فكرة برج المليون رد .............!!!

[ابوفهد الياسي]

الكفن يابو فهد

والا

لا لا لا لا لا لا









الحـــــــــــــــــــــــــــــــــــــــــــــــــل







صــــــــــــــــــــــــــــــــــــــــح ياعماد




والجائزهـ طاسة حليب


إذا جيت من مصر


بإذن الله

 

[أمجاد]

:48:هههههههههههههههههههههههههههههه:48:
عماد ليه سبقتني ...:16:
هههههههههههههههههههههههههههههههههههههه))رايحه فيها

 

[ابو ياسر]

صباح الخير ياريس

 

[عماد الهذلي]

ابو فهد هالحين بعد هالتعب تقلي طاسة حليب!!

نبي جوايز نقدية، لها وقعها

هههههههههههههههههههههههه،، يسعد ربي يابو فهد


نسمة،، يعني أنتي عرفتي الحل؟؟ ههههههههههههههه

 

[أمجاد]

آآنين\
العذر .. وش عاد بيفيد
مرت سواري الليل مرت
والحلم أصبح بعيد.
وأصبحت ياحبي عدم
سهد وألم
وصرت ياقلبي وحيد.
والعذر وش عاد بيفيد.!
ترانيم صالح الشادي

 

[أمجاد]

نسمة،، يعني أنتي عرفتي الحل؟؟ ههههههههههههههه
ههههههههههههههههههههههههههههههههههههه
اكيــــــــــــــــــــــــــــــــــــــــــــــــــــــــــــــــــــــــــــد لا

 

[أمجاد]

همسات...
أحلى القصيد اللي كتبته في عيونك ..مات.
وعمري اللي أخلصك غدا في زحمة الآهات
واليوم ما أظن الدموع اللي تهل
بتعيد روح العاشق اللي انقتل
اللي طعنتيه بظهر
اللي ذبحتيه بغدر
رُوحي اسكني في قلب غيره واجرحي..
روحي افرحي
والعذر ما عاد بيفيد.؟

من نزف الشادي

 

[عماد الهذلي]

أنا أضن !!!!!!!!!

ماينصفني هذا الليل...

لو أسهر

....سهرته كم ليل..وليل...

وش باقي!!

تعبت وكل ليلة،،،غير

فأحزاني ،،واشواقي،،،والآميّ

وأنا مقدر.!..تعبت آكابر..واقدر!

ولاباقي...لصبري حيـل

وفراقي،،،واشجاني،،،وأحلامي

تضور،،،،جوع،،

أو أكثر

ولحظاتي،،، دقايق ويّـل
.
.
.
.
.
وعلى بعد المسافة

واحتياجي....أكون. ما أرجوا

وأنصاتي....لما أشعر

وناري..قازها دمي

وبنّي...صمت...والذكرى

بريحة هيـل

أنا ...ماغاضني همي

وبعد سهيل...

أنا ..همي...كبير

وكيف،،لاتسأل

أنا ياليل..لو اسهر

ترا همّـي.....فبعـد.......... أمــي

ضناني ...حيييل

أو أكــثر

 

[عمر العميري]

السلام عليكم ورحمة الله وبركاته

صباح الخير ياكل الحب

منور ياعم عماد

 

[عماد الهذلي]

[poem=font=",6,white,normal,normal" bkcolor="transparent" bkimage="http://www.hothle.com/vb/mwaextraedit2/backgrounds/1.gif" border="none,4," type=1 line=0 align=center use=ex num="0,black""]
واللي خقلني ماوحشني يكود أنت=ياللي على مسراي مازلت واعـي

مافيـه ليلـه دون ذكـرااك لاهـنـت=إن فيه داعـي وإن مافيـه داااعـي

لاكنت فيك ومنك صرت وتكونت=وشلون بعدك مالوى لي ذرااعـي [/poem]

 

[عماد الهذلي]

هلا بحيب قلبي

ارحب يابن عادي منور

 

[طيب الفال]

