سوالف عوارف ماتهزهز مبانيها

[عمر العميري]

محاوره بين الشاعرين :
أحمد الناصر وطلق الهذيلي
الناصر \
سلامي على الحضار من خاطرن صافي
عدد ماتهل الناشيه بامر واليها
ابي شاعر(ن) باللعب يوفي ويستافي
تزين الدروب أو ينسمح صدر ماشيها
الهذيلي \
هلا مرحبا ياشاعر(ن) يبدع القافي
تحيه وفاء من صدر شاعر أمسويها
ليا زان محرافك فنا زان محرافي
عوايد مع اهل العرف ناخذ ونعطيها
الناصر \
نبي للمعاني ياطلق وسط واطرافي
لعل السعد والعز دايم يباريها
ابا اخبرك بالبين وابا اخبرك بالخافي
عيوني ليا جاء الليل تكثر طواريها
الهذيلي \
تهرج وانا للهرج عارف و صرافي
سوالف عوارف ماتهزهز مبانيها
تشكي وانا اشوفك مع الناس متعافي
لكن احمد الله بولتها و تاليها
الناصر \
علامك جفلت اوجاك ريبه اوخفخافي
تركت المعاني كن منته ابتوحيها
غدت بالنهار اجهار يالله ياكافي
ولا ربح بايعها ولا ربح شاريها
الهذيلي \
انا ماجفلت ولا بس ثوبي الظافي
ولكن شفتك يابو ناصر تحدويها
ترى ماغدى لك شي بين وينشافي
والى جاتنا جابه نرد الثمن فيها

الشاعر طلق الهذيلي شاعر معروف وياليت الاخوه ينشرون له بعض المحاورات او القصائد

 

[هذلي والفخر لي]

سلمت يابن عادي

وبيض الله وجهك

 

[عيضة العقيلي]

بيض الله وجهك علي المحاورة الممتعة

يا ابن عادي

 

[عمر العميري]

الأخ ابو بسام الأخ عيضه العقيلي شرفني مروركم العطر

 

[مطرفي الدلم]

الشاعر طلق الهذيلي شاعر محاورة معروف ند حقيقي للشعراء وهو قبل ظهور الشاعر المرحوم عبدالله المسعودي بكثير .

تحياتي .

 

[أبو محالة]

تسلم على النفل الممتع يا ابن عادي

 

[عمر العميري]

الأخ مطرفي الدلم الأخ ابو محاله شرفني مروركم العطر