عقب ماانتصف ليلي

[جمعان الطلحي]

[poem=font="Traditional Arabic,5,#000000,bold,normal" bkcolor="" bkimage="backgrounds/5.gif" border="double,2,#556b2f" type=1 line=0 align=center use=ex num="0,"]
عقب ماأنتصف ليلي تملّكني الهاجوس= وسافرت بالأفكار شرقي وغربيه
أفكّـر بهـذا الوقـت وآخـذ عبر ودروس= صحيح الزمن غدار والدرب ممشيه
يجي الصبح في خير ونعمه وطـيب نفوس= والآمـال معقوده والأحـلام ورديه
ويجي الليل عن صبح الهنا مختلف منكوس= تجيك المصـايب مثل رذراذ وسميه
تناقض غـريب يثبت إن الـزمن منحوس= وذي حـالة الدنيا غـروره ووهميه
حقيره ويقطـع حـدّها مثـل حـد الموس= ويـدرك خطرها نـاس أفكارهم حيه
وعـزّي لغافل عـن خبرها تدوسـه دوس= ويصـبح بشمس عقب ماكان بالفيه
وياسـامعي مـن قبل لايحصـل الكابوس= تـزوّد بطـيب الفعل عـزم وجـدّيه
وسـدّد وقـارب وإجتهد وإكسب الناموس= وباقي العلوم إسـند على عالم النيه
ولاتصـحب الجـاهل يورطـك والملحوس= وخلك مـع اللي مثل نجم سطع ضيّه
تحـذّر مـن النمـام والـخـبل والدنفوس= وخلك مثل صـقر على رجـم مبنيّه
وخـل الحسـد وأهله كـأنه حطب مقبوس= عسى الله من جوده يصيب الحسوديه
مـرض يصعب علاجه مثل حب فيه السوس= ومـن لايخـاف الله مـاحسّب السيّه
وضـيفك وجـيرانك لهم واجـب محسوس= ويدري به أهـل العرف اللي سـنافيه
وصـلّ الفروض الخمـس في فيّها وشموس= تـراها دوا للقلب ذلـحـين وشـويّه
وثـابر عليها وأطـلب الحـظ في الفردوس= وخلك خصـيم النفس والنفس مرضيّه
تـرى الجمر مايحرق سوى من عليه يدوس= وماخـاب مـن يصبر له البيض مثنيه
وصـلوا عـدد نبت خضـر راوي ويبـوس= على اللي نزل بالدين شـرعه سماويه[/poem]

 

[هذلي والفخر لي]

اللهم صل على محمد

صح لسانك يا شاعرنا

قصيده جزله ونصائح ثمينه

من شاعر كبير بحجمك

دمت مبدعا يا شاعرنا الغالي

ودام الابداع بتواجدك

 

[الـمـطــ الهذلي ــــرفي]

صح لسانك ...

قصيده جميلة..

 

[عماد الهذلي]

السلام عليكم ورحمة الله وبركاته

صح لسانك ياجمعــان تغيب ولكن تشبع نهم الغياب بما تأتي به.

جزلة من شاعر جزل

صح لسانك

تحية طيبة

 

[ابوهذيل]

السلام عليكم ورحمةالله وبركاته

بيض الله وجهك،وصح لسانك على رذراذوسمية.

أكرمك الله ياجمعان،على ماجدت به علينامن مفطحات الشعر.

 

[الحجاج بن يوسف]

صح لسانك وعلي شانك اخي جمعان راعيها يابن الرجال جزله من شاعرها

لك خالص الود والإحترام

كنت هناااااا


اخوك

الحجاج

 

[غريب الغربيه]

صح لسانك اخي جمعان
قصيده جزله تدرس في مدرسة الحياه المليئه بالتجارب
فالقصيدة تحمل في طياتها مجموعة من الحكم والنصائح التى لاتأتي الا من شاعر فحل بحجم جمعان الطلحي

وافيه من راس وافي

ارجو ان تقبل مروري

 

[عباد الهذلي]

السلآم عليكم ورحمه الله وبركاته ...

أخي وآبن عمي الشاعر / جمعان الطلحي ...

بكل أمانه حاولت أن أختار بيت لأن يكون واجهه لتعليقي وردي على القصيده فوجدت أن القصيده بأكملهـآ عقد ثمين متصل لا يسعني إلا أن أكتبها كامله أو أتركها متعه للناظرين وغذا لقلوبهم وعقولهم ...

باركـ الله فيكـ ولا تحرمنا من تواجـدكـ ..

 

[أبو المثلّم]

اللهم صل على محمد

صح لسانك والله

شاعرنا جمعان الطلحي لا يختلف غليه اثنان في الجزالة والحكمة والأبيات السلسة

لله درك

ومن العايدين

 

[حامد السالمي]

صح لسانك وعلى شانك، وبيض الله وجهك على هذه القصيدة الهادفة.

 

[بيرق لحيان]

اللهم صلي و سلم عليه

ما شاء الله تبارك الله

جزالة و شعر واضحة و شاعر حكيم

إستمتعت بقراءتها كثيرا

دمت للجزالة و الشعر

 

[حسآم]

صح لسانك .

 

[سعود اللحياني]

مشاء الله تبارك الله
ترابط افكار رائع وصور تشبيهيه جميله

 

[جمعان الطلحي]

اللهم صل على محمد

صح لسانك يا شاعرنا

قصيده جزله ونصائح ثمينه

من شاعر كبير بحجمك

دمت مبدعا يا شاعرنا الغالي

ودام الابداع بتواجدك

أخي الغالي هذلي والفخر لي
شرف كبير لي تواجدك هنا تسلم يالطيب
تحياتي

 

[جمعان الطلحي]

اخي الطيب المطرفي الهذلي
سعيد بتواجدك زتعليقك الذوق وهذا من لطفك
تحياتي

 

[جمعان الطلحي]

أخي الغالي عماد معتوق العبيدي
سعدت لحضورك الراقي وتعليقك اللطيف وهذا من ذوقك
تحياتي

 

[هذلي قديم]

صح لسانك ياجمعان الطلحي
قصيدة رائعة
استمتعت بقراءتها

 

[ابو ذياب]

صح لسانك ياجمعان
نص رائع
الله يعطيك العافيه

 

[أبو حمدان]

صح لسانك وعلا شانك
صحيح من طول الغيبات جاب الغنايم
قصيدة جزله من شاعر جزل

 

[جمعان الطلحي]

شكرا اخي الطيب أبوهذيل
أسعدني تواجدك الغالي وتعليقك لاعدمتك ولاعدمت حضورك
تحياتي