واللي خقلني ماوحشني يكود أنت
ياللي علـى مسـراي مازلـت واعـي
مافـيـه لـيـلـه دون ذكـــرااك لاهـنــت
إن فيـه داعـي وإن مافيـه داااعــي
لاكنت فيك ومنك صرت وتكونت
وشلـون بعـدك مالـوى لـي ذرااعــي

صح لسانك

ما شاءالله تبارك الله

يالله بحق هذي الليله الفضيله لا تحرمنا من ولد عمنا عماد وتجعله ذخر لنا ولهذيل كافه

 

[أمجاد]

[motr1]حياكم متواجدينا الكرام[/motr1]

 

[عماد الهذلي]

(يا مممـة)

ليا كنت بعيونك

صغير

مصيري أكبر!

وترمقني.. المقامات!

ويجوز تفتخرين

بي يا (ممممـة)!!

وينصفني الزمان

إليا كبرت.... وصرت رايات

فعيون البشر

ومجابهي،،،،مات

توقعي ..يا مممه

أكون...أول سفير

أستيسر الذات!

وتيمم، رقي... وأحيا الجمادات!!!!

وأبطلبك..يامـه...

طلب

تكفين ..لاشفتي

صغيرك،،،

صار،،،،بـــركـات

وأمطــر...حنينه

وأنبت... جهــات

تكفين ..يا مممــة

شمري،،

عن ساعدك

ولميني،،أبيــات

 

[عمر العميري]

هلا بك زود ياعماد ..... بشرنا عنك يالغلا


صباح الخير ياطيب الفال

 

[ابوفهد الياسي]

كيف توصف المطر وتنقل علومه
هذا موضوع يتكلم عن كيف تنقل علوم المطر
والخير بذرابه وبوصف يكون دقيق وفي محله
ومن اكثر الاشياء اللي ينتقدهـ الشيبان في شباب ذا الايام
هو جهلهم في بعض الاوصاف والمصطلحات اللي تستخدم
في الوصف في بعض الاحيان ومامنه فكه
ومنها كيف ننقل علوم المطر والخير خاصه إذا جيتهم
من ديره بعيده او رحت عساس او كشتات
راح تواجه السؤال التالي ::
وش وقع الارض وش علومها وش علوم المطر
أرب الارض ممطوره خاصه اذا كانو يتحرون الخير
وهنا لازم تكون ملم في بعض الاوصاف والمصطلحات اللي
تعتبر مقياس لانك مو معقوله تقوله واجد او شوي لان الواجد
والشوي وصف عام ولا يشفي قلب النشاد وخاصه اذا اللي
يسأل شايب تلقاه يا بيصد عنك
والا يمكن يقولك منتاب من اهل العلم ومراحك زي مجيك
وباذكرلكم بعض المصطلات للوصاف بترتيب في مايخص المطر
ــ اول مصطلح هو " مابل الدمن " وتتبعها بقول من هالاقوال
ماعند الله بزهيد او الله يجيب الخير
والمصطلح هذا يرمز الى ان المطر كان قليل
لدرجة انه الله يكرمكم ما بل الدمنه
وينقال بهذه الطريقه
والله مامن مطر يذكر رشه مابلت حتى الدمن وماعند الله بزهيد
والله يجيب الخير ويرزق المسلمين
ــ المصطلح الثاني " دم الارض " وتتبعها بقول من هالاقوال
ماعند الله بزهيد او الله يجيب الخير
والمقصود منه انه بل الارض حتى تساوى لونها
وصار شيفة الارض دل انها مبلوله
وينقال بهذه الطريقه
والله مامن مطر يذكر رشه دمت الارض وماعند الله بزهيد
والله يجيب الخير ويرزق المسلمين
ــ المصطلح الثالث هو : " شد الوطي " وتتبعها بقول من هالاقوال
ماعند الله بزهيد او الله يجيب الخير
وشد الوطي هو انه الارض مايظهر بياضها اذا وطيت
سواء كانت وطيت ادمي او مطيه او غيره ولو حفرتها
بتلقى ان الماء يكون ماتعدى نص كف هذا يقال شد الوطي
اما اذا تعدى له وصف ثاني
وينقال بهذه الطريقه
اللهم لك الحمد جتنا رشة طيبه ولحقت شد الوطي
وان طرح الله فيها البركه وجاها رجع وولي طيب
بتحل بركتها
مقايس الحفر وهي للارض الدماث الرمليه اما الصخريه
لها مصطلحات ثانيه
بعد هذه المصطلحات يجي مقياس الحفر
والواحد ان كانه داري انه بيوجه احد من الشيبان
لازم يتجهز له بالعلوم اللي تسره ولازم تحفر وتشوف الحفر
واذا زاد عن نص الكف او لحق الكف يذكره لهم
وينقال بهذه الطريقه
جانا مطر زين وحفره لحق الكف او دونه شوي
واذا امكن يعلمهم بحدود المطر وهم بيقولون حدوده وين وش دياره
وهنا يا انك تقول كذا وكذا والا تقول والله ماعلمنا بحدوده
ولا واجهنا المخبر ويخلص نفسه
وبعدين الحفر اللي اكثر من الكف هو ملتحم الذراع
وهو الرسغ في المنطقه اللي يغيب فيها العظم
وينقال جانا مطر طيب وحفره ملتحم ذراع دونه او زود شوي
والله يجيب الولي وترجع الارض
وعقبه حفر الى الكوع
وينقال كذا
المطر معاد عنه منشود جانا مطر طيب وحفره حول الكوع
والله يطرح فيه البركه ويرجع الارض
وجملة ماعاد عنه منشود هي كنايه ان الخير جا
ولاعاد تنشدون عن حفر ولا غيره
في الامطار اللي بتجي عقبه لان الارض بتنبت
ولاهيب محتاجه الا اللي يقوي عود النبت
وهذا اقل شي يكفيه وكل قطره بها حيا
الحفر اللي ازود من الكوع مبالغه ولا له داعي
وضياعه من راعيه
شايب يوم سمع ولده يقول يبه الحفر مترين

