جـــرح الزمـــان

[ابو ذياب]

[poem=font="Arial,5,#000000,normal,normal" bkcolor="#e4cda1" bkimage="" border="solid,1," type=1 line=1 align=center use=ex num="0,"]
ياحروف الشعر جودي بالجزيل من القوافي=واكتبي نبض الاحاسيس ومشاعـر داخليـه
عبري مادام فكري للقصايـد دوم صافـي=واطرقي باب الهوى اللي سكر ابوابه عليـه
وان حصل مابيني وبين القمر شبه اختلافي=لاتخلينـي لحالـي خابـرك منـي وفيـه
عالجي جرح الزمان اللي عن الحساد خافي=واشرحي مافالصدور وترجمي وانتي بريـه
السفينه في بحرها والبحـر مالـه مرافـي=والمشاعر فالهوى عـدت حـدود الجاذبيـه
والقلم فوق الورق مامـور للشعـار وافـي=ينحر ادروب الغـرام المظلمـات الغيهبيـه
والله ان الوقت له حد(ن) مثل حد الرهافـي=مايروف بحالتي تالـي الليـال الخرمسيـه
كل ما اقطع لي مسافه وانتظر واسبر خلافي=اذكر العين وهدبهـا واللحـون السامريـه
الهمـوم مقيدتنـي ثقلهـا بـذ الخـوافـي=كيف اقاومها وهي مثل الريـاح الموسميـه
خذ مكاتيب الغلا واللي حصل يازين كافـي=ابك انا صبري نفذ ماعـاد فينـي مقدريـه
لو دروب الحب مافيها جـروح ولاتجافـي=مافنى قيس الملوح فـي غـرام العامريـه
المزون اللي مطرها عانـق وبـل الفيافـي=مثلها مثل العيون اللـي محاجرهـا نديـه
ولو يدور الوقت يانور القمر صاحبك وافي=انشد ابيات القصايد والحـروف الابجديـه
رحلتي ماوقفت واليـوم سجلـت اعترافـي=والهوى عله وقربك طـب للنفـس الشقيـه [/poem]

 

[الحجاج بن يوسف]

جمليه اخي ابو ذياب وقفت كثير اتأمل فيها ووجدت الصور البلاغية الجمليه وسلامة التركيب بها لكن لي مداخله على هذا الصدر من القصيدة

والله ان الوقت له حد(ن) مثـل حـد الرهافـي

جميل ما قلت ولكن

لو قلت

والله ان الوقت حده فاق حدك يالرهافي

وبالتالي يكون البيت سلس للقاري والمتسمع والك انت ايضاً

تقبل مداخلتي اخي الفاضل بصدر رحب وهذه مجرد وجهة نظر لا أقل ولا أكثر

كنت هنا....

الحجاج بن يوسف

 

[ابو ذياب]

مداخله جميله اخي الحجاج
وابشرك صدري رحب للغايه
ولكن انا لا اوافقك الراي
وأرى ان البيت سلس وسليم معنى وتركيب
مرورك يشرفني
تقبل تحياتي

 

[عمر العميري]

والمشاعر فالهوى عدت حدود الجاذبيه كان الله في عونك جميله هذه الابيات تقبل مروري يابو ذياب

 

[عماد الهذلي]

السلام عليكم ورحمة الله وبركاته

مرحبا بك اخي ابو ذياب وأعتقد أنك شاعر جديد في منتدانا حياك الله تحية المطر.

وأما القصيدة فهي قصيدة جميلة صح لســانك عليها ..اعجبتني...ولي ملاحظة بسيطة من أخوك ...

فق قولك..المـزون اللـي مطرهـا عـانـق وبــل الفيـافـي

هذا الشطر وآجهني فيه بعض الثقل

عموما صح لســانك ومثلك مكسب لنا ونحن في أنتظار جديدك

تحية طيبة

 

[فواز السعيدي]

وبــل الفيـافـي

يبو معتوق(( بل)) اللام مشددة هنا اي من البلل اللي هو الغرق .. جعلك يغرقك المطر هههههه


::::::::::::::

قصيدة جميلة اخي ابو ذيب لك ارق التحايا

 

[عماد الهذلي]

السلام عليكم ورحمة الله وبركاته

مرة أخرى أعــود وأعتذر من أبو ذيااب

فعلا أنا ماقرأتها صــح أحسب الكلمة وبل اي المطر....مع أنها مفهومه من السياق لكن العقول بحالة هههههههههههههههه

شكرا يافوواز على التنبيه ونعتذر لبو ذياب مرة أخرى


تحية طيبة

 

[حامد السالمي]

صح لسانك قصيدة جميلة، وشاعر واعد.

حفظك الله ورعاك.

 

[مشعل الهذلي]

السلام عليكم ورحمة الله وبركاته

هلا وغلا بالشاعر أبو ذياب ..
صح لسانك ولاهنت ..
قصيدة جزلة من شاعر جزل ...

لـو دروب الحـب مافيهـا جـروح ولاتجـافـي
مافنـى قيـس المـلـوح فــي غــرام العامـريـه
المـزون اللـي مطرهـا عـانـق وبــل الفيـافـي
مثلهـا مـثـل العـيـون الـلـي محاجـرهـا نـديـه



ننتظر جديدك ابو ذياب

 

[هذلي والفخر لي]

صح لسانك يابو ذياب

قصيده رائعه من شاعر اروع

يعطيك العافيه ونرحب بك اجمل ترحيب

ونتمنى منك الاستمرار والتواصل

لا هنت

 

[أبو المثلّم]

صح لسانك يابو ذياب

جزلة ومتقنة

ننتظر جديدك بشوق

وحياك الله في مجالس هذيل اللي تتشرف بتواجدك فيها

 

[ابوجنوب]

صح السانك يابو ذياب قصيدة رائعة كروعة قائلها دمت متألقااا

وتقبل إحترامي وتقديري

 

[ابو ذياب]

صح لسانك يابو ذياب

قصيده رائعه من شاعر اروع

يعطيك العافيه ونرحب بك اجمل ترحيب

ونتمنى منك الاستمرار والتواصل

لا هنت

صح بدنك
والله يبقيكم ويبارك فالجميع

 

[فارس الهذلي]

صحّ لسانك يابن ذياب قصيدة جميلة جداً

واستمتعت بقراءتها

وافنا دوماً بالجديد

تحياتي

 

[أبو محالة]

وافيه يا خليل من راس وافي