فكرة برج المليون رد .............!!!

[فارس الصحـراء]

من قصايد


الشاعر العملاق ..


عبدالمعين بن ثعلي الروقي العتيبي ..


رحمه الله واسكنه فسيح جناته ..



من اروع شعراء الجزيره العربيه ..


عديت مجدار ٍ علـى كـل مجـدار
عيطاً بديت براس عالـي وعرهـا
ماواق في عالي حجاها الا الاطيـار.
الا السبـاع القـى مداهيـل اثرهـا
اكرام عين ٍ تشتهـي مـد الانظـار
فسحة نظـر للعيـن مـدة نظرهـا
وان كان في مد النظر خير واشرار
ننظر لحال وحـال عنـه نهجرهـا
ننظر لدرب الخير نقصر عن الضار
ولا خير في عين ٍ نظرها ضررهـا
واقول من زيـن التماثيـل واختـار
واجني من اطراف المثايـل ثمرهـا
ماقـل دل وكـل عـودٍ لـه ثمـار
تثمر وحلو اشجارهـا مـن ثمرهـا
والفرق في طلع لنوامي والاشجـار
من زين تربتهـا وحسنـا مدرهـا
حولت منها امشي مع الدرب مـرار
مريـت منـزال البيـوت وذكرهـا
قلب ٍ عليهم كن فـي داخلـه نـار
وعين ٍ عليهـم مستمـر ٍ سهرهـا
سج القدم في منزل البيـت واحتـار
من صبح لين الشمس طبت بحرهـا
منزل بيوت ٍ عطرهـا بـن وبهـار
واشناق حيل ٍ من خبرهـم خبرهـا
سـلام يامنـزل طويليـن الاعمـار
لو مـا مكـان بيوتهـا الاحجرهـا
منازل اللي تكرم الضيـف والجـار
مامـن يحـل بجالهـا الا شكرهـا
خذو لهم قيضه ومشتـى ومصفـار
ومرباع لين العشبه اقفـى زهرهـا
وشافو لهم برق على نجـد سمـار
تحـت مطالـع النجـوم وقمـرهـا
شرق ٍ من القبله مطاليـع الانـوار
غرب ٍ من العارض ضواحي هجرها
يبون مرباع ٍ مـن النيـر ويسـار
واقفى ربيع العيـن واقبـل دهرهـا
معهم عشير ٍ هوجر القلب هوجـار
هوجار هوجـار ٍ بروحـي هجرهـا
روحه على روحي تسابيب واخطـار
اسبابـه المخطـر عقـد موتمرهـا
يشر عليه من الخطر حسب الاضرار
شقر القرون ومابدى مـن نحرهـا
تـاج ٍ عليهـن العماهيـج وشعـار
ياشيخة الخفـرات واهنـه جبرهـا
اقفى وقفو به هـل المجـد والكـار
شرب الدغش مر الكبـود وكدرهـا
وانا بـدار وليـن العـود فـي دار
لكنهـا حجـه وكتـبـت عمـرهـا
قلت : النسب قالوا : بدا يدك والحار
اولى بها من ربعها اللـي حجرهـا
يا الاد روق اللي لكم صيت واذكـار
لاطار عـج غبارهـا مـن وبرهـا
وان جا لميدان الرمك عـج وقتـار
كم حولـو بمـدرع ٍ مـن ضهرهـا
تسببوا لي فيه مـن كـل ماصـار
اظـن عينـي يفتـح الله بصرهـا
امـا بدفـع المـال والا بالابصـار
والا بصلب اريا الرجـال وظفرهـا
مايقطع الفرجات من طاع الاشـوار
ولا طوّع الاصعاب مـن لاوطرهـا
والاهي الدنيا على الخيـر والضـار
مـن لادمـر بنيانهـا ماعمـرهـا

 

[فارس الصحـراء]

قصيده اخرى ..


لبن ثعلي ..