وهنا وصف السيل في الارض الرمليه
سالت وانقعت الارض والمقصود هنا ماهي مواطي الارض
لا تخربطون بينهم المقصود الارض المستويه
تكون فيها نقع يعني حار الماء والارض روت
وانتبه لهذه الملاحظه المهمه
ترى اللي بيطالع المواطي والا النقع اللي حول الزفلت
بيكون علمه ماهو دقيق لإن الما يتجمع حول الزفلت
لو ينزل ادنا الدون
ويقال في الوصف له وقياسه سيل اظهر روبة الارض
( من جريان الماء في الارص وفي روس الصياهد
يطلع الرمل الناعم الابيض ويقلب الارض )
ويقال في اقوى درجاته فتق الجحور وشق روس الصياهد
انه من قوتها هدم الجحور وسو مجاري ماء في المنحدرت
من روس الصياهد
اما الارض العزاز والصخريه يقال حار الما وزاعته الارض
وامتلت الخباري وسالت الشعبان
ومن صعب وصف الارض الصخريه لانه صعب الحفر
بس عين الخبير تعرف توصف لانها تغر الواحد
والسلام عليكم ورحمة الله وبركاته
مع تحيات الخبير هههههههههههه

 

[عماد الهذلي]

صح لسانك

ما شاءالله تبارك الله

يالله بحق هذي الليله الفضيله لا تحرمنا من ولد عمنا عماد وتجعله ذخر لنا ولهذيل كافه

صح بدنك ، ياطيب الفال..

يرحم من عقبك، يابن العم، ولايحرمني من شرواك، تسلم ياطيب الفال.

