خلف القارحي
:: عضو جديد ::
- إنضم
- 30 يناير 2006
- المشاركات
- 49
السلام عليكم
وعدتكم بنقل قصيدة الشاعر / عطاالله القارحي في مدح قبيلة القرح وها هي القصيدة والرابط لأسماء من شملتهم القصيدة بالتفصيل .
تقبلوا ودي وتحياتي .
,
الرابط http://www.hothle.com/vb/showthread.php?t=21767
,
:
وعدتكم بنقل قصيدة الشاعر / عطاالله القارحي في مدح قبيلة القرح وها هي القصيدة والرابط لأسماء من شملتهم القصيدة بالتفصيل .
تقبلوا ودي وتحياتي .
,
الرابط http://www.hothle.com/vb/showthread.php?t=21767
,
:
قال الذي لا قال قوله بميزانواليا وزن ما أبخص موازين غيره
في راسه أمانه وفي صدره إيمانوعن الردى دايم حباله قصيره
ومن الشعر غنى على كل الألحانو وقف مواقف مثل شمس الظهيره
و الشعر لأمجاد العرب كان ديوانولا زال يخدم في قضايا كثيرة
إن كان وظّف عن درايه فهو زانو إلا فتركه خير و الله يجيره
و أفضل شعر دوّن على مر الأزمانما قيل في فضل الإله ونذيره
نبينا صفوة ولد نسل عدنانصلى عليك الله يا خير سيره
صلى عليك وبك ختم كل الأديانو انتَ رسول الحق و انتَ بشيره
هديك لنا سنه ومنهجك قرأنوالحمد للي ما تركنا في حيره
فردً صمد , بالعدل يأمر و الإحسانوينهى عن المنكر وفُحش السريره
سبحان من له كل شيٍ بحسبانالشمس بأمره و الكواكب منيره
و الأرض يوم أنه عمرها بالإنسانانزله للسكنى و حدد مصيره
والناس في تصنيفها أشكال و ألوانعلى اختلافات الزمان المثيره
منها السهل والحزن , و أجوف وكثانومنهم عرب مثل البحور الغزيره
الله خلقم للصعيبات مزبانروس الرجال أهل البصر و البصيره
و لولا الشجاعه راحت أملاك و أوطانلكن دفع الناس بالناس خيره
و المجد ما هو ملك لفلان و افلانالمجد غايه و القبايل خشيره
في كل ديره قبل لا اخص شجعانوكلٍ تجد دلوه على قيس بيره
صحيح ما تُبنى على غير سيسانولا فيه حيٍ ما يجي فيه غِيره
يا وقت يا للي فيك نكره و نكرانما أنصفت ربعي أهل السيوف الشطيره
العزوه اللي يوم زوغات الأذهانترسي كما ترسي الجبال المديره
قبيلة " القُرّح " ليا قيل " هذلان "لها من الأمجاد حصه كبيره
ترجح بوزنتها على كل الأوزانودوراتها مثل الرحى المستديره
تطحن معاديها ليا ثار خفّانوتشبع في معداها السباع المغيره
و أهل الحميه و السميه وفرسانو أهل الشهامه و أهل ديره و جيره
و أهل الكرم يوم أكثر الناس جيعانو أهل القُدى يوم المذاهب وفيره
المجد لابسهم شهاده وعرفانلبس الشرف ما هو بملبوس عيره
في مدحهم لا قلت ماني بغلطانولا لي عليهم فضل كُبر الشعيره
يقودني لأمجادهم قلب رغبانويقودني للقاف سلك الحريره
في واجبي ودي اجتهد قدر الإمكانو من الشرف , تدوين مجد العشيره
أمانةً منشود عنها و أنا فانو الرجل لا ولّي يحكّم ظميره
ماني من اللي للموالين طعّانولا أحطها بين اللحم والجبيره
و من لا عرف تاريخ الأجداد ندمانلا من هرج بالفعل راعي قصيره
الوقت الأول يعقل العلم شيبانوحنّا نسينا في السنين الأخيره
و أنا تتبعت التواريخ بإمعانتتبع المُذهب لجرة بعيره
مشيت عن عربان و أمسيت عربانتوسدوا برد الزمان وهجيره
