فكرة برج المليون رد .............!!!

[الهنوف الهذيل]

ياما حلا عقب العصر شبة النار
في مجلس كل النشاما يجونه
يلفونة اكبار ويلفونه إصغار
من طيب من هو فيه ويقدرونه
في بيت ماحطوله أبواب واسوار
ذراه من صوف الغنم ينسجونه
وفية الدلال الصفر والعود يندار
والشاي في بريق حمر يشربونة
والطرش حوله على يمين ويسار
راتع ولا يبغي هله يتبعونه
والخلف عنده كثيرات وادرار
واللي يبي من درهن يطعمونه
والجو غايم والسما كلها امطار
والبرق يبرق والرعد يسمعونه
والصيد واجد والحباري لها اذكار
والفقع نابت والبدو يلقطونه
واليا اصبحو فطورهم خبز مجمار
مفروك من سمن الغنم يفركونه
هاذي طراة الروح لاصرت محتار
أخير من بيت هله يزلجونه



منقولللللل

 

[فارس الصحـراء]

قصيده لي ..


قبل اكثر من ست سنوات ..



بعنوان .. اول قصيده فيك ..



كان الجو بداية البرد ..


وفي اجواء الرياض .. اللي ماتخفاكم




[poem=font=",6,chocolate,bold,normal" bkcolor="white" bkimage="" border="none,4," type=2 line=1 align=center use=ex num="0,black""]


ياتل قلبي على لاماك ياخلّي = تلت ركاب الدياقا من ورى ثمره


يابو جديلٍ على السرجوف منهلّي = شي تحدر وراه وشي في شمره


شليل شقراً نهار الكون منشلّي = شقراء عقيد ٍ صليل جموعهم بمره


وهرجه يطش الزعل والغيض ويسلّي = وونس على قل هرجه فالحشاء خمره

وعصفور حبه ثعى فالقلب ومفلّي = ناقر فوادي مثل ما ينقر التمره

وياعين حر ٍ بحوز الرجم متعلّي = عليه كبد المحاوف كنها الجمره

من بعد حذف الزريق وحوفته ملّي = واستلحقه يوم شافه هاز بالكمره

واقفى على الجيب صدره ضيق ومغلّي = وتونس وحيفه على الدعسات والنمره[/poem]



وابوك يالدنيا ..

 

[فارس الصحـراء]

ابوفهد .. جار الغلا


لاهنت على هذه الحكم الرائده ..




ابومعتوق .. عماد الشعر


ابيات فرائد



الهنوف ..


اختيار بدوي رائع

 

[الهنوف الهذيل]

ياتـل قلبـي علـى لامـاك ياخلّـي​

​

​

تلت ركاب الدياقـا مـن ورى ثمـره​

​

​

يابو جديلٍ على السرجـوف منهلّـي​

​

​

شي تحدر وراه وشـي فـي شمـره​

​

​

شليل شقـراً نهـار الكـون منشلّـي​

​

​

شقراء عقيد ٍ صليل جموعهم بمـره​

​

​

وهرجه يطش الزعل والغيض ويسلّي​

​

​

وونس على قل هرجه فالحشاء خمره​

​

​

وعصفور حبه ثعى فالقلـب ومفلّـي​

​

​

ناقر فوادي مثـل مـا ينقـر التمـره​

​

​

الله يسلم فكرك صح لسانك قصيده رائعه ..... ما شاء الله ....

 

[ابوفهد الياسي]

