ياورد ياعذب المشاعر والاحسـاسمايذبح العشـاق غيـر الاحاسيـس
طيفك غمرني صار لي مثل الانفاسيشبه ذعاذيع الهـوى والنسانيـس
انته تدلل حط تاج(ن) على الـراسخل الهموم وخل عنـك الوساويـس
تفكيرك انته في موديـلات ولبـاسوافكار غيرك في خيالـك محابيـس
الثغر خاتم صايغينـه مـن المـاسوعيون صقر(ن)من خيار القرانيس
من سبب الفتنه ومن فـرق النـاسالا الـدلال وساحـرات النواعيـس
الخد بـرق(ن) لاح والقـد ميـاسوالبطن ضامر كنهـا نـادر العيـس
ثنتين فيها غير عن كـل الاجنـاسنظرت لميس وحكمها حكـم بلقيـس
لاباس ياقلبي مـن الحـب لابـاسحتى لو ان همومنا مـا لهـا قيـس
لاباس وان ذعذع من الشرق نسناستذكر اللي ديرتـه مـن ورى نيـس
وان كان ياقلبي دخل فيك وسـواستعوذ من ابليس تسلم مـن ابليـس
واليا طرالي تالـي الليـل هوجـاسجبت البيوت اللي دعتها الهواجيـس
اصونها عن مـدح خبل(ن)وهـلاسوامدح بها اللي يكسبون النواميـس
واكتب معاناتي على صفح قرطـاسللغاليـه ودمـوع عينـي اماريـس
ماعاد لي مع ساير الناس مجـلاسماغير انا وانتي وشعري مجاليـس
ماهمنـي فالحـب عـذال وانجـاسحتى لـو العـذال جونـي كراديـس
اعروق جسمي من عنا الوقت يباسارو العـروق الظاميـات الميابيـس
درب الخطر لعيونك اليـوم ينـداسوعذالنا مثـل الضبـاع المراويـس
والشوق ماله بين الاحباب مقيـاسطبع الهوى ماله حـدود ومقاييـس
بيت الغلا يازين مبني علـى سـاسشامخ شبيه لبرج رومـا وباريـس
كتبتها وانـا مـن الحـب محتـاسليلـي هواجيـس وتلاهـا كوابيـس
درب الهوى مظلم وراعيه عسـاسوش عقبت ليلى من الهم في قيـس