والله منورنا

 

[أمجاد]

انسجام\
تعال متى ما هبت الريح يمي تعالي
أنا لك لحالي ..
وأنا للوصال .
تعالي متى ما ضاق صدرك تعالي ..
وأنا لك ليالي ومساحة خيال .
ألا يا حبيبة هذاك، وهذيك ، وهذول ، وأنا.
تعالي هنيا ..تعالي هنا.
وعلى أي حال ..
إذا غابت الشمس قولي تعال .


رحلت لبعيد رحلت لبعيد .. لبعيد .. لبعيد .
ومعي القلب شد الرحال ..
من أمسى القريب ، إرتحال .. إرتحال ..
أهيجن وأغني، وأجر الربابة ..
أجلي لسحابه وأهلي بسحابه ..
وأغيب بطريقٍ عميقٍ سِحيق
وأضيع بضباب السهر والكتابة
وأحث الخطا لا يطول البطا
وأشوفك ذنوب عظيمة وخطا ..
وعلى أي حال ..
أنا بشر لا أدعيه الكمال .

اريحيــ الشاديـــــــ ـــــات

 

[أمجاد]

كيف توصف المطر وتنقل علومه
هذا موضوع يتكلم عن كيف تنقل علوم المطر
والخير بذرابه وبوصف يكون دقيق وفي محله
ومن اكثر الاشياء اللي ينتقدهـ الشيبان في شباب ذا الايام
هو جهلهم في بعض الاوصاف والمصطلحات اللي تستخدم
في الوصف في بعض الاحيان ومامنه فكه
ومنها كيف ننقل علوم المطر والخير خاصه إذا جيتهم
من ديره بعيده او رحت عساس او كشتات
راح تواجه السؤال التالي ::
وش وقع الارض وش علومها وش علوم المطر
أرب الارض ممطوره خاصه اذا كانو يتحرون الخير
وهنا لازم تكون ملم في بعض الاوصاف والمصطلحات اللي
تعتبر مقياس لانك مو معقوله تقوله واجد او شوي لان الواجد
والشوي وصف عام ولا يشفي قلب النشاد وخاصه اذا اللي
يسأل شايب تلقاه يا بيصد عنك
والا يمكن يقولك منتاب من اهل العلم ومراحك زي مجيك
وباذكرلكم بعض المصطلات للوصاف بترتيب في مايخص المطر
ــ اول مصطلح هو " مابل الدمن " وتتبعها بقول من هالاقوال
ماعند الله بزهيد او الله يجيب الخير
والمصطلح هذا يرمز الى ان المطر كان قليل
لدرجة انه الله يكرمكم ما بل الدمنه
وينقال بهذه الطريقه
والله مامن مطر يذكر رشه مابلت حتى الدمن وماعند الله بزهيد
والله يجيب الخير ويرزق المسلمين
ــ المصطلح الثاني " دم الارض " وتتبعها بقول من هالاقوال
ماعند الله بزهيد او الله يجيب الخير
والمقصود منه انه بل الارض حتى تساوى لونها
وصار شيفة الارض دل انها مبلوله
وينقال بهذه الطريقه
والله مامن مطر يذكر رشه دمت الارض وماعند الله بزهيد
والله يجيب الخير ويرزق المسلمين
ــ المصطلح الثالث هو : " شد الوطي " وتتبعها بقول من هالاقوال
ماعند الله بزهيد او الله يجيب الخير
وشد الوطي هو انه الارض مايظهر بياضها اذا وطيت
سواء كانت وطيت ادمي او مطيه او غيره ولو حفرتها
بتلقى ان الماء يكون ماتعدى نص كف هذا يقال شد الوطي
اما اذا تعدى له وصف ثاني
وينقال بهذه الطريقه
اللهم لك الحمد جتنا رشة طيبه ولحقت شد الوطي
وان طرح الله فيها البركه وجاها رجع وولي طيب
بتحل بركتها
مقايس الحفر وهي للارض الدماث الرمليه اما الصخريه
لها مصطلحات ثانيه
بعد هذه المصطلحات يجي مقياس الحفر
والواحد ان كانه داري انه بيوجه احد من الشيبان
لازم يتجهز له بالعلوم اللي تسره ولازم تحفر وتشوف الحفر
واذا زاد عن نص الكف او لحق الكف يذكره لهم
وينقال بهذه الطريقه
جانا مطر زين وحفره لحق الكف او دونه شوي
واذا امكن يعلمهم بحدود المطر وهم بيقولون حدوده وين وش دياره
وهنا يا انك تقول كذا وكذا والا تقول والله ماعلمنا بحدوده
ولا واجهنا المخبر ويخلص نفسه
وبعدين الحفر اللي اكثر من الكف هو ملتحم الذراع
وهو الرسغ في المنطقه اللي يغيب فيها العظم
وينقال جانا مطر طيب وحفره ملتحم ذراع دونه او زود شوي
والله يجيب الولي وترجع الارض
وعقبه حفر الى الكوع
وينقال كذا
المطر معاد عنه منشود جانا مطر طيب وحفره حول الكوع
والله يطرح فيه البركه ويرجع الارض
وجملة ماعاد عنه منشود هي كنايه ان الخير جا
ولاعاد تنشدون عن حفر ولا غيره
في الامطار اللي بتجي عقبه لان الارض بتنبت
ولاهيب محتاجه الا اللي يقوي عود النبت
وهذا اقل شي يكفيه وكل قطره بها حيا
الحفر اللي ازود من الكوع مبالغه ولا له داعي
وضياعه من راعيه
شايب يوم سمع ولده يقول يبه الحفر مترين