[poem=font=",6,sandybrown,bold,italic" bkcolor="black" bkimage="" border="none,4," type=2 line=1 align=center use=ex num="0,black""]

وابكرتاه اللي غدت بيـن الاذواد=يوم اصطفاق الطرش من كل نيه
برقا وروق وحـرب ولاد عبـاد=وسبيـع والبقمـا هـل الاركيـه
علـى قليـب يدهلـه كـل وراد=وكل يجيلـه مـن بعيـد النحيـة
ميه يزيد وفوقـه الـورد يـزداد=ولا ماله الغراف من كثـر ميـه
واخذت فوق الما ليا ورد منقـاد=لاعند شـي ولا مـورد ضميـه
وليا على الما واحد قـال يـالاد=وش حاجته قلت اله ويش الك فيه
قال ايه ها مالك على العد مقعـاد=قلت اله ابا آخذ مار لثـة شويـه
وليا على الما قاعد غيره اجـواد=قالوا هما لك قلـت قاعـد هنيـه
قالوا همالك حاجـة قلـت نشـاد=مذهب عسى الله مار يعقل عليـه
قالوا همالك ذاهبه قلت وش عـاد=وش عاد من مال بقي في يديـه
قالوا هما لك ويش هومالك الغـاد=اموالك اللي غادي ويـش هيـه
قلت اه مامعكم خبر مير الامـراد=بكره غدت لي بين هاذي وذيـه
عفرا عليها بين الوسـم منقـاد=ماهوب نار ولاش وسـم حليـه
هليلٍ بيـن الحجاجيـن وعضـاد=ورقيمة فـا لخـد ماهيـب كيـه
قالوا هماهي غاديه قلـت بجمـاد=وتلى لها ذكـر نهـار الضحيـة
قالوا غدت قلت امر الله بمـاراد=قالوا همـا مـا عندنـا مخبريـة
قلت ذهنوها وانشدوا كل من راد=تجسسـوا بالبيـنـه والخفـيـة
قالوا هما هاذي بنشده فقـم نـاد=صوّت وسايل كل راعـي رعيـة
قلت اه مافاد النـدى فيـه مافـاد=هذاه انادي كـل صبـح وعشـه
ومن له ذهيـب ماتهنـا بمقعـاد=ومن لا غدالـه ذاهبـه واهنيـه [/poem]

 

[ابوفهد الياسي]

تسلم يابن دخيل الله
أنا أشهد أنك تجيب الصايبه
صح لسأنه رحمه الله

 

[فارس الصحـراء]

قصيده اخرى



لبن ثعلي ..



للرّحام .. ياعبدالمعين






لا ضاق صدري قلت ياقاسمت خير
............................سج القدم يمشي على غير داعـي
وعديت فالعالـي بعـال النواظيـر
...........................وادله ليا شفته على الحزم اشاعي
واسهر وساهر للنجـوم الزواهيـر
..............................ليما يجي للصبح نـور وشعاعـي
قالوا لي ادله قلت ياهـل التفاكيـر
............................هاذي علوم اهل العلوم الضياعـي
وأنا مغير مولـع القلـب يابديـر
..............................اشري وبيـع ومشترايـه وباعـي
والله مغير اصخر القـاف تصخيـر
...........................تصخير مادوب العصى لين اطاعي
ومن دق به مثلي هجوس وحواشير
...............................تضيق به لـو الطريـق اتساعـي
مقابلٍ خضـر الودايـا المهاجيـر
................................على حفـاف بيـن حـرة وقاعـي
والله لو إن القصر والغرس والبيـر
.............................يمشي على ما في هوايـه وناعـي
عن ديـرة فيهـا تـدب الجعاريـر
.............................وفيها الدجاج وماشبه لـه يعاعـي
لشد ونزل فـي مـرب الخواويـر
..........................وامشي مع الحزم السماح الوساعي
ليا اختلط نبت الزهـر والنواويـر
..............................غزيت فالعبلـه عمـود الشراعـي
غربٍ من النفراى جنوب المخاضير
...........................شرقٍ من الفيضه شمال الكراعـي
يـاوي مربـاعٍ بهـاك النهابـيـر
..............................ويا وي سلفانٍ بها القلـب ياعـي
تلقا بها سمـر البيـوت الدواويـر
..............................سمر البيـوت مثولثـات الرباعـي
بطرافهـا كنـه قصابـة جزازيـر
...........................يفرح بها الطرقي ليا اضرم وجاعي
وهل بيـوت متيهيـن المعاشيـر
............................الاد روق أهل الطعـون الوساعـي
اللي لهم شقـح البكـار المغاتيـر
...........................ترعى بهم فالخوف من غيرراعـي
وتلقا بها شقـر البنـي الغناديـر
..............................زرع القلوب لكـل قلـبٍ ولاعـي
وللي لهن من طب الامراض تقرير
...............................تقريـر طـب للقلـوب الوجاعـي
أخذت لي معهن مطيـر ومشاويـر
...........................ركضت جهل يوم الهلع والدلاعـي
واليوم عنه اقفيت لوهـن مناحيـر
.............................حسبٍ لحـل المشكلـه والنزاعـي
وافقيت عنه اقفاي ركب المعاييـر
.............................وأخذت من تـال المحبـه وداعـي
إلا بحـب اللـي بنـاري مصاييـر
.............................سمرٍ على جـال المنـاره مقاعـي
يازيـن شبـة نارهـا للمساييـر
............................ليا جالهم عندي عليهـا اجتماعـي
آخـذ بهـم زال الحيـاة التعابيـر
.............................ولا إنها ماغيـر عبـر ومتاعـي
واسند عليهـم فالليـال المعاسيـر
...........................ويروح شبري في محطـة ذراعـي
ولا هي الدنيـا بربـح ومخاسيـر
.............................يومٍ حدور ويـوم فيهـا ارتفاعـي
ولاكل طيـر ٍ ينتقلـد علـى طيـر
.........................ولاكل من هاز الشجاعة شجاعـي
مـا ينتقلـد بالحـرار العصافيـر
..............................ولا ينتقلـد بالقـرنب الافـاعـي
لو قلدوا شيٍ علـى شـي تغييـر
.............................مـا ينتقلـد بالطبيعـي صناعـي

