصابعها من العناب أو بسر عراقي = أو بلح شامٍ مجفف أو قناني خمر ساقي
وكن ترايبها صحاف الترك حمران الطواقي =في سنا نور رقبتها ذابت أكثر من قلاده
فتنةٍ من شافها في جو سابع عرش عرّش= كاد ناعم ثوبها في جسمها الغض يتحرّش
مرحبا يا مرحبا يا مرحبا بالطش والرش = بالحرير الحر والغرو الغرير الغر عاده
كل ما تكبر تزين وكل ما تقدم تجدد = كن نحرها من وراء بوابة الثوب يتهدد
حجم ناحل خصرها في ردفها لا جيت أحدد = حجم نقطة نون داخل نون ما تقبل زياده
بين خصرٍ إشتراكيٍ وردفٍ رأسمالي =ويل ويلي شيب عيني طر جيبي ويل حالي
كل غضٍ في نحرها شايفٍ نفسه معالي = والثنين بصراحه يستحقون الإشاده
كن عايم صدرها في وقفته قرمٍ ينادي = في خضم المعركه هل من مبارز أو معادي
من غروره يعتبر كل ما نقوله فيه عادي = يا مصابيح الرواهب من بياضه في سواده
من مزاج الزنجبيله في شفاه السلسبيله = أورد الساعي كليبٌ حتفه نظم الجليله
جمرةٍ في روح تمره ضيعت أبو دليله = قايدٍ حاذاه قايد ريم وأنساه القياده
من ليونتها كأن ماله ولا عظمٍ جسدها = ومن نعومتها تخاف خدودها من لمس يدها
ومن كثر ما مشيها جذاب ما تمشي وحدها = ومن كثر ما جلدها صخيفٍ تحب اللبس ساده
ويش يسوى المسك وأبو المسك مع ريحة عرقها= يوم ذبت شالها وأهتز في الملعب حلقها
ما كأن الله مثل باقي مخاليقه خلقها = فتنةٍ كانت طقوس القصر تعبدها عباده

[/poem]


....ناصر الفراعنه

 

[الهنوف الهذيل]

ناقتي يا ناقتي ما عليك من الهروج = صيحتين في قفى الذيب تقفاها العجاج
العدل يبقى عدل والدروب العوج عوج = والعمام الأمعه من فعل كفه سراج
يا مكثرة الحكي والفعايل عوج هوج = ما يحذف الناس من كان بيته من زجاج
يا حمد طير جناحه ورى صدري يروج = ويش اسوي كانه افلت من اضلوعي وراج
.
مولدي في ارض عبقر من العام محجوج =انشدوا عن مولدي ليلة الحج ألف حاج
المطالب يا حمد دونها ضرب الفجوج = دونها شربك قراح مثل شربك هماج
ما ثنوا عزم ابن عباس اصحاب البروج = لين زوجها من اعزب حدب سيفه زواج
والدهر معنى دخوله من الداخل خروج = والله لزبن دخيل ولا سنع خراج
.
يا حمد لا تأمن الجدب في خضر المروج = مزنة العذب الفرات امطرت ملح اجاج
ولولا قولة والنعم ما اعتلوا فوق السروج = امة قبلك خبر حيها في الأرض داج
لا تعجب من علوج توطتها علوج = والله ان الشر للشر احيانا علاج
في جنوب افريقيا البيض ياطون الزنوج = وفي شمال افريقيا البيض ما ترفع حجاج
.
باترفع عن رجال على الهينة تدوج= عالم رامت مرام الصقور وهي دجاج
قيصر من فوق فوج وكسرى فوق فوج = والجماعه بينهم راكبين فوق صاج
وش نبي في هامة همها ضحكة غنوج = أو قيامة قامة ما تقوم عود عاج
أحمد الله يوم لي من خيال الموج موج =.اركب الهاجسي في البحر تحتي وماج
.
ما تصفحت الليالي تصفح كتالوج = لين مع كل حادث ذي حدش عشرى مزاج
العقيلة ما تبي غير ابن حربان زوج = يوم حاجات الذيابة غدت عند النعاج
ساقي النشوى لها من خروج في ولوج = كم أنال الصحو منها شديد الإحتياج
يا حمد مسيار ربعي عليه فوج فوج = غايتي يوم الردي غايته نجمه وتاج




