هشام الهذلي المراقب السابق وشاعر المنتدى رايد هذيل

[ابو هذيل]

السلام عليكم ورحمة الله وبركاته



هذه محاوره استطعت ان التقطها من ادارج شاعرنا الكبير رايد هذيل

وهي محاوره قمه في الروعه بين المراقب السابق هشام الهذلي ورايد هذيل على قولت ابي عبدالعزيز (راعيهاااااااا)

وهي انا اعتبرها معركه ذات قوه وفتل ونقض من الطراز الاول بلا مجامله ولا افتراء ولكن اراء انها تستحق الاشاده

واتركـ هذه المحاوره بين ايديكم .. لكي تحكمو انتم با انفسكم


(معركــة العمالقــه)




[poem=font="Arial,4,,normal,normal" bkcolor="" bkimage="" border="none,1," type=1 line=0 align=center use=ex num="0,"]
هشاااام الهذلي

يا ابو سليم طابخ الكلوه شواها واستوت = ما ادري يبا يعطيك منها نص ولا ما يبا
لكن ليا صار إلك فيها شف واهيه ما ضوت = لا عاد تنشد عن كلاويها ترى النشده غبا

رايد هذيل

يابو سعود اللي على منهاج ماجات وهوت = تاخذ وتعطي فالمواقف جالها صيت ونبا
المقفيه لهل القفى وذيابها جات وعوت = ياذيب لا تعوي عواك يزيد في وقتك عبا
هشام الهذلي

أنا معلمك الصراحه مير نفسك ما نوت = مبطي وفيك علوم تسترها وتكشفها الصبا
والذيب يدري عن مكاسيبه ورجله ما التوت = واغناه ربي عن هزيل الضان بسمان الظبا
رايد هذيل

ياما وياما ما نعلم مير راحت وانكوت = لولاك غالي ياصحيبي قلتلك روح تهبا
الذيب يدرع فاالغنم والضاميه لا مارتوت = يحوفها ويحوسها وديوسها ملي لبا

هشام الهذلي
يا اللي بنيت البيت سيسانك هزال وما قوت = ترفع عماد البيت وانت اخطيت ما ادري وش تبا
يا الله عسى الأيام تخبر صاحبي مما حوت = قدام لا يخطي طريق الحق ونصير اغربا

رايد هذيل

البيت مبني من ذهب يوم العرب راحت غوت = قال المثل من لا ربا نفسه من ايامه ربا
يا الله تعدل ميلت اللي فالمواقف وانزوت =قدام لا تصبح مثل لا تاكل ولا تشرباا


هشام الهذلي

وليا خيالٍ ما نخيله يا رعودٍ ما دوت = قاعك دهر ما مرها الوسمي ويرعاها الدبا
يا اللي سريت الليل طرقتنا طويله وانطوت = واللي من أول يقطع الطرقه على رجله حبا


رايد هذيل

ليت الجراده يوم طارت ما سمعناها انشوت = مير الرسايل جاتنا ويجيبها هدد سبا
تحمد الله ثم فوق اسمع ليا جات وروت = بعض السوالف لا تعديها تحزم وازهبا[/poem]







انتهت المحاوره رغم اني كنت اود ان تكون اطول من كذااااااا

ولكن... نشكر الشاعرين العمالقه على هذه المحاوره


دمتوو بوود

 

[أمير بكلمتي]

محاورة في غاية الروعه من شاعرين لهما صولات وجولات في ميدان الشعر

تحية لهشام ورايد على متعة الشعر

رايـــد هـذيــل

البيت مبني من ذهـب يـوم العـرب راحـت غـوت
قـال المثـل مــن لا ربــا نفـسـه مــن ايـامـه ربــا

هشام الهذلي

يـا اللـي سريـت الليـل طرقتنـا طويلـه وانـطـوت
واللـي مـن أول يقطـع الطرقـه علـى رجـلـه حـبـا

المعنى في بطن الشاعرين ********

وصح الله لسانهم

 

[مطرفي الدلم]

محاورة من الطراز الفاخر يعطيك العافية .

تحياتي .

 

[فـتى هذيل]

وعليكم السلام ورحمة الله وبركاته

بيض الله وجهك ياأبو هذيل

يــا ابــو سلـيـم طـابـخ الكـلـوه شـواهـا واسـتــوت
مـا ادري يـبـا يعطـيـك منـهـا نــص ولا مــا يـبـا
لكن ليا صـار إلـك فيهـا شـف واهيـه مـا ضـوت
لا عـاد تنشـد عــن كلاويـهـا تــرى النـشـده غـبـا

أبو سعود ......تدري إنك شاعري المفضل ، وسبق وقلتها وأعلنتها ...إني حاط لك

مجلد خاص بقصائدك جنب الى جنب مع خلف بن هذال .

والله يإنك داهيه من دواهي الشعر .

ولا تهون ياأبو سليم .......فمثلك يُشار له بالبنان ويُفتخر به بين القبايل .

بس ماأدري ياأبو هذيل هالمحاورة قديمة والا توها جديدة ؟؟؟

 

[هذلي والفخر لي]

الله يذكرك بالخير يابو سعود

ويوفقك يابو سليم

امتعتونا بهذا القاف الجزل

والشكر الجزيل لمن نقله الينا

بيض الله وجهك يابو هذيل

 

[أبو حمدان]

الله على أيامك يابو سعود
والله إنك هامة من هامات الشعر
كلما أسمع أو أقرأ قصيدة له أشعر وكأنني سمعتها من قبل
لترابط أبياتها وافكارها

ولاننسى شاعرنا القدير رايد الحتيرشي الذي أتحفنا ويتحفنا دائماً
بإبداعاته الشعرية
شاعران يشار إليهما بالبنان صح الله السنتكم

 

[قرناس]

الله يعطيك العافيه

محاوره في قمه الروعه