 

[ابوفهد الياسي]

أسس للراحة
إن الأجل قد فرغ منه وإن كل شيء بقضاء وقدر
فلا يأسف العبد ولا يحزن على ما يجري
إن رزق المخلوق عند الخالق في السماء
فلا يملكه أحد ولا يتصرف فيه قوم ولا يمنعه إنسان
وإن الماضي قد ذهب بهمومه وغمومه
وانتهى فلن يعود ولو اجتمع العالم بأسره على إعادته
وإن المستقبل في عالم الغيب ولم يحضر إلى الآن
ولم يستأذن عليك فلا تستدعه حتى يأتي
وإن الإحسان إلى الناس يضفي على القلب سرورا
وعلى الصدر انشراحا وهو يعود على مسديه أعظم بركة
وثواب وأجر وراحة ممن أسدي إليه ومن شيم المؤمن
عدم الاكتراث بالنقد الجائر
قال الشيخ عائض القرني :
فعلام تحرق أدمعا قد وضئت
ويظل يقلق قلبك الإرهاب
وكل بها ربا جليلا كلما
نام الخلي تفتحت أبواب

​

 

[عبدالرحمن مساعد]

ان شاء الله تروق لكل من يمر من هنا





لوّ إن عندي مثل ماعند الوليـد بـن طـلال
شريت برج الفيصليه لجـل اغيـظ المملكـه
ماهو على شان الجنيه ولا على شان الريـال
لكن على بالي طـرى شـيٍ تمنيـت أدركـه
غروٍ غريرٍ غـرّره زينـه ومطغيـه الـدلال
لاشاف له شيٍ يبيه فظـرف لحظـه يملكـه
اللي سواته وبسهوله يملك قلـوب الرجـال
اليا لمح له درب في قلـب الرياجيـل سلكـه
هذا وأنا ماشفت منـه إلا التمنّـع بالوصـال
كفي من الحسـرات لامنـي تذكـرت افركـه
يحبني وأدري بحبـه ميـر ماجالـي مجـال
أجلس معه جلسه وهذا الوقت ما فيه بركـه
يطري علي مع السهر وأخذ ثلاث/أربع ليـال
تقول كن العين ظبي وحضرة الليـل شركـه
صوته ليا جاني ظما يسقيني المـيّ الـزلال
وساعة غيابه تدخل عيوني ونومي معركـه
شفايفه جمرٍ وأنا شاعـر سريـع الإشتعـال
الله أشغلني به وغيري ما أشغلـه إلا كبكـه
لبّا عيونه والشعر لاحط شال وشـال شـال
إن طوّله وإن قصرّه وإن سعوّده وإن أمركـه
ولبّا النحيل اللي تحمّل شيلـة حمـولٍ ثقـال
ولبّا الثقال اللي ولو وقّف يجي فيـه حركـه
إليا قفل جواله أظلم كل مـا حولـي ومـال
فكري لتيار العذاب وكـل طـاروق إمسكـه
وأصبحت أهوجس ما تقول إلا الوليد بن طلال
مع إني أفقر شخص عايش في حدود المملكه




سعد بن جدلان الاكلبي ​

 

[فارس الصحـراء]

قصيده اخرى



لبن ثعلي ..