الفرق بين الصديق والحبيب
هل يمكن أن يكون الحبيب صديقاً ؟
والصديق حبيباً ؟
الجواب هو نعم
لكن الحب والصداقة يختلفان
وإليكم التفصيل
الصداقة لاتنتهي
فصديق اليوم قد يبقى صديق الغد
أما الحب فإنه عندما يرحل
لا يعود صحيح لا يعود
والذي نحبه مرة ثم ننساه لا نحبه مرة أخرى
هكذا هي الصداقة شجرة صلبة
تمر بجميع الفصول وتبقى صامدة
طالما هناك من يرويها
وهكذا هو الحب وردة محاطة بالأشواك
وردة لاتشرب إلا من الكأسين معاً
والصداقة يمكن أن تصبح حباً بل هي غالباً ما تبدأ كذلك
لكن الحب لا يمكن أن يتحول إلى صداقة
ولا يمكن أن يصبح الحبيب مجرد صديق
ومن نحبه ! نريده لنا وحدنا
أما الصديق فهو للجميع
الصداقة درجات تبدأ من القاعدة وتنتهي عند القمة
تبدأ من الرقم ( 1 ) وتنتهي حيث اللانهاية
فقد تجد صديقاً مقرباً وآخر أقل قرباً وثالثاً بالكاد تذكره
والقريب اليوم قد يصبح بعيداً في الغد أو العكس
هذه الفرضيات لاتوجد في معادلة الحب
فالحب لا يتجزأ ولادرجات فيه
هو درجة واحدة فقط
ولايقبل التحليق إلا عالياً
أو يرفض الإبحار
ولا يمكن أن تحب إنساناً ثم يقل حبك له
فالحب لايقبل أنصاف الحلول
إما أن يكون قوياًً
أو ينتهي إلى الأبد
ولكن أيهما أفضل الصديق ام الحبيب ؟

 

[عماد الهذلي]

[poem=font=",6,darkblue,normal,normal" bkcolor="transparent" bkimage="http://www.hothle.com/vb/mwaextraedit2/backgrounds/2.gif" border="none,4," type=1 line=0 align=center use=ex num="0,black""]
مانـي مهونـهـا ،،أبتـعـد لاهـنـت هــاذي ماتـهـون=ياكـم سهـرت الليـل فـي رجــوى محبتـهـا قـريـر

وش فيك تنصحني ،، أنا ماني على الحال مغبون=ولا شكيت الضيق من صبري ولاخفـت المصيـر


عادي تصير ،،(أولى بتعذيبي وهجري الأقربون)=ممنون هذا الصد ...راضيبه (وشكرا ،،،للأخير)[/poem]

 

[الهنوف الهذيل]

[poem=font=",6,black,normal,normal" bkcolor="transparent" bkimage="http://www.hothle.com/vb/mwaextraedit2/backgrounds/5.gif" border="none,4," type=1 line=0 align=center use=ex num="0,black""]
غنى على أنغام كلماتك فؤادي الجريح=حتى تسامى صدى صوت المحبه نغم

أهواك هذي حقيقة عــامية \ فصيــح =ومن قبل يسأل عذولي !!قلت : أحبــه نعم[/poem]

صح لسانك يالعبيدي كلمات ما شاء الله ...

 

[الهنوف الهذيل]

لا ضاق صدري شلت صفر المعاميل ... ونزلت في راس ضلع منيفي

أجر صوتي في قصيد ومواويل ... واشب ضوي لو انا بعز صيفي

وأدنيت يمي عزبة البن والهيل ... وسويت لي كيفن على كيف كيفي

منقووووول

 

[الهنوف الهذيل]

يازين شب النار في جواً خـلاوي
مخضراً نبته عقب ماجف سيلـه
فوق شب النار انا قلبي شفـاوي
في فياضاً تبـري الكبـد العليلـه
زين صب الكيف والتمر الحساوي
وازنـاً بنـه ومسمـاره وهيلـه
للعلوم الطيبـه عنـدي طـراوي
مع نشاماً طبعهم كسـب الجميلـه
الرجال اللـي بعيديـن الهقـاوي
كاسبين الطيب والنظـره طويلـه
ذي منايه يوم كـلاً لـه منـاوي
لـو كـلاً ماكسـب مـا يمتنيلـه
الرياض بزحمته سبـب غثـاوي
ودي اشرح خاطري يوماً وليلـه
ماحلا رمـي العمايـم والغنـاوي
والسواليـف الثمينـات الجزيلـه
السوالف عن شليويح العطـاوي
والرجال اللـي مواقفهـا ثقيلـه
يوم زيل الستر عن مبسم مضاوي
وعتلاج الخيل وسيوفـاً صقيلـه
في نهاراً فيـه ياكثـر العـزاوي
ماقفاً يصعب على الناس الذليلـه
خير لي من مجمعاً للشين حـاوي
مجمعاً مافيه قيمـه ليـش أجيلـه
مجمعاً مايجمـع الا كـل غـاوي
مايجيب لصاحبه غيـر الفشيلـه
والله اني عنه من طبعي غنـاوي
والكلام اخير مـن كثـره قليلـه


منقووول

 

[عمر العميري]

السلام عليكم ورحمة الله وبركاته


اعضاء برج المليون المبجلين


صباح الخير واسعد الله اوقاتكم

 

[فارس الصحـراء]

من فرائد ..