والصوره اللي حرّكت كل وجدانخلتني أجهد , لو جهودي يسيره
و محاسن الموتى بعد مات حيّاندونتها للبِر و أيضا لغيره
و من شان لا يحصل للأجيال نسياننظمت فيها ملحمه مستنيره
سوات دره ما تقدّر بالأثمانتظم من بعض المدون نميره
" ميه وعشره " بالعدد والتّمعاناخترت خيره من رياجيل خيره
اخترت من شادوا من المجد بنيانما تنكره حتى العيون الضريره
ون كنت ناسي لي عرب , يحصل أحيانالعذر , قبل القاف يدرج بسيره
و أول بدايه عند وافين الأقنانسموا " آل كامل " مثل نارٍ سعيره
تاج الفعل يوم إن للفعل تيجانو اللي يبي تأخيرهم ما أستشيره
في المدح , وإلا القاف ما فيه خَسرانمضمون ما مثل أوله غير أخيره
أبدا من أخوالي ولا قيل " جمعان "ابن صغيّّر ما أنشهر من صغيره
إلا أنشهر بالفعل و أخوه" حمدان "اثنين والثالث " حَمود " أستخيره
أساميٍ تطرب لها كل الآذانو إبن " حَمود " اللي قليلٍ نظيره
للمعرفه والفعل والجود عنوان" علي " زعيم القوم شبّاب نيره
و" ابن جريّد " يوم هي سيف و اسنان" صغيّر " الجمعي يفك الأسيره
و اللي يرد المخطيه بادهم الزان" دخيل ابن حمدان " ثاني هجيره
و" صويلح السلقي " ولا عنه سلوانلو كان نصره قبل يبرك بعيره
و" عيضه " يعوضك لا احتمى كل ميدانيكسب رهانٍ ما كسبه الهشيره
و " ردود بن عيضه " كعم كل طغيانو " ابن صويلح صالح " أصلح مسيره
و إلا "خليفه" مع "مطر" طير حورانو"سرور" ون قلنا " محيا " ظهيره
و " أبو معيد " إن رفت اشناب , شربانوعند " العُداله " كل شلفا شقيره
" حمَود " لا عدو هل الفعل تيهانيحمي مصاديره ويحمي قصيره
ومن بعدهم عرّج على " آل رميدان "يا هاجسي جاء " للدعيجي " اتعبيره
يشوش راسي كلما قيل " دعجان "وكم عين من فعل النشاما حذيره
مكيالهم من زايد الفعل مليانو رجالهم كثر ألحكي ما يُطيره
منهم " هديهد " هدته تقضي الشانوعدوة " مُزيهب " عاقبتها عزيزه
و " جابر " وهو حوقه , للأعمار كفّانفعله مورّخ ون تهرّج ثميره
جدّ " آل جابر " شهرته مثل صعبانو إلا " عبيدالله الفلاحي" قطيره
و" عالي وهو أبو محرقه " يم سفيانفعله لحاله ماليٍ له حفيره
و " بن زميط " انكان للفعل ضمّان" حسن " يُعد من الرياجيل خيره
وفزعة " غريب " اليا بدا راس مزبانو" باشا " على اسمه كان الأسمى بريره
لا و الله إلا في أولتهم , ولا هانالشيخ " جبر ابن رميح " و شويره
" عبد الله ابن دعيج " و اسمه بالأذهانله وقفةً تُحسب وسمعه عطيره
و إن قلت " أُشيفي" قولوا المدح شفقانو ابن غراب" وسعد من هو يجيره
و "منيع بن عالي" و" ابو الزين" له شانو "آلِ عُقيّص " بالمدايح جديره
" سعيد " سعد اللي من القوم غرقانو " عبد الله " أنعم , والسهوم المطيره
" آل مطير " إن قلت ذربين الأيمانأفعالهم نسمع بها من خُطيره
منهم عرب لا قالوا الموت , عميانو أعيونهم عند الملاقى بصيره
يوم المزايد دون حلوات الألبانكم بكرةٍ ظلت وراهم عقيره
إن جيت أسميهم فللفعل سميانمثل " إبن مالك " طيب الله عبيره
" زُميّم " اللي هيبته هزة أركانهامه وقامه و إن تحرّك دميره
و " عقاب إبن هاجد " بعد دان و إدانأول قصاص السيف ما هو بأخيره