يابديـر انـا لـي حسّـة كانيـهـا
لاشـك ماتـثّـر عـلـي بعـلـه

اصبـر عليهـا واحتمـي قافيـهـا
عـن جابـة فيهـا علـي شكـلّـه

وان كان جتني زلّـة مـن ربعـي
زلا ّتهـم ماهيـب عنـدي زلّــه

اخفض لهـم منـي جنـاج الذلـي
لكرامهـم ماهـوب خـوف وذلّـه

وان كان جتني من شجـاع طيّـب
اشتال زلاّت الشجاع رضـى لـه

وانا اعرف الطيب واعرف طبوعه
الطيب طبعـه والـردى ضـد لـه

وان كـان ولّينـه رفيـق صافـي
انـا ولـد عمّـه وانـا عـز لـه

وان كان عنده حيلـة فـي حالـي
اخذ حسابـه وانتبـه وافطـن لـه

واقـول يارجـال حـايـد عـنّـي
مالـك ومالـي ياخبيـث المـلـه

واروح في حالي وهو فـي حالـه
وهـذي تراهـا للعفـون جبـلّـه

يعطيك مـن راس اللسـان حـلاوه
حلويـن الالسـن والقلـوب مغلّـه

ولانـي بتبـاع لشـور المقـفـي
ان كان مقفي ليه يـوم اقبـل لـه

يقفي وانا اقفـي والديـار وسيعـه
ومن فارق الوجه الغضيب احسن له

خلّـه وانـا عبدالمعـيـن يـولـي
لاناقـص مـنّـي ولا زود لــه

وان كان جتني من ضعيف خايـب
سترت خلا تـه وانـا ستـرٍ لـه

سترت خـلا تـه لحشمـة غيـره
ما أبى علـى ربعـي يبايـن خلّـه

ربعي كما الحيد الطويـل النايـف
ارقى براسه وانسـدح فـي ظلـه

قلتـه وانـا مـن لابـة مشهـوره
عـز القبيلـه والعـدو سـم ّ لـه

اليـا بنـوا راي ٍ علـى مقلطهـم
يبـنـون بـنـي مـاحَـد يفـلّـه

والربعـه اللـي رايهـا يفرقـهـا
لابـد أعـز ّتهـا تـروح اذلّــه

وان كان نقاض الحبـال صميـدع
ليـا نقـض هـذا فــذا يفتـلّـه

ولانيب راعي هرجة فـي مجلـس
ولاأشيل خلق الله علـى خلـق الله

الحـق يالعـراف عـرّاف الخـلا
ماهوب فـي كثـر الكـلام وقلّـه

مـاهـوب للهدات فالمـجـالـس
للـي يعالـج مشكـلـه ويحـلّـه

وانا على خصمـي وسيـع بالـي
آخـذ خصيمـي بالسعـه وامهلّـه

احلم على خصمي بحسن اخلاقـي
وإن كان لي حـق مصيـب أد ّلّـه

امّا طلبت مـن الخصيـم شهـوده
ولا ّ قبلت الـد ّيـن واخلـص بالله

واللا قلطـت بحجتـي وشهـودي
واخذت حقي مـن خصيمـي كلّـه

وأقـول حقـي وآخـذه باثبـاتـي
والحـق سيـف الرجـال تسـلّـه

وان كان مالي حق أخاصم نفسـي
واقـول مالـي حـق والحمـد الله

وإن كان جاني من يـدوّر شـوري
اعطيه من شور الهدى نصـح لـه

واقـول لاتاكـل حـلال المسـلـم
لكـن خـل الهـوش دون الحّلـه

وان كان جاني من يـدوّر جاهـي
ماأبخل بجاهـي عنـه وامـري لله

وان كان جاني من يبا مـن مالـي
اعطي واعيّي عنـه مـا أستكملّـه

لابـد مـن بيـت يبـا يبنـى لـي
يبنيـه غيـري واسكنـه واحـلّـه

وان كان لي في هالكلام معـارض
أسيلكـم يـاأهـل المـعـارف بالله

انـا معـي حـق ٍّ علـى سوالـي
ولا علـي مـن الرجـال ختـلّـه

وختامهـا منّـي صـلاة محـمـد
نبيّنـا الـهـادي ابــن عـبـدالله

 

[فارس الصحـراء]

.

