رايد الهذلي
مرحبا مرحبا يللي بمصر الجديـده
شبت النار قرب يـا عمـاد العبيـدي
كيف توعد وتخلف ياولد فا الوعيده
ما يبا يحتمي فالعلم كـود الرشيـدي
عماد العبيدي
البقى يالمرحب والمسافـة بعيـده
وش تسوي فنارك لو لهبها يزيدي
الوعد مابعد ياليـل ليلـة سعيـدة
مايضد الحديد الصلب غار الحديدي
رايد الهذلي
انت شفت القلوب اللي غشيمـه بليـده
كيف