الشاعر الكبير / عبدالمعين بن ثعلي الروقي .. رحمه الله




مرسلها ..


لبن شبلان !!


من العضيان من الروقه من ربعه ..





[poem=font=",6,burlywood,normal,normal" bkcolor="black" bkimage="" border="none,4," type=2 line=1 align=center use=ex num="0,black""]
راكب اللي في مسيـره مايبالـي=مع صلاة الفجر صبح مزهبينـه
ما عليه الا السداد مـن الرجالـي=مذرب خالـه وابـوه مجودينـه
يـوم دنـي للسفـر والارتحالـي=دق سلفه واشتغل سيـر المكينـه
سارح من بطـن جـده للشمالـي=ريحه بالقيـر وادعـس بانزينـه
وان عطا الحزم الجلـد ياهملالـي=كن زلزال الرعـد رنـة حنينـه
كن ضربه ضرب ندرا في الخيالي=حولت باردافهـا مقـدم غشينـه
وان وصلتوا مفرق الدرب الموالي=مفـرق مابيـن ينبـع والمدينـه
هس معه ايسارمن دون الجبالـي=السهل في ايسرك والحره يمينـه
مر ابن شبـلان قـدام الزوالـي=مر بيت مدلـه العيـن الحزينـه
بيت من عنده يريضون العجالـي=باذل دنياه عـن عرضـه ودينـه
ثم روح منـه يـوم الفـي مالـي=والعصير بسوق ينبـع موقفينـه
عند اخو وضحى فهد شيخ العيالي=يارضـي الوالـديـن بوالديـنـه
يوم مالي مال وهوه راس مالـي=جاعل لـي كـل ماتملـك يدينـه
رحت انا واياك في جيم وسوالـي=كـل يـوم والكتـاب مزرفينـه
الركايب غاليـه والسـوق غالـي=قرر التسعير وانتـم خابرينـه
لاتجود في الرموث من الحبالـي=ما يقطعك البحـر غيـر السفينـه
[/poem]



للرحام ياعبدالمعين

 

[ابوفهد الياسي]

أنا خنتك نعم خنتك وسريت فشارع مهجور
أضم الليل واثر الليل خطاي وكل زلاتي
أنا كنت الجفا كله انا قلبي ملاه غرور
تخيلت الجفا فرحي تخيلتك معاناتي
ولكن دارت الدنيا انا ادري ان الزمان يدور
لقيت اني انا لحالي وحيد اجمع شتاتي
حقيقه للعما يوم بيشرق في ظلامه نور
لقيت النور في عينك ينادي تيه خطواتي
أجيك وتنده عيونك حبيبي والخطا معذور
تدورلي عذر لو هي تهل الدمع بسكاتي
عطيتيني حنان وعطف وعطيتيني وفا وشعور
عطيتيني أمل وإحساس يرجع كل مافاتي
اجيك بصفحة بيضا بها لجلك بقايا سطور
تقول إني أنا المخطي تقول إن الغدر ماتي
تحبك لهفة عيوني يحبك خافق مكسور
أحبك آخر علومي أحبك يابداياتي

للامير فهد بن خالد بن عبد الله

 

[الهنوف الهذيل]

الفرق بين الصديق والحبيب
هل يمكن أن يكون الحبيب صديقاً ؟
والصديق حبيباً ؟
الجواب هو نعم
لكن الحب والصداقة يختلفان
وإليكم التفصيل
الصداقة لاتنتهي
فصديق اليوم قد يبقى صديق الغد
أما الحب فإنه عندما يرحل
لا يعود صحيح لا يعود
والذي نحبه مرة ثم ننساه لا نحبه مرة أخرى
هكذا هي الصداقة شجرة صلبة
تمر بجميع الفصول وتبقى صامدة
طالما هناك من يرويها
وهكذا هو الحب وردة محاطة بالأشواك
وردة لاتشرب إلا من الكأسين معاً
والصداقة يمكن أن تصبح حباً بل هي غالباً ما تبدأ كذلك
لكن الحب لا يمكن أن يتحول إلى صداقة
ولا يمكن أن يصبح الحبيب مجرد صديق
ومن نحبه ! نريده لنا وحدنا
أما الصديق فهو للجميع
الصداقة درجات تبدأ من القاعدة وتنتهي عند القمة
تبدأ من الرقم ( 1 ) وتنتهي حيث اللانهاية
فقد تجد صديقاً مقرباً وآخر أقل قرباً وثالثاً بالكاد تذكره
والقريب اليوم قد يصبح بعيداً في الغد أو العكس
هذه الفرضيات لاتوجد في معادلة الحب
فالحب لا يتجزأ ولادرجات فيه
هو درجة واحدة فقط
ولايقبل التحليق إلا عالياً
أو يرفض الإبحار
ولا يمكن أن تحب إنساناً ثم يقل حبك له
فالحب لايقبل أنصاف الحلول
إما أن يكون قوياًً
أو ينتهي إلى الأبد
ولكن أيهما أفضل الصديق ام الحبيب ؟

