فكرة برج المليون رد .............!!!

[الشايب]

السلام عليكم ورحمة الله وبركاته


وين راعي البرج وحشني ابو فهد

 

[سكني]

سلااااام علييييكم


بررررجكم طيب وعلووومة طييييبة


سكني >> كل عام وانتم بخيير

 

[أبوريتال الياسي]

الوله لك غيم وأشواقي سما

 

[راعيها]

كل عام وانتم بخير ....... ياهذلان

يابرج وين راحوا ساكنيك

 

[شباب]

السلام عليكم صباح النور للحاضرين

 

[شباب]

خبيتي


جيت كلي كلام

لاصحابنا كان حلو

مير مني ّ سلام

والناس ياناس ملو


مكسبي كلمتين

جتكم ليا طاب راسي

وامشي الخطوتين

للطيب وانا حماسي


والكرام الصِلاب

اللي يجونا كرامة

نورهم كان غاب

راحوا وطارت حمامة


صوتها بالصباح

هيّض شعور الهواوي

والضمير استراح

والنجم بالليل هاوي

مير انا من نسور

جنحانها شي هايل

لاغطست البحور

اواجه ابنا الحمايل

واختصرت اللي جاء

مثل المزون وسناها

وانا كلي ّ حياء

من ناس راسي نواها

 

[شباب]

شعري يجي للمجالس يزرع البسمة مابين الحضور
واجيب كل العلوم اللي جميلة طابت اطيابها

وانا سليل المراجل يابشر منا ليوم النشور
واواجه الروس يوم إن البعض كم تملك اعصابها

 

[شباب]

ياناس وش ميزة الإنسان

اللي المحبة تناساها

كنه كما مضيّع العنوان

لمّا خطوط الزلل جاها

ياليت بين البشر ينصان

ويحوز طولة لا ضواها

واليا انتصر يكسب التيجان

وعلومه إن عاش يحماها

لو بالوطن كامل السكان

تشناه ممكن بيشناها

ويواجه الرمي بالنيشان

لو الملاعب بمرماها

اخيّه ياميلة الميزان

يوم الملاعين ننصاها

لاجالهم رمحنا الطعان

اللي السلاطين عناها

يارب يامنزل ّالهتاّن

انصر وجيه اللي نهواها

اللي كما صحبة الخلاّن

وإخوّة الراس سواّها

كمّل ليا كحل الأعيان

وأنال الأصحاب مغزاها

 

[شباب]

لي مع الناس كلمات الشعر والصراحة

ثم اظبّط كلامي مثل سيل ن يسيل

مير تال الزمن ياناس من وين راحة

يوم أعالج مع الأصحاب شخص ن عليل

 

[شباب]

يوم المشاكل والضرر

الراس ياناس انتصر

وإلا البعض لاتعيّنوها

لأجل إن ّ ممشاها خطر





والشعر كلمة مع صور

ورماحنا يوم النحر

هزت رجال ن كم يبوها

لا ولعوا نار وشرر

 

[شباب]

ياصاحب الوجه الصغيري

ياللي كما إنك معك كيري

مشاكلك ياشيخ جمة

وأنا معك مثل الأميري




وإن جيت باليوم الخطيري

حنا نشير ونستشيري

وإحنا رياجيل المهمّة

رغم الحجاج اللي ّ كسيري

 

[شباب]

سلّيتنا بأشعار جات

يوم اللزوم مناوبات

إن جيتني مثل الشموسي

وإن رحت جبت الغايبات





لكن ّ جات مهاوشات

يوم البشر متنكّرات

لكن ّ تنطحك التيوسي

لاجتك بين الكاينات

 

[شباب]

انا كلامي لاوصل

سر اللي كنه ّ كالصحيب

لكن يالوجه الغضيب

الشر يارجّال حل


وإن كان صايبك الخلل

شكلك مع العالم تشيب

ياليتك بمرّة تصيب

ياللي تجي خط الزلل

 

[شباب]

الشعر يارجّال ماسي

وأيّامكم منها مآسي

لكن كم شاعر عنيته

كنه ّ مع العالم سياسي


وإحنا لنا هيبة وباسي

وتطيب يازين اللباسي

لكن خطي ّ لامشيته

بيسلّم الرحمان راسي

 

[شباب]

متطمن ّ وعيني بصيرة

والشعر وسط ارض الجزيرة

كنه ّ سحايبها وماها

او مثل نجمة مستنيرة


لكن ناسينا بحيرة

إن جات الأيّام الخطيرة

المرجلة نمشي معاها

رغم الملاعين المكيرة

 

[شباب]

اعطيتكم شعري عطايا

والشعر ساكن بالزوايا

لكن أنا زين النوايا

وعلومنا سكّر نباتي


ولكل متنكّس حكايا

لكن من بين البرايا

رمحي لاجا ربع الخطايا

منه الجروح الموجعاتي

 

[شباب]

شاعر نغم شاعر زماني

رغم الوجيه اللي تطيشي

واللي تماثيله طشيشي

كنه ّ من أصحابه معاني


وإاليا استمعم للكماني

للنسر جنحانه وريشي

وأنا هنا بأحب ّ جيشي

اللي سكن بأوسط كياني

 

[شباب]

لخصّت لي بعض الكلام

اللي يجيكم بإحترام

وإن جات ساعات الخصام

حنا صملنا كل ليلة


لكن ّ بأيّام الزحام

الشيخ جعله للرحام

اللي هنا روّح حطام

لأجل إنْه سار بخط ميلة

 

[شباب]

الشين طول العمر يااصحابنا شين

مهما يسوي يارياجيل طايح

والزين طول العمر يااصحابنا زين

لو كان خصمه بين الاصحاب صايح

 

[شباب]

شعري سوات السيل من يوم سالا

ياصل لكل الناس لو كان منظوم

وانا ليا من جيت بين الرجالا

اعطيت كلماتي مع الناس وعلوم