وهنا وصف السيل في الارض الرمليه
سالت وانقعت الارض والمقصود هنا ماهي مواطي الارض
لا تخربطون بينهم المقصود الارض المستويه
تكون فيها نقع يعني حار الماء والارض روت
وانتبه لهذه الملاحظه المهمه
ترى اللي بيطالع المواطي والا النقع اللي حول الزفلت
بيكون علمه ماهو دقيق لإن الما يتجمع حول الزفلت
لو ينزل ادنا الدون
ويقال في الوصف له وقياسه سيل اظهر روبة الارض
( من جريان الماء في الارص وفي روس الصياهد
يطلع الرمل الناعم الابيض ويقلب الارض )
ويقال في اقوى درجاته فتق الجحور وشق روس الصياهد
انه من قوتها هدم الجحور وسو مجاري ماء في المنحدرت
من روس الصياهد
اما الارض العزاز والصخريه يقال حار الما وزاعته الارض
وامتلت الخباري وسالت الشعبان
ومن صعب وصف الارض الصخريه لانه صعب الحفر
بس عين الخبير تعرف توصف لانها تغر الواحد
والسلام عليكم ورحمة الله وبركاته
مع تحيات الخبير هههههههههههه

عوافي يابوفهد عــساك على القوه...
تسلم يمينك ....

 

[عماد الهذلي]

تنشد عن الحال يابن عادي،،أها اسمع:



[poem=font=",6,darkred,normal,normal" bkcolor="transparent" bkimage="http://www.hothle.com/vb/mwaextraedit2/backgrounds/7.gif" border="none,4," type=1 line=0 align=center use=ex num="0,black""]
ياعميّ..أنا ضايع..وفي غربة..ومبسوط...الحزن=الحمدلله..ماعلي لحاف،،،وأحوالي...سقــام
طمن ..جميع أهلي...وأصحابي... وريضان الوطن=وكل من يسأل ..أنا ..من رحت ...صاحي..ما أنام
أصحابي الوحدة..وغربة..روح...وسكوتي ثمن=ولباسي..الحسرة..وزادي...من فتافيت الحطام
أسهر ..ويغلبني.التعب..(أنام)....يسبقني الزمن=أسكت ..ويحرجني السكوت..(أقول)...يفضحني الكلام[/poem]

مبسوط الحزن=مبسوط الحال
ماعلي لحاف= ماعلي خلاف
أحوالي سقام=أحوالي تمام

وهكذا....ههههههههههههههه