و أذكر " دغيليب " الذي حرّك أشجانو" حُسين " قلبه للشدايد جسيره
ابن مطر , لو تُوقَد الدرب نيرانما لف ساقه لو تعوّد كسيره
و أذكر " نُصيّب " ثم " جابر " و الأقران" عايد " و " صاعب " للصعاب المريره
المدح فيكم يا أربعه زان ما شانيا بالجين الظلمه الدمسريره
و إلا " بعيرص " مشعل القوم شامانسيف الحميه شاهره من جفيره
و" يعيش " مدحه مدح من دون نقصانوليا وصل عند " آل عساف " أديره
حتى يغطيهم بترتيب و اتقانزاد الله فيهم , صدق ماهي أتعذيره
اللابه اللي للموالين صدقانوعلى العدو نيرانهم زمهريره
لا فرق الله شملهم قوم رعدانكم فرقوا بين العشير وعشيره
إن قلت " ناشي " قالت الإنس و الجانناشي عمود الفعل و أول سفيره
يكسر بيارق لو لحاله بميدانالنار من زنده ويعرف وذيره
جنازته ما درجوها بسكتانوصى بها " طامي " ودنّ اتعشيره
ون قلت" طامي " يطمي مثل طوفانطامي ليا عدوا هل الفعل أميره
ما يحكمه حاكم وله قلب و السانيدير ما يرضى بواحد يديره
حتى وهو جالي وقافيه ديّانغيّب حياة اللي ينابش مجيره
و " مفرّج " اللي شهرته مثل راكانخلّد من الشهره نفايس وثيره
بالفعل ما هو بالموارى و الإدهانالأوسمه جاته من الترك ضيره
و " سالم " وهو بن عيضه ابن رضيانتسلّم ألشِيخه وصان العميره
و أمير للي ناصروا قوم عمّانيوم أعلنوا للحرب لبوا نفيره
و " مرزوق " للمذهب بنا كل صيوانابن صُقير الخيري , شيخ نيره
كم حق يندر به ولا راح مجانو " ابن سُكينه " ما ندم من يشيره
و إلا " دخيل الله " رضا كل شرهانابن محبب , شر نفّاخ كيره
و" تركي" عقيد القوم في حرب جيزانله وقفة القايد وفعل المغيره
و اللي على المدفاع حطوه نيشانهذاك " جاهل " و الجهاله لغيره
و " الدحمسي رده " كما قيل دجرانيمسح ليا شاف الجموع الغفيره
ولا أنساك ياراعي الحزامين " ضبعان "عشية المزبن , مراميك ديره
يبقى " حويمي " و الحويمي له أعوانتاصل لمرتبة الأمير و وزيره
منهم " عزيز " ولا على البال حقران" لـ , بن علا " و إلا " نَصيب " العويره
و " مسلم " و " رزق الله " ما يدحنه دحّانلا هيجنت قوم النفوس الشريره
و " آل فنيك " ان قيل دوّن لك اثنان" حَسين " و " فليفل " ما عنهم صبيره
و " آلِ زميّم " دام للقول تبيانزمام " و " مشيرب " تجي بالصديره
و" سِلمي " عُرف بمداهمة كل شيطانيرمي بروحه لين يفتك أسيره
و اذكر" مفرّح " و الملقب بفرحانفي لقوة " الـحُرّث " سهومه خطيره
و" جاهل " ومن بعده " مجيدي " صُبيّانومن آل ياس أذكر " رزيق " النعيره
و اللي المذاهب و السواير لها صان" مرزوق " شيخ أهل القدا تستشيره
و " عيضه ابن شدّه " من تنواه هلكانو " عاقل " عقال الصاعب المستذيره
و" الحامدي حامي" وغيره " عليّان "و " سفِر ولد حامي" شهامه وغِيره
و " خميس " يُذكر و المسمى " شليّان "راعي الأماره في السنين النكيره
و المحسني " أمبارك " و " عابد " و الأخوانمُفْنِك , فُنيك , أهل القنا والذخيرة
وجات " آلِ ساري " ثايره مثل بركانوالحس حس المحتيه والسحيره
مالي عذر منهم وهم صفوة أعيانو كل ألرفاقه في عيوني نظيره