اخرى


لبن ثعلي ..





سـلام ياعـد صبـاحـه وردنــاك
اليـوم ماعينـت لـي ورد جـاكـا

ياعـد ويـن اللـي طراتـه لياجـاك
اللـي ليـا جيتـك يجينـي عـلاكـا

اللي ليا جيتـك يجينـي علـى مـاك
واليـوم لاجانـي ولاجــا يبـاكـا

في ما مضى تدهـل وروده ضمايـاك
واليوم من ورده خلـي جـال ماكـا

اليوم خلانـي وقفـا وخـلاك خـلاك
واخــلا ورد مــاك وجـفـاكـا

عد جفيـت سهيـف الـروح يجفـاك
واهمـه عـلاك الهـم منـول مداكـا

ياعـل همـال السحـاب يتـعـداك
شيءٍ يجـي دونـك وشـيءٍ وراكـا

لالاك ماشـد اريـش العـيـن لالاك
لكـن حاديـه الضمـا مـن ضماكـا

وعساك تسقـى يـوم حنـا نزلنـاك
مـن جاهـزٍ خيـل عـلاك وسقاكـا

وعساك تمحل واصبح المزن لاسقـاك
لالاك مـا صـار التفـرق لالاكــا

يازين ياللـي عنـي البعـد ينحـاك
البعـد ينحانـي وعـنـي نحـاكـا

خليتنـي واقفيـت واقفـت رعايـاك
واقفت خطاي وعنـي اقفـت خطاكـا

يـاذاك يالطـف الخواصيـر يـاذاك
والله ما اعلـم بـك ولا اقـول ذاكـا

من خـوف هـرجٍ يقتفينـي ويقفـاك
ابـا اتحصـن عـن قفـاي وقفاكـا

اقفيـت ماعلمتنـي ويــش نـيـاك
لا اقـول شـح ولا تجـود بعطاكـا

دايم علـى روهـاج قلبـي تحـراك
لين انسقم حالـي وانـا فـي رجاكـا

لا ايست منـك ولا عرفنـا نوايـاك
ولا قلت مطلوبٍ رخص فـي فداكـا

مدحت لي مدك وجـودك وعطـواك
وانتـه عطـاك قريـبٍ مـن رداكـا

ليتـك تعلمنـي بغيـبـك ومعـنـاك
لين اني اعرف ويـش غيـب مناكـا

مدري تماري لـي باالامـزاح منـاك
والا علـي مغـل مثـلـي عـلاكـا

عطني عطاك الله ومد الك واعطـاك
لاتقصـر المعـروف منـي اليـاكـا

ان جاز لي لاماك جالـي بـلا مـاك
وان جزت عني جـاز حالـي بلاكـا

والله مع اهل الجود مد الك واعطـاك
واقبـل ومـن غيـري تبـاه ويباكـا

ياجادلٍ ون جيـت اوصفـك واقـداك
لاعبـج لا عريـان عـذبٍ لمـاكـا

لا خوخ لا رمان ما اعرف حلايـاك
عـن كـل هـذا عايـزاةٍ حـلاكـا

ولاعنق ريمي الجوازي ليـا صـاك
ان شاف لـه ذيـره وزيلـه نصاكـا

ولا ضيمران وساقي العيـن ياطـاك
وعـلاه للفـي الظلـيـل انفـراكـا

ياعنبرٍ من عالـي الوجـن مجنـاك
مـا كـل رقـايٍ ليـا جـا رقاكـا

ولا محمل الشامـي ولا كنـه ايـاك
ولا انتـه بمثـل لـه ولاهوكمـاكـا

ولا من هل الغربي ولا التهم مربـاك
ولا من هل الخبت الحتـون الحكاكـا

الشرق مربى لـك ودارك ومشهـاك
دارك وديـرة حيـك اللـي ربـاكـا

وجدي على قربك وهرجـك ولامـاك
لامــاك ياغروٍعـلـى مستـواكـا

لاماك لو امشي واقارن بـا لامـلاك
مافـي يـدي الا عصـاي وعصاكـا

