*+*أظنك تسوي مثل طير ابن برمان ،، محمد المسعودي مع العصيمي *+*

[الـسامي]

السلام عليكم ورحمة الله وبركاته

محاورة جميلة للشاعر محمد المسعودي مع الشاعر حمدان العصيمي


محمد المسعودي




هـلا مرحبـا ترحيبـة شانهـا شــان
وأنا أدري عن اللي لي واللي عليه
تـرانـا عـبـاد الله وفالمـلـه أخــوان
لكن العصيمـي فـي علومـه شويـه



حمدان العصيمي




يدوم البقا في حفل ذربين الأيمان
هل الحيل وأهل العـود والشاذليـه
ولا يامحمـد كــل حـجـه ببـرهـان
ويحـرم علـيّ التايـعـه والخطـيـه




محمد المسعودي




أنا أدري ترى ذمتك ماهي بميزان
لكن العلوم العوج صبـح وعشيـه
نبا نبدي المرقاب يالذيب سرحان
ونعدي على الرعيـان ولا الرعيـه




حمدان العصيمي




لقينـا بعدكـم عـام خاتـم سليـمـان
مابـيـن اليمانـيـه وريــع الحـويـه
مادام الهدف يطرح بحبه ونيشان
توكـل علـى الله واحفـظ البندقـيـه




محمد المسعودي




سمعنا سوالفكم مع فلان وفلان
وعصر الحضاره ينبذ الجاهليه
أبا اشب نار وكل عـود بدخـان
إذا كان باقـي عندكـم نـار حيـه




حمدان العصيمي




كـلام أكثـر العـربـان زور وبهـتـان
وأنا اخاف لايوردك حـوض المنيـه
تبا تاضح الصوره لراضي وزعلان
ويظهر مع المركـاض راع المطيـه




محمد المسعودي




حكم فوقك القاضي بشهّاد الأعيان
ليا أنكرتهـا كبـرت عـلاك القضيـه
أظنك تسوي مثل طير ابن برمـان
يبا منـه صيـد وجـاه مشتـال حيـه




حمدان العصيمي




والا ياطويل العمر للبيت بنيان
ولا يجبر الرجال غيـر الحميـه

؛؛
دمتم بود

 

[مطرفي الدلم]

مشكور وبيض الله محاورة قوية وشاعر مبدع كعادته مسيطر على المحراف من أوله مع أي شاعر .

الله يعطيك العافية ولاتحرمنا من إبداعات شاعر هذيل .

تحياااااتي .

 

[ابو ذياب]

محاوره رائعه
شكرا على النقل المميز

 

[عمر العميري]

يعطيك العافيه على هذا النقل الرائع

تقبل مروري

 

[صدى الحق]

مشكور اخوي على المحاوره الجميله

 

[فواز السعيدي]

ياسلاااام


محاورة راقية وابداع من ابو عبد الله كالعادة

 

[الـسامي]

سالمين وشاكر مروركم الكريم

؛؛

دمتم بود