فكرة برج المليون رد .............!!!

[شباب]

الليلة المعنى على راس قمة

لكنك انته لا تجيب المطمه

مادام لي فاللعب قوة وهمة

والصبر زين وكل مطرود ملحوق


تعال ياللي تقول وكل ما اجي تغيب

الكذب في شاشة التلفاز ياصاحبي

احسبك سيفي واثر منت بقاوي وذيب

والدار دارك ولايغويكم الاجنبي




حنا ّ بدونك مانقص مننا شي

منته بمخرجنا من الدار والحي

ارجع تحت شجرتك تلقى بها في

والصبر زين وكل مطرود ملحوق


ان كان ناديتنا تلقى معاكم مجيب

لكن قلبي يصلي فوق وجه النبي

الله ينصر هل الاسلام يهل الصليب

ويثبّت ايماننا والشمس للمغربي

 

[شباب]

سلام مني يارجال القبيلة

يهل الوفا والفعل في كل ليلة

لكن والله مانمد القليلة

حكم عليك الامر والحكم لله

واللي نعَرْفه قبل تطلع له اشناب

ماهو كما ابو زيد والا كما ذياب

كنه يجيكم بالمعاني من كتاب

حكم عليك الامر والحكم لله

لكن لا مني نويته ياويله

مادام ماهو عارف ٍ وش دليله

رحتم وجيتم والمثايل بخيلة

حكم عليك الامر والحكم لله

كل الغنايم في صناديق الاجواد

(والدرب مايصعب على قاطع الماد)

هلموا للمجد القوي بين الاشهاد

حكم عليك الامر والحكم لله

لكن اشوف الجو بالحيل غايم

لكن يالهذلان لي حظ قايم

حنا هذيل ولاتجينا الهزايم

حكم عليك الامر والحكم لله

وانت تغيب ومالك الا حطبها

والسالفة ياليت تعرف سببها

يالحية ٍ مااظن تحمى شنبها

حكم عليك الامر والامر لله

روّح حماسك في السنين الاخيرة

لكن عسى فالامر خير ٍ وخيرة

مالك محل ولالكم اي سيرة

حكم عليك الامر والحكم لله

وانا نويت اجاهد اجرام طاغي

مادام هو بين المخاليق لاغي

وارفع عقالي ماتنزّل شماغي

حكم عليك الامر والحكم لله

يبى ينوح من القشر والحرابة

واحنا على عهد النبي والصحابة

فرسان والا السيف نعرف نصابه

حكم عليك الامر والامر لله

الله يجنبنا كلامه وقافه

ولاعلينا لو يزهّب رهافه

حنا وصلنا البحر نحكم ضفافه

حكم عليك الامر والامر لله

وختامها صلى الله وسلّم اليوم

على محمد صفوة الخلق والقوم

وشباب كنه صقر يوم اكثر الحوم

حكم عليك الامر والحكم لله

 

[شباب]

في كل لوحة تلاقون ايش

كود النظام اللي علقها

لاتقول تكفى ولاتقول ايش

جبالنا لاتسلقها

وان كنت ياصاحبي درويش

اصحك تجي في معلقها

اخطيت يوم القلص ياحبيش

والبنت من هو مطلّقها

 

[شباب]

الله على اللي نسى الماضي

وايامنا كيف عشناها

مادمت باحكامهم راضي

ابياتكم مانسيناها

واللي يجي مننا واضي

صلى وكم قرم صلاها

لكن ماهي على الفاضي

ياليت لك من هو يحماها

 

[شباب]

ابى اتصل وانشدك ياصاح

عن العرب كيف حالتها

وانت افتهمت ونجيب رماح

ان كان عبت مقالتها

الظاهر انك بلا مفتاح

لو اختصاصك دغالتها

قد باي يشفيكم الفتاح

ياشيوخ تبدي ب قالتها

 

[شباب]

ان كان والله خذيت الكاس

والله ماارضى لكم تمرير

ياللي ورا خطوة العساس

اركض برجلك بلا تغيير

 

[شباب]

يامرحبا ياللي لك فزيت

بس الالف ليش مكتوبة

الظاهر ان انت ماسميت

والقصة للبعض مرغوبة

 

[شباب]

الرجل يدري عن الميقاف

يوم الحرم ماتصلي به

ازهم على منظم الاوقاف

تشرف على الوضع وتجيبه

 

[شباب]

ليا شفت عرقوب انتهى مابدينا كل ريع

ياكود بسيوف وجالكم قدح من بارودها

هلا مرحبا ياللي تسمّع ولالك من صنيع

تشوش وتحمّى واللكازس تضد فرودها


انا داري ان الشعر غالي ولكنك لكيع

وكم حجة ٍ للشيخ واسمع لقوم شهودها

مسا الخير ياللي يوم اناديك في سد الوشيع

تبى تجرفك دنياك ماتعتنيك وفودها


يضيع الغبي واللي هجوسه قوية مايضيع

لكن انت فجبال الهدا لا تشيل قرودها

ولكن في الجنة تبى الحور يالقرم المطيع

ليا من صفا الصافي لفيناك وانت بزودها

 

[الهنوف الهذيل]

صباح الخير ياهذيل ,,,,,,,, وان شاء الله الكل بخير ......

تحياتي

 

[شباب]

اللي يبى يخدع ثقات العرب ماهو برجّال

لكن فارق عن وطنا يابو طير الغرابي

يامرحبا ترحيبة اللي يسر القلب والبال

هاجس ورثته من جدودي وبابك قدم بابي

اللي يبى الغالين لايستريح الا على الجال

واحنا سوية يوم سيفي يحكّم بالكتابي

والقصر عامر وانت ياصاحبي تدري عن الحال

واللي مع الرحمن محسن يبى فهم الخطابي

لاتفترض حاجات وانت دريت بكل منوال

وان غبت غاب الشعر وحسام يمشي بالصوابي

 

[شباب]

قوم القصور البانية ماهم كما قوم العشاش

واللي لعب في حسبة المقفين صاهود اجنبي

وانت بتمريرة وبعض الحكي مافيه انخراش

وانا كان كثر الصيد قلنا ياصلاتي عالنبي

تبدي بعلم ولانت داري بالظمايا والعطاش

واليا سرى ليل المغني لايجي فابو ظبي

 

[شباب]

يامرحبا وافزع وحوم

وارقى على كل الرجوم

مادام مثلك له محله

والله ماننسى القسوم


لاياعلي حظي يقوم

واسمع سواليف و علوم

مادام للانسان ملة

مالك وشيطان الهموم

 

[شباب]

سلام يالحصن الزبينا

قاسي ولا عمره يلينا

واحنا لنا الجنب المتينا

نقضي على اللي جا وطامع

ربعي لها مرسى ومينا

نخرجك يالكيد الدفينا

والله نبقى ماعلينا

لو تخلص اوراق المطابع

 

[شباب]

انت تبى الجنة والا النار

والا تبى دروب معمية

ان كان بتوظف الافكار

لاتتبع اشياء ملوية

ارجع الى الخالق القهار

اللي يبى يغفر السية

وختامها مانبى المكار

اللي باساليب وحشية

 

[شباب]

صباح الخير ياهذيل ,,,,,,,, وان شاء الله الكل بخير ......

تحياتي

الله يحييك وابشرك الكل بعافية وصحة من الرحمن عز وجل سبحانه وتعالى

 

[شباب]

المعاني تجينا كل يوم ٍ وليلة

مير حنا مانبغاها يدين ٍ بخيلة

والمعارك لها رجّال قد سج خيله

والمثل قال ماللحملة الا جملها

والسوالف تجي من عصر والبال طايب

مير شكلك تباها مع دروب العطايب

انتبه لي وانا للحين للبعض نايب

والمثل قال ماللحملة الا جملها

وانت غبت ويقولون انك انت بسفرها

طول الله عمرك لاتجي في شفرها

قدمك النار حية لاتقرب شررها

والمثل قال ماللحملة الا جملها

اذكر اللي مضى يوم اننا فوق قمة

انت تمضي بهمة وانا بمشي بهمة

مير جاكم حسام اللي على الشعر عمه

والمثل قال ماللحملة الا جملها

وان لغيتم مانحسب كود ماقد لغيتم

ابتديتم معانا مير لا ماانتهيتم

يوم هاذاك سوّى قول لي وش جنيتم

والمثل قال ماللحملة الا جملها

 

[شباب]

ايلا فقدتم قط ياقوم الفعل وسط الطريق

واجب رثا هر ٍ قصدته بالخصوصية يبو

وانا ليا واجهت شاعر جاه ردي ياصديق

وانا تذّكرت القصايد مير خلق الله نسو

 

[شباب]

سلام الله على قرم الشفا والطيب ابو محمود

عساه اليوم في ظهور المطايا يحكم خطامه

تحدّاني من اول مير ياطارد ويا مطرود

وانا وش لي وبعض قلوب بين القوم لوّامة

ولا امشي بالخطا واقدح ببندقنا وبالبارود

وحنا ّ هذيل زعّامة ليا جانا بزعّامة

واشوفه صار متمكّن فقلبي والبرا مردود

وانا احَشْمه مع الغالين رغم الظلم ونظامه

تنظّف يازمان2000 دام العالمين شهود

لأن قبور من يخسى عليها خط مرسامه

وهذاك البلد يُنسف وهذاك البلد موجود

وانا مااصّدق الخدعة ليا جتنا من اوهامه

لو يصوم الدهر يتعب ويخسر وابذل المجهود

على من هو يحاربكم يقاتلكم مع اخصامه

نهايتها قم توّكل وباب الشر ذا مسدود

لكن انته فقصور الطيب دام الثوب له خامة

 

[شباب]

لامرحبا ماهي على فِكْر ابْها

مالك خيَاطاتك على فِكْر ابها

خلك مصحصح يافلان الساحر

اللي تجاور بيتك الفِكْر ابها



دام المسمّى ينحشر باحْرُبها

والدولة الحرّابة ماتحْرُبها

انته بقول عريج شاعر ناحر

وجو ْ ملاعينك يجي حَرْ ابْها