لاكن مـن دونـك حدونـي دنايـاك
دونـك حدونـي وابعدونـي ولاكــا

ان جيت ارودك يا اريش العين وابغاك
دونـك حدانـي واحـدٍ ثـم حداكـا

يالله ياللـي كـل عـيـن تـرجـاك
ياللي جميع الخلـق تطلـب رجاكـا

انـك تديـره يامـديـرٍ بـالافـلاك
يالله يالـلـي لا الـــه سـواكــا

يارب دعـوة مسخـرٍ منـك وليـاك
يبغاك تطلـق لـه هـذ مـن هذاكـا

اطلق شبك من منشبه عسر الاشبـاك
يـا الله يامطلـق قــوي الشبـاكـا

من منشبه عسر الشبك كيف ينحـاك
ينحـاك لـو مايحسبـنـه يحـاكـا

ويا رب يوم اطلبك واسألك وانخـاك
انـك لتقبـل دعـوة اللـي دعـاكـا

كان اني امشي في مطوعتك وارضاك
ماذي ولا استاذي واعايـن رضاكـا

واهوه مواذيني وحتى انـت يعصـاك
ملعـونٍ ايـواذي العـرب ويعصاكـا

وانك تحتـه مـن لزايمـك وعـراك
يـارب حتـه مـن لزايـم عـراكـا

وانـك تجيـه بحيتـن مـن حيايـاك
والا تجيـه بمـرودٍ مــن سمـاكـا

حديتني عنهم عسـى الويـل يحـداك
عن شـف بالـي لا رحـم والداكـا

ويومني انخـا الله يضـرك بدنيـاك
ابغـا عسـاه يفكنـي مـن غثـاكـا

لاشك قلبـي مجحـرٍ منـك واشـاك
لاشـاك فـي حـالٍ وحـالٍ اشاكـا

لا شاك في حالٍ وفـي حـال شكـاك
شـكٍ بــد حويرثـيـن حشـاكـا

وياقلب يوم انصحك واعذلك وانهـاك
عييـت تقبـل دعـوة اللـي دعاكـا

اقول تبعك للغناديـر عنـاك
عنـاك ياقـلـب العـنـا مــن عـنـاكـا

يلعب بك اطراق الهوى ليـن غـواك
واليـوم ميـز رشدكـا مـن غواكـا

لاعاد تعناني وانا عـاد مـا اعنـاك
مـن يـوم منحـلاً عليهـم رواكــا

ما احلاك يا قافن على ياك ما احـلاك
انصح بـك اللـي ياللحـون انتقاكـا

يلعب بك الشاعر علـى قـد معنـاك
وعلى هدف معنـاك يطـرح بناكـا

ستيـن بيـتٍ كلهنـه علـى يــاك
يازيـن ترتيبـي علـى قـاف ياكـا

 

[ابوفهد الياسي]

قص من الواقع
على مكتب المسئول الكبير طلبان
الأول للتصريح بإدخال الغازالطبيعى
للقرية السياحيةالمملوكة لأحد الأثرياء
والآخر طلب معاش إستثنائى نظراً لحالة صاحبه المعدمة
وافق على الأول >> أما الثانى فأنساهـ

 

[ابوفهد الياسي]

أطعمة بحرية
قرروا أن يمتنعوا عن تناول عشائهم المعتاد
فى البيت الضخم لصديقهم الملياردير المختلس
فقد سئموا من أكل الأنواع المختلفة من اللحوم
وإتفقوا على ألا تزيد أنواع الطعام فى تلك الليلة
عن خمسة من الأطعمة البحرية
الحبار... الجمبري ... الاستكوزا... الكافيار ... الاخطبوط
فى الخارج يُمنع من دخول البيت رجل مُعاق
يجهر بالدعاء على شقيقه المالياردير
الذى إستولى على نصيبه فى تركة أبيه
وتركه يتسول الناس

 

[ابوفهد الياسي]

