لله درك ياالسويكت

[صقر الهذلان]

انا يوم اشرف وازعج الصوت واغني
علي الملام ان كان غنيت طربانـي
لاوالله اهوجس في وليفن لي واحني
حنين الخلوج اللي اتهبـد امسيانـي
اتل العباير من ورى الحدب واونـي
واقلب زمانن فات واقلـب احزانـي
على صاحبن قفى وهو ضايقن منـي
وانا مت شفقن له وهو مات شفقاني
ذبحني بحبـي لـه وبعـده يكفنـي
وتدفني اشواقي وانا اشوف باعياني
من اول وهو عندي غرامه مجننـي
وش اقول يوم اني لاجيته ولاجانـي
الا يانسيم الصبح خبـره وش كنـي
و قله تراني لا امسو الناس سهراني
و قله ترى الايـام ماتبعـده عنـي
و قله تراني يـوم اخليـه ندمانـي
اربي على ظنه واربه علـى ظنـي
واربه يسامحني الا جيت له عانـي

الشاعر , خالد بن مبارك السويكت

 

[بن قاسي الهذلي]

يعطيك العافيه ياصقر

 

[صقر الهذلان]

شكرا يابن قاسي واحاول انقل مايفيد الاعضاء الكرام

 

[مشعل الهذلي]

السلام عليكم ورحمة الله وبركاته

مشكور اخوي الغالي صقر الهذلان ..
لكن وانا اخوك حنا مانستفيد بقدر ما نستمتع بالشعر .

الله يبارك فيك ..قصيدة طيبة ولا شك .

 

[صقر الهذلان]

شكراً ..

كلنا ياصاحبي نستفيد ونستمتع بمنتدى هذيل والله يعطيك العافيه