القشده من اطباق الشتاء المعروفه ومع هذا عمري ماجربتها
هالمره قلت بجربها
وانا اي طبق يعجبني واكون ناويه اجربه اجيبه لكم
وعااد الحين البرد جانا قلت نسويه ونتدفى ههههه
المقادير
اصبع زبده
كاس طحين بر
تمر (ضميد)النوع اللي تفضلين انا استخدمت سكري
بياله حليب سايل (بس بياله راهيه بنت نعمه على قولة جوزفين)
الطريقه
تذوبين الزبده وبعدين تضيفين الطحين شوي شوي وانتي تحركين وتخلينه لين ينحمس الطحين على نار هادئه
ويصير لونه اشقر موب بني انتبهوا
بعدين تحطين التمر وتقلبينه مع الطحين لين يتداخل مع الطحين وتتركينه دقيقتين الى ثلاث دقايق
بعدين صبي عليه الحليب وقلبيه زين اذا حسيتي ان التمر بدا يسخن خلاص طفي عليه
وقدميه وبالهناء والعافيه