إحتفال بالتخرج
منذ خمس عشرة سنة طردها الزوج من منزل الزوجية
رغم أنها زوجة مطيعة وأم مثالية رفض الإنفاق عليها
أو على إبنهما الوحيد إضطرت إلى إمتهان أعمال متدنية
إقترضت من الجيران من الأقارب تحدت الظروف
لتحسن تربيته وتكمل تعليمه الجامعى
فى الإحتفال الفخم المقُام بمناسبة تعيينه ضمن المعيدين بالجامعة
وقف الإبن يتسلم الجائزة من رئيس الجامعة
فوجىء بالأب واقفا بجواره مبتهجا فخورا
أما الأم فلم تستطع الحضور لعدم قدرتها على نفقات السفر إلى العاصمة

 

[ابوفهد الياسي]

أنجزت المهمـــــــــــــــــــة
تسربت المياه من الماسورة الرئيسة أغرقت الشارع
عطلت حركة المرور لم يحرك أحد ساكناً
فى اليوم التالى مر الشيخ لم يعجبه الأمر طلب فأسا و أدوات أخرى
ليُغلق المحبس فى البداية بدأ الحفر وحيدا تدريجيا
تجمع حوله الشباب عدد قليل منهم أنجزت المهمة

 

[ابوفهد الياسي]

لقطتان معبرهـ
على جهاز الكمبيوتر أراه صديقه لقطتتين
الأولى لداعية صعدت روحه الى بارئها
أثناء إلقائه درسا فى المسجد آخر كلماته الحمد لله
والثانية لمطرب أتاه الموت وهو يغنى أغنيته المشهورة
مخمورا آخر كلماته آه ياليل >> أه ياعين

 

[ابوفهد الياسي]

القناعة كنز لا يفنى
توجهت إلى محمكمة الأسرة زوجه لترفع دعوى نفقة
على زوجها ميسور الحال الذى تأخرعن الإنفاق عليها وعلى أولادها
قابلت إمرأة فى صحن المحكمة رفعت دعوى خُلع
لأن زوجها بعد مروره بأزمة مالية
لم يعد قادرا على أن يقضى معها الإجازة الصيفية
فى الساحل الشمالى كما عودها من قبل
على الفورعادت إلى بيتها وأقسمت ألا تدخل هذا المكان مرة أخرى
ولو لم تجد يوما رغيفا تأكله

 

[ابوفهد الياسي]

نعم التُخمة تقتل
لاحظ الشيخ أن الشاب قوى الجسم لايصوم نفلاً
يومى الإثنين والخميس من كل أسبوع
سأله : هل تعانى من أى مرض ؟
أجاب بالنفى
و إستدرك قائلا : ولكنى أشعر بالإرهاق والجوع بسبب الصيام
بتلطف رد الشيخ : وهل هناك صيام بلا إرهاق أو جوع !!!
يابُنى : قلما يموت إنسان من الجوع
وإنما يموت كثير من الناس بسبب التُخمة

 

[ابوفهد الياسي]

سبحان الله وبحمده سبحان الله العظيم
استغفر الله العظيم التواب الرحيم لذنبي وللمسلمين وللمسلمات
وللمؤمنين وللمؤمنات الأحياء منهم والأموات ألي يوم الدين

 

[سلطان الحجاز]

السلام عليكم ورحمة الله وبركاته
صباح الخير إخواني
أقدم لكم قصيدة الشاعر خلف بن هذال في منى عام 1430هـ

[RAMS]http://www.5ymah.net/inf/voicesm/3529.ra[/RAMS]

http://www.5ymah.net/inf/voicesm/3529.ra
لحفظ المقطع كل يمين وحفظ بأسم

http://www.youtube.com/watch?v=ka3_6C-upUU

وأتمنى أن تنال رضاكم

 

[أبن ماطر]

مشكووور أخوي سلطان الحجاااز على القصيده... لانها فاتتني السنه هذي..

 

[أمجاد]

ياحقوق الانسان انا هنيا
ودي يفحس مجالي بدون محذوف موقوف
ودي بقسم يفتح اليوم ليا
حتا افتخر بين القبايل موقعي معروف

 

[ابوفهد الياسي]

ياحقوق الانسان انا هنيا
ودي يفحس مجالي بدون محذوف موقوف
ودي بقسم يفتح اليوم ليا
حتا افتخر بين القبايل موقعي معروف

جميع الاراء تمثل كاتبها وتحت مسئولية كاتبها ولا تمثل رأي البرج
ونتمنى أن يكون أنضمامك لأعضاء أسرة برج المليون
بحروفاً من نور نفخر بها وتشرح صدر قارئها