فكرة برج المليون رد .............!!!

[شباب]

ما اخون من هو سكن في الروح

والقلب دايم على طاريه

ياجار مامنكم مصلوح

اللي يدانيك ماتدانيه

 

[شباب]

غابت وروحي تباريها

وتدوّر اذكى وارق انسان

مير الغلط مايجي فيها

يحميها رب البشر والجان

 

[شباب]

شبابنا رافع سيوفه

شبابنا يصلح الاجيال

ياهذيل كلا ً له ظروفه

والمفتري مايسر البال

 

[شباب]

دقيت في لحظة مازانت

ليش الشكك جاك فدروبك

القوم فارزاقها عانت

لكن قد جاك مكتوبك

 

[انصاف قلم]

السلام عليكم ياهذيل
يسعد صباحكم بالخير

 

[شباب]

السلام عليكم ياهذيل
يسعد صباحكم بالخير

عليكم السلام ورحمة الله وبركاته

الله يسلمك يالمشرفة انصاف قلم ولكل هذيل اجمل التحايا

 

[شباب]

وين حماس الله يعلم بمقداره في غيابه وحضوره

 

[شباب]

سلام وان غبتم ورحتم

والله ربي ماجرحتم

لكن ياقوم الشباتي

والعاجنات الطاحناتي

توكلوا لو لو سمحتم

انتم في دنياكم سرحتم

فيكم عمى لا مالمحتم

واحنا نسيّر بالثقاتي

بارودنا فوق الطغاتي

نوماسنا وانتم مدحتم

 

[شباب]

ياصاحبي لاتروي اليوم قصة

الك مع الغالين لاشك حصة

مير الورق نخبصه لاجات رصة

يالله على بابك يافتاح الابواب

 

[شباب]

على شونك تعكّز ياسليمان ابن داود

سنينك عشتها مابين ميل ٍ وانقلابي






بالله ياجار الله ماذا تقصد سامحك الله

 

[شباب]

عمري قضيته مع الاحزان

والله يعلم باحوالي

مايربح اللي مع الغلطان

لكن انته ليه الغالي

 

[شباب]

سلام من سيف الجزيرة

اللي وصل في كل ديرة

ويقيّم اللي اعوّج دايم

وابليس يقفي بالهزايم

ويجر ّ من خلفه قطيرة


ياللي درستم في الحصيرة

في الصبح والا في الظهيرة

لاتحسبون الذيب نايم

ولاترجعنا البهايم

اللي خواطرها كسيرة

 

[شباب]

محد يصدق ماكتبته

والوجه الاقشر ماطلبته

ابى ارتفع عن اي طماني

مادام للدنيا ضماني

والطاغي الاعور شطبته


الدهر الازرق ماحسبته

والخط والله مانكبته

لاتحترق بين المعاني

ياشيخ هذا العمر فاني

واللي سواتك مانسبته

 

[شباب]

يامرحبا يازارع الشرايح

البرق من فوق الاوادم لايح

وانته مجمّل بالفعول الزينة


لكن ّ وسط بلادنا كم سايح

ولاقبلنا اللي يسب النايح

والمسلم اللي فاز له تمكينه

 

[شباب]

اخبث مافالارض العنا والفشرة

لابارك الله فالوجيه القشرة

اللي تدّور كل علم ً داني


جوي صفا وانتم بهاك النشرة

لكن على الرجال دايم نشره

يالله تعصمني ولا تبلاني

 

[شباب]

مااروح من يوم الدروب الشينة

ام اربعة والاربعين وعينه

تطرح لك الصاروخ من سماه


واللي يعلّم فالبلد تلقينه

ناقف معه والله دوم يعينه

والحرملة وّنت ومثلك تاه

 

[شباب]

سلام ياقوم الصنايع

لكن ّ اشوف الحظ ضايع

تبون زبدة من هجوسي

ياللي على دين المجوسي

صلبانكم لهل الشنايع


ياكم لنا من راس طايع

ولانفتش فالبضايع

رش الفلوس ولاتحوسي

ولانكبك الا النجوسي

اللي لها قدر الشرايع

 

[أبوريتال الياسي]

اللهم صل على نبينا محمد وعلى آل محمد كما صليت على ابراهيم وعلى آل ابراهيم إنك حميد مجيد

 

[انصاف قلم]

اللهم صل على نبينا محمد وعلى آل محمد كما صليت على ابراهيم وعلى آل ابراهيم إنك حميد مجيد

 

[انصاف قلم]

غريبه قصه الدمعه
وهي تغسل جفون العين
تريح جفن باكيها
وهي قمه احزانه