ابو فهد سلم قلبك .... لكن اذا الصديقه تطلع انانية وتحب نفسها ...وتخاف على نفسها .... والله هذي ما تستحق حتى نعطيها وقتنا ... لانها جبانه ....وأنانية ...!!!!!

والصداقة التي نفتقدها .... هي التضحية ... والمروءة .... من الجانب الاخر ... واذا الصداقة ما اتسمت بالعطاء والفداء وحب الاخرين ....لا تعد صداقه ....

والله ذكرتني يابو فهد بغير الاوفياء من الصديقات ....

 

[عمر العميري]

اعلان /////ابن عادي وينه له يومين مهو مبين يالربع اللي يشوفه يقوله مطلوب في مطبخ المنتدى ...

مهجود هنا هوه

عساك












بالعافيه ....:54:



اجل فيه مقلقل ....:clap:oster_av1:

 

[فارس الصحـراء]

يامرحبا يابن عاااادي ..


يالله حيه ..



اقلط جاي يابعدي ..


لاهنت على الاختيار الجميل يابوفهد ..



والابيات الرائع ياعماد .. صح السانك




ولاهنت على الابيات الساحره فالبر



يالهنوف ..

 

[عماد الهذلي]

حيالله بن عادي ارحب...ومسا النور

ابو دخيل الله،، والله أن مسامرتك لاتمل،، صح لسانك،،، شاعر متجدد، كلامك قبل ست سنوات، يتمنون شعار لهم عشرات السنين فالساحة الان يكتبون مثله.

ابو فهد الياسي،،، حكيمنا وصاحب البرج

الهنوف...

اشوفكم على خير،،، النوم غلبني،،

تحية طيبة

 

[الهنوف الهذيل]

السلام عليكم ورحمة الله وبركاته


اعضاء برج المليون المبجلين


صباح الخير واسعد الله اوقاتكم

حيالله بن عادي وينك لك يومين من المطلوبين في مطبخ المنتدى ما عليك أمر بالله شقر على المطبخ .........



نوم العوافي اخوي عماد على خير ان شاء الله ...

 

[الهنوف الهذيل]

أقول اللي يبي القمرة
وهو في حبها مولع
أما هيا تنزلة
ولا هو لها يطلع
الا يامللم جروحك
ومعزم لها تطلع
أخاف يطول عليك الدرب
ومن نص الطريق ترجع
واللي هو مو قد الشوق
لا يعشق و لا يهوى
لا يكابر و يقول أقدر
مدام قليبه ما يقوى
لا تحسب ليالي الحب
كل ساعة بها حلوة
ولا ضنيت كل واحد
ترى يستاهل العنوة
مالك إلا هذا الحل
اي حل غيره ماينفع
أما أنك تهـون
ولا تروح لها وتخضع

منقوله ..

الشاعر / مبارك الحديبي ​

 

[عمر العميري]

فارس الصحراء

عماد الهذلي .......... هلا بكم زود



ابو فهد الياسي ازيك امال رحت فين

الهنوف المطبخ المطبخ ماني خابر فالمنتدى مطبخ هههههههه

 

[ابوفهد الياسي]

والله ذكرتني يابو فهد بغير الاوفياء من الصديقات ....

والصداقة التي نفتقدها .... هي التضحية ... والمروءة .... من الجانب الاخر ... واذا الصداقة ما اتسمت بالعطاء والفداء وحب الاخرين ....لا تعد صداقه ....

أختي الهنوف
من يعرف معنى الصداقه لابد أن يحمل هذه الصفات
ولا لن يستحق أن يطلق عليه صفة الصديق