الفراعنه

 

[ابوفهد الياسي]

بعض العرب ترتاح له من كلامه ××× ولاجيب طريا الفعل قام ايتشره
وبعض العرب جنّب طريق السلامه ××× باع العوافي واشترى للمضره
مثل الحصيني غادي ٍعن طعامه ××× يون من جوعه وذيله يجره
وده على النكبات يبني خيامه ××× نسا الجميل وشق جيبه وطره

 

[ابوفهد الياسي]

اقراء عيوني كلها الغاز ورموز ××× حاول تفسر مابها دون تعتيم
ان كان وضع الرجل بالوقت مهزوز ××× شفني انا عالارض والراس بالغيم
انا دخيل الاوف من صوت فيروز ××× احس فيني تقهر الحزن والضيم
ماجيت ابروي قصة الهم والعوز ××× بعنا المواتر والدبش والمجاهيم
انا بدوي قلبي عزوم ٍ على الفوز ××× ماينحني خشمي بوقت الملازيم
ان جارت الدنيا وانا لابتي هذيل ××× والله ما احني بوجه المقاديم
ايه هذلي لو يصفق الطوز بالطوز ××× تاريخنا شاهد على الوقت ومقيم

لشاعر عناد الرواد

 

[ابو ياسر]

واهني الصخرة اللي ما يحرقها سمـوم
الزمان اللـي يهـد العـزم مـا هدهـا

مالزمان اللـي تحـدى قوييـن العـزوم
لين شاها علـى ود مـا هـو ودهـا

والمجامل بعض الأحيان ما يقضي لزوم
لابو النفـس الضعيفـة ولابـو جدهـا

مير تجبرنا العوايـد وتجبرنـا السلـوم
نكتـم الاسـرار ياليـن تاصـل حدهـا

الردى لا طاح جعلـه يطيـح ولايقـوم
باح سـده والنشامـى ماباحـت سدهـا

كل ما كبرت وضاقت على عيال الرخوم
نحتزم لأكبـر مصيبـة وناطـا خدهـا

جعل قسمي عند ربي من خيار القسـوم
واحـدٍ يعـط العطـايـا ولا يرتـدهـا

يا عيـال آدم وحـواء تراهـا ماتـدوم
دورة الأيــام لا بـدهـا لا بـدهــا

يا وليد البط وشلون مـا تقـدر تعـوم
وأنت أبوك يعوم جزر البحـور ومدهـا

وأنت يا حلمٍ حلمته ما هو مثل الحلـوم
ياضحية مزح الأحـلام مـادري جدهـا

أدري إن فالناس معطى وفالناس محروم
هيه يا بيـض النوايـا ويـا مسودهـا

يا ضميري لا يهمك من الدنيـا همـوم
الصعيبـة حِلْهَـا والبسيطـة عـدهـا

جات في شد الشوارب وفي قرب الخشوم
كبر الضيفه وعش الضيـوف وغدهـا

والمراجـل ماتوفـى بضافيـة الهـدوم
كود بسيوفٍ يشـوق النواظـر حدهـا

والردي لو دَرَس المرجلة في كـل يـوم
المراجـل عنـد أهلهـا يذعـذع ندهـا

يعتبر قسمه مثل قسـم زاهيـة الرقـوم
يوم تكحـل عينهـا والقـرون تكدهـا

ماكسبت الا رضا اهل النمايـم والعلـوم
يا رسول الحكي هات العلـوم و ودهـا

الصفوف اثنين هـذا دفـاع وذا هجـوم
وأنت أظنك لا أنت معها ولا أنت بضدها

شرهة الطيب تعـداك للغـوج العـزوم
وانت صلفات المشاريـه مانـت بقدهـا

مير في سود الأظلـة تريـح ومخـدوم
وإن ذبحك الجوع كِـدْ التكاسـي كِدْهَـا

 

[ولد مكه]

}{هــكــذا عــلــمــتـــنــــي الـــحـــيــــاهــ}{

الــــســلآم .. عــلـــيــكـــم.



* علاج لمساوئ الزوجة:
- إذا عظمت مساوئ زوجتك في عينك، فاذكر محاسنها، وقلَّ أن توجد زوجة ليس فيها بعض المحاسن.