سواسيه ربعي و الأفعال برهانومدحٍ بدون أفعال ماله حضيره
أمدح معيصب ، شيخ , فارس , وللأنما مات شعره دام للشعر سيره
و ابن معيصب , عرف و إقدام شيهان" جمعان " شيخ وشيخته من كبيره
و اللي نهار الكون ما قال بحلان" رميح " رمح الموت ناطح شفيره
و " رزيق بن مرزوق " و " عقاب " صوكانو " فواز " للقيف المعدي نزيره
و" معيش " من ذباح ابوه القضى كانمن حزته قصبان بطنه نثيره
" وبسيس " ما يُنسى و " عايش " و " بسان "من دونهم عصم القصايد فقيره
ولـ " معيفن الساري " من الشعر بستانو" علي ولد صمصوم " شعر ونديره
و" صفر ولد معتوق " ما مات قفرانالله على فزعتك يا أبو سُفيره
وعيال من عقب بعد عُمْر صبياننعم الأصيل اللي ينجّر نجيره
أثبت " محمد " بأن للمهره إحصانألعقّبه قرّت لهم عن قريره
" حميد " و " حميّد " مداغيش و اذهانو "حمدان " ثالثهم ليا أرزم زفيره
و ابن حميّد راعي الدين " سلطان "ما قط كب من الشعاير شعيره
و إلا الطريفي قبل , غياب , زيدانومن قبلهم قومٍ ونعم الذريره
و من آل مكي " عطية الله " كحيلانو" علي ولده " من الكرم خذ خبيره
و اللي يصله العلم ويحير قنعان" هويمل المكي " لفعله جديره
اللي ينصّر كل من جاه عجلاننعم الأجير اللي يخلّص أجيره
وجواهر الحكمه من أقوال لقمانومن يُرزق الحكمه عطاه الله خيره
و الحبكلي " حمدان " من روس شيخانو الله فرق ميز العقول الفكيره
أليا حكم يُرضي العرب بأمر رحمانو أليا ادعى حمدان جاله بديره
وحميد , و أحمد , يوم للترك بيشانلا طبوا الميدان حاسو مريره
" أحمد " بجنبيه بعد قيل خَرفانألحقهم الثامن وهو في سريره
و " معطي " و " جالي "بالتواصيف ظُفرانسعد النهار اللي يهول قتيره
و" غصاب " راعي الخيل يوم القدر حانمن اربعين أمدينٍ دق زيره
و إلا " شماس " إن خاطها بأم علمانقال ابشري بالنصر و الله نصيره
ضوى المهر و أقفا بمدعوج الأعيانهديةٍ ما من وراها شبيره
و" بسيس بن حامد " له افعال و أكوانيارد حياض الموت ورِد النحيره
يبدي مبادي تُرهب الذيب سرحانويندر وهو ما حط قدمه سبيره
وليا غزا ديره يجي شوف الأعيانومن يوعده بالموت يقطع وتيره
و" رزق الله " الفالح فلاحه بثبتانو مثله" مُحمد " في الليالي العسيره
اثنين مثل السيف قطاع الأمتانأليا حضروا ما قط عدت ستيره
يثنون في الماقف عناصي وعدوانو يجلون ويلات النقد و المعيره
و " سعيد " و " جويلي " وكلاً له أوانفعل الشماسي , الموت يسبق نذيره
و" عالي ابن جالي " لا أنشب الحد دفانو " حمدي " ختام أهل الأسامي الشهيره
شاعر , وشيخ , أيضا وله فعل قد بانومرجع ليا جاء للنسب من يثيره
عليهم الرحمه تنشر بالأكفانما ذعذع الغربي وما طار طيره
و الحي منا في الحراوي ولا , لانو الوقت كل الناس تنعم بخيره
لنّا بفضل الله نعيش أمن و أمانوكل الصعاب بفضل ربي يسيره
في عهد أبو متعب ويمناه " سلطان "عزٍ لنا من عز صقر الجزيره
ملوكنا ندعي لهم سر و إعلانحقٍ علينا يا لوجيه ألسفيره
الله ينصرهم على كل خوّانو الله يوفقهم لدفع المسيره
تمت وصلى الله عدد وبل الأمزانعلي"النبي الهاشمي " خير سيره
شعر // عطا الله القارحي
