بدعه لأبومحاله لأبو المثلم

[مطرفي الدلم]

هههههههههههههه

بكره أبشر أما الحين معصي .

 

[بن قاسي الهذلي]

يالربع خلوها صباحي ههههههههههه خربوها اللي عنده دوام بكره يسحب عليهم

اكيييييييييييييييييييد عندك اضطراري ,والا ماتقول هالكلام هههههههههه

 

[مطرفي الدلم]

بيض الله وجهك يافواز وبيض الله وجهك يالمثلم .

تصبحون على خير .

تحياتي .

 

[بن قاسي الهذلي]

ابو المثلم:


قوم يا فواز والعب ما بقي فالصدر حاجة::::السوالف ما تخلص والمشاكـل فازديـادي
قالوا ان الليل مظلم والفتـى ولـع سراجـه::::سريته ما هي قريبة والقمر ما هـو ببـادي



فواز الهذلي:
حـضـرو للـبـن صــاج وركـبـو لـلـفـرت صـاجــه::::واعـرف ان الفـرت ابـو شكمـان مـا حولـه رقـادي

الله انـــه لايــبــارك فــيــك يــاصــوت الـدجـاجــه::::جيت اشوف الصوت ويش وقال اخوها منت غادي

ابو المثلم:

والله ان البال رايق مير عكرتم مزاجه::::والفروت اللي تقول مقطبة والا بوادي
المعلـم رد بابـه قـوم بعـد الـرد جاجـه::::لو تعرفون السلوم ولو تحبون القوادي

فواز الهذلي:

يا مثلم يا معلم بيتكم نعرف دراجه ::::: ماحضرنا غير حشمة والشبب غاية مرادي


البعير اللي بدون اشداد ما تلحق عجاجه :::: وش علينا منه خل القوم تشري له شدادي

ابو المثلم:


انـت يـا فـواز تحدانـا عـلـى عــد الهمـاجـه:::والشبب ذيب الخلا نرميه لـن شفنـاه عـادي
رجعت البيعة على الدلال ما حصل خراجه::::ميـر عــدد فالبـيـاض ولا تـعـدد فالـسـوادي

فواز الهذلي:

المثل وش قال ..؟ قال الضيق يتلاه انفراجه :::::وانفراجك ياوسيع القلب من قدحة زنادي

والله ان اغليص راس الرجم يرعى مع نعاجه ::::: لقمته في نص حلقه لو شرب كثر الجرادي

ابو المثلم:


يب يموت العـود لـو انـه يفـرط فـي علاجـه::::والعلاج انواع واخرها سفـوفٍ مـن رمـادي

ما فراس الرجم غير الموت مير انهج نهاجه:::::لا تنوش غليص وانتـه متهـم حاضـر وبـادي

فواز الهذلي:

لا تعابط وانت راكب فوق موتر للخواجه :::: من قديم الوقت فوقه لين صار الوضع عادي

الله يخليك طول الوقت ونزيد نتواجه ::::::::: ليلة الجمعه نقدم لك على الدلة قنادي

ابو المثلم:

يا طويل العمر ما نرضى بتشطيب الزجاجة::::مير أظنك ما تخاف من الجرايـد والـروادي
غايـة المطلـوب دلـة مـا يجـي فيهـا سماجـة::::والوعد لـك خيـر لـو تبغـاه سـد أم العـرادي

فواز الهذلي:

ادري ان البيت له حشمه ولا نشقح سياجه :::: وانت لايدخلك مني شك دام الجو هادي

اضمنوها يا هذيل ابو المثلم وانعواجه::::::: رد طبعه يم ربعه مار ربعه ما تصادي

 

[عماد الهذلي]

السلام عليكم ورحمة الله وبركاته

صحت السنتكم الاثنين ابو المثلم وفواز محاورة جميلة

 

[مشعل الهذلي]

السلام عليكم ورحمة الله وبركاته

اول الشي المعذرة لأخوي فواز واخوي ابو الملثم ..
يعلم الله إنشغلت ....وتوقعت بعد إن المحاورة مجرد رد بيتين ..


بيض الله وجيهكم وماقصرتوا قلت بعد العتب يلحقني شئ الله يستر ..

لاهنتوا ياهل الشعر ..