* لا تغضب...:
- إذا أتلفت لك زوجتك أو أولادك شيئاً من متاع البيت، فلا تغضب غضباً يهيج أعصابك، وخير لك ألا تغضب قط؛ فإن خسارتك في تلف أعصابك أشدُّ من خسارتك في تلف مالك، وإذا ذكرت أنه لا يتلف شيء إلا بقضاء الله وقدره رضِيتْ نفسك، وهدأت أعصابك.

* الغضب لله والغضب للدنيا:
- الغضب لله حمية ترفع الأقدار، والغضب للدنيا نار تعرِّضك للدمار.

* اعتياد الغضب:
- إذا اعتدت أن تغضب من كلِّ ما لا يرضيك، فلن تهدأ أبداً.

* العاقل والأحمق:
- العاقل يفدي صحته بماله، والأحمق يفدي ماله بصحته.

* لن ترضى أبداً:
- إذا كنت لا ترضى إلا عمَّا تهواه، فلن ترضى أبداً.

* لكي نكون سعداء:
- نحن لا نحتاج لكي نكون سعداء إلى أن نعلم ما نجهل، أكثر من حاجتنا إلى أن نتذكر ما نعلم، وأكثر متاعب الإنسان في حياته ناشئة من نسيانه للحقائق التي يعرفها.

* الزوج المحظوظ:
- إذا ساءتك زوجتك بأشياء، وسرَّتك بأشياء، فلست بمغبون، واجعل ما ساءك لقاء ما سرك، تكن غير مديون، والزوج المحظوظ هو الذي يكون مع زوجته لا دائناً ولا مديناً.

* اخلق لنفسك مسرات:
- إذا لم توفر لك زوجتك وأولادك الهدوء والسرور، فاخلق لنفسك مسرَّات؛ وإلا قضيت عمرك بالحسرات.

* كن وسطاً..:
- لا تحرم زوجتك كل ما تطلب، تتمرَّد عليك، ولا تعطها كلَّ ما تطلب تستعص عليك، ولكن احرمها حين يكون الحرمان تأديباً، وأعطها حين يكون العطاء ترغيباً.

تـــحـــيــاـتـــي ؛خالد الياسي...

 

[فارس الصحـراء]

امشوا ليا صارت الطرقه عليكم لزوم

........................... نحر المطيه ولا قطعت عراقيبها


الله يرحمك ياعبدالله المسعودي

 

[ابوفهد الياسي]

السلام عليكم ورحمة الله وبركاته
أربعه هذلان وأثنى عشر عتيبي
​

الــــمــــســــعـــــودي

مرحبا عـداد نوضـة برقهـا والا رعدهـا
يشرب الشعب البعيدي ويشرب الشعب القريبي
عادة التجار تشري كـل سلعـه مـن بلدهـا
وان خسرنا وان كسبنا لا رجاي ولا نصيبي

الـــعـــصــــيــــمــــي

والبقا ياعزوة توعـد وتافـي فـي وعدهـا
وش حصل من مشكله ماعندنا شي غريبـي
وان نسينا الاولـه والثانيـه والـي بعدهـا
مانسينا الرابعه ياراعـي الـراي الصليبـي


الــــمــــســــعـــــودي

السوالف ياعميل الخيـر مايحصـى عددهـا
والدفاتر ماتضيـع شـيء وافهـم يالبيبـي
المطيـه ماتقـدم رجلـهـا قــدام يـدهـا
لو راعيها يخليهـا عشـى حصنـي وذيبـي


الـــعـــصــــيــــمــــي
خابر الديره حيا واليوم مدري وش حصدهـا
والمريض من العلاج يطيب مدري مايطيبـي
والمطيه راسها واديوسهـا فـي فـم ولدهـا
مار ياذيب الخـلا بعـواك لاتقنـب قنيبـي

الــــمــــســــعـــــودي

ماعليه اللي ليامنـه بغـى الحاجـه وجدهـا
احسن من الشجره اللي لا صبوح ولا حليبـي

كانت العذرا تهوش وترفـع البيـرق بيدهـا
والعشيـه هلـت العبـره وقالـت ياحبيبـي

الـــعـــصــــيــــمــــي

مالمحت الا الجنازه يوم طبـت فـي لحدهـا
ميـر قلـي موتهـا رضـى والا غصيبـي
روح ابو زيد الهلالي من نشدها من نشدهـا
مير في وقت المحاسب والله لخلقـه حسيبـي

الــــمــــســــعـــــودي

ياهل النبـوت مايبنـي البيـوت الا عمدهـا
احسبني موت وارواح العرب في وسط جيبي

ليت للسلعـه مقـدر مايقلـل مـن جهدهـا
لو يقولون اربعه هذلان واثنى عشر عتيبي

الـــعـــصــــيــــمــــي

كان طولت البيوت بنيها اولـى مـن هددهـا
لايضيع العلـم مابيـن المنـادي والمجيبـي

ثابتـه ومثبتـه بشهـودهـا واقراسنـدهـا
كان مايسترك ثوبك لا تلبـس مـن ثويبـي

 

[عز الرفيق]

سواد الليل جلاب الهموم

على النفس الحزينه يا فهد

فقدت النوم سامرت النجوم

يا ويلي ماحـد ٍ ياوي لاحـــد

 

[الفند الضبيبي]

ماقوى عذابك ياعيون الشقاوي

مع كل نوضة برق يضوي بصرها


ماينفع المحتاس كثر الهقاوي

تجري عليه اقدار ربي قدرها

 

[ابوفهد الياسي]

مرحباً باخونا فيصل
ومرحباً بالفند الضبيبي
وأميرنا المحبوب سطع نورهـ
وفارس الصحراء الجار الي نعتز بوجودهـ
واختنا أعلامية البرج
وصباح الخير صباح مايليق إلا باصحابه
أعضاء أسرة برج المليون

 

[فارس الصحـراء]

واخيراً نطق الفند


مقاله .. لأستاذ العربيه .. شوقي ضيف..:smi_89:

 

[عز الرفيق]

ماقوى عذابك ياعيون الشقاوي

مع كل نوضة برق يضوي بصرها


ماينفع المحتاس كثر الهقاوي

تجري عليه اقدار ربي قدرها

و هنا

و حصريا لبرج المليون

يضع أبو مخلد أحــد مطالع قصائدة

التي طال مكوثها في ظلام الأدراج ... بعيدا حتى عن أعين الأصدقاء

هنا بيتين تنم عن شاعرية رائعه طالما أنكرها هذا الفند

و أنكرها و لم تخفى علينا ...

و لكن لم يصرح إلا اللحظة

,
,

هنا باكورة الإنتاج لشعر الفند الضبيبي

يصافح بها صفحات البرج

و كأن روحه تأبى ألا تنثر بوحها

إلا في برج الأدب برج النقاء برج الفكر برج أبو فهد الياسي .. برج المليون

فهنيئا للبرج هذه النسنات العطره

و هنيئا لنا هذه الشاعرية الفخمة التي طالما انتظرناها بشوق

,
,

البقا يا ابو فهد

تسلم يا الغالي على الترحيب

 

[الفند الضبيبي]

واخيراً نطق الفند


مقاله .. لأستاذ العربيه .. شوقي ضيف..:smi_89:

؟؟؟؟؟؟؟؟؟؟؟؟؟؟؟؟؟؟؟

 

[الفند الضبيبي]

و هنا

و حصريا لبرج المليون

يضع أبو مخلد أحــد مطالع قصائدة

التي طال مكوثها في ظلام الأدراج ... بعيدا حتى عن أعين الأصدقاء

هنا بيتين تنم عن شاعرية رائعه طالما أنكرها هذا الفند

و أنكرها و لم تخفى علينا ...

و لكن لم يصرح إلا اللحظة

,
,

هنا باكورة الإنتاج لشعر الفند الضبيبي

يصافح بها صفحات البرج

و كأن روحه تأبى ألا تنثر بوحها

إلا في برج الأدب برج النقاء برج الفكر برج أبو فهد الياسي .. برج المليون

فهنيئا للبرج هذه النسنات العطره

و هنيئا لنا هذه الشاعرية الفخمة التي طالما انتظرناها بشوق

,
,

البقا يا ابو فهد

تسلم يا الغالي على الترحيب

اصبر اصبر اصبر

ويش الكلام هذا ؟؟؟؟؟؟؟؟؟؟؟

اي قصايد واي خرابيط يابن الحلال

اذكر الله يابن الناس لاحد يسمعك ويصدقون

واشكرك على هذي المزحه