مـسـك
:: عضو جديد ::
- إنضم
- 13 سبتمبر 2007
- المشاركات
- 4,474
السلام عليكم ورحمة الله وبركاته
شووووت/محمد جارالله السهلي
[align=right]
[poem=font="Arial,5,#000000,bold,normal" bkcolor="" bkimage="" border="none,1," type=2 line=0 align=center use=ex num="0,"]
الفكر ضد الموت في كل الاوقات =واللي بليّا فكر عايش بتابوت
الصح منه يدوم ويخلد أموات =والاّ الغلط مجرد سنين ويموت
والشعر لوما صار (ساعي قناعات ) = يصبح حكي .. لكن على هيئة بيوت !!
والصدق مفتاح الكرامة ومنجاة = يكسيك من لبس الثناء مشلح وكوت
والكذب نقص عقول وفعول واثبات: = بان أغلب الياقوت ماهو بياقوت
والحب (أحلى شي) .. إلاّ مع الذات = والدار (أغلى شي) .. إلاّ بلا قوت
والدين .. عز .. وهيمنة .. وانتصارات =لاصار فعل وقول وإجهاد وقنوت
يوم المشايخ .. قبل عصر الدويلات = تنقل كفن وسلاح ماتنقل بشوت !!
في وقتها ياهل الخطب والشعارات =سالت دموع العز من (عين جالوت)!!
وفي وقتنا .. ياصانعين القرارات =نضحّي بغزة على شان بيروت !!
والفرق شاسع .. ياصراع الحضارات = والقول أكيد .. وبالأدلة .. ومثبوت
الماضي: أمجاد وشموخ وفتوحات =والحاضر: مهايط ومقهى وبيلوت !!
وأمــرّ وآدهى .. ماهو قادم وآت =لاصار واقعنا مبهذل وممقوت
يمثل الأمة في الامة عصابات =وعلى خراب بيوت تتعمر بيوت !!
جلسات سريّة على شان جلسات =تفوّت اللي مستحيل انه يفوت !!
واللعب واضح في جميع المجالات = بتشوت ؟! صلح لي أصلح لك اتشوت !!
والخير بــيــّـــن في وجيه البشوات = والشعب مستهلك ومتعب ومكبوت
حرية الراي : اختصاص القيادات !! =وحنا تخصص ذل وانصات وسكوت!
ياصاحبي .. خل القصص والحكايات =وش ميزة التوت ؟ ان فقد لذة التوت ؟!
إن مت ! من قول الحقايق .. سهالات = على الأقل تدري على ويش بتموت !
والمشكله ماهيب في كثر الاصوات= المشكله لاصار مال العقل صوت [/poem][/align]
احتراماتي وتحياتي
