قصة حياتي

[غريب الغربيه]

[poem=font="Arial,5,#0000ff,bold,normal" bkcolor="" bkimage="backgrounds/20.gif" border="none,1," type=1 line=1 align=center use=ex num="1,#ff0000"]



البارحة عيني تعكر نظرها=أصبح عليها الصبح ماذاقت النوم
تذرف دموعا كالمخايل مطرها=لاغمضت عيني ولا شاافت حلوم
ياوين ابلقى من يخفف سهرها=دام الغضي من جملة الأهل مظلوم
قصة حياتي سالفة مختصرها=تروى لكم من شاعر بات مهموم
بدت بنظره يوم ربي أمرها=كن الصبية مكنت في الحشا سهوم
حبيتها من قبل ينبت صدرها=يدي تلاعبها ولاكان به لوم
أبو ثمان وسبع صافي نحرها=والبزة الهندي على الإثم ملثوم
والخد زاهي مثل كامل قمرها=والقد ناحل كنها شجرة الدوم
والصدر رمان برزمن ثمرها=والشعر لين الخصر ملوي ومحزوم
ويوم ان قلبي والنواظر أسرها=قامت قيامة دنيتي بأقرب القوم
الام صارت ماتداني ذكرها=ومن اخوتي عشانها صرت مذموم
أبوي قال اختار بنت عمرها=عشرين منته بجاهلة صرت ملزوم
شف بنت ذاك اسمع بطيب خبرها=كانك تبيها اجيبها لك من اليوم
المملكة من بدوها لاحضرها=إلى قطر لين ارض راشد ومكتوم
ومن اليمن لي برها لابحرها=لين ارض فارس لي أراضي هل الروم
واصرف نظرك أظن منته قدرها=في كوم فارقهاوعيش انت في كوم
قلت الحقيقة باينه من عصرها=ماني بحب الزين بشري وباسوم
تراك تبني لي حياتي خطرها=كانك تبعدني عن الخل مادوم
في بعدها هي حفرتي قد حفرها=مابغي سوى تقلون ياكود مرحوم
البال لا جافيه صافي صورها=كنه صويب بالحشا صار مسموم
وجدي عليها وجد فاقد بصرها=اوفاقد اللي عالي الساق مرقوم
أو وجد بنت يوم أبوها حجرها=يبغي لها خبل كما طاير البوم
أو وجد فارس والقبيلة هجرها=والسيف من بعد الرهف صار مثلوم
واليوم رجوى من يغني شعرها=يفزع ترى هالعلم بالوقت محكوم
الساق يجبر علته من كسرها=ولا فطر دون البدر في تالي الصوم
واليوم فكري حاير ينتظرها=يم صار من شوف المواليف محروم


[/poem]

شعر :عبدالعزيز فالح الفضلي

 

[أبو محالة]

تسلم ياالشاعر الجزل وافيه من راس وافي

 

[أبو المثلّم]

قصيدة جزلة

ومأساة جسدتها بشكل درامي ماتع

غريب الغربية يعطيك العافية

 

[غريب الغربيه]

شكرا جزيلا
ابو محاله وابو المثلم
وبيض الله وجيهكم

 

[صآلح الهذلي]

يعطيك العافية

 

[غريب الغربيه]

شكرا اخي الساهر
شكرا لا يليق الا بساهر مثلك
وعلى فكره كنت اكتب بأسم الساهر
ولما دخلت المنتدى رفض التسجيل بهذ المعرف
لابد تعوضني بدل معرف
وتقبل تحياتي

 

[عماد الهذلي]

السلام عليكم ورحمة الله وبركاته

صح لسانك ياغريب الغربية قصيدة تجسد معاناة .

لاهنت وتقبل مروري

تحية طيبة

 

[بن قاسي الهذلي]

مبدع ياسمي ,صح لسانك لين ترضى

اعجبني التسلسل في افكار القصيده وكذلك ترابطها


لكن فيه عجز بيت خانك فيه التعبير :

ولا فطر دون البـدر فـي تالـي الصـوم


لو قلت:ولا فطر دون اهلال في تالي الصوم


لان الصايم لايفطر الا برؤية هلال اخر الشهر وليس البدر في منتصف الشهر

ننتظر جديدك

لك احترامي

 

[مطرفي هذلي والراس مرفوع]

ابدااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااع
ياغريب الغربيه يعطيك الف عافيه على القصيده الابداع

 

[الـمـطــ الهذلي ــــرفي]

قصيدة جزله ..
كل بيت أجمل من الاخر..

وأتمنى أن تتحفنى أكثر وأكثر..

 

[غريب الغربيه]

اخواني الافاضل

بن معتوق
بن قاسي
مطرفي هذلي
المطرفي الهذلي


شكرا على مروركم وشهاداتكم وسام على صدري وحافز للابداع

اما بالنسبة لملاحظة اخي بن قاسي
في البداية اشكرك على قراءت قصيدتي بتمعن وابداء ملحوظاتك والتى لا اعتبرها دقة ملاحظه بل هي حس الشاعر المرهف وذائقته التي لاتدع كلمة تمر على مسمعها دون تمحيص فأشكرك بعنف و

أنني اوكد لك انها غلطه مطبعيه و انها موجوده في مذكراتي كما اشرت هكذا
ولافطر دون اهلال في تالي الصوم
فكما ذكرت اخي نهاية الصوم بالهلال وليس بالبدر
حتى لو لاحظت ان كلمة (اهلال) اسلس واجبر للوزن
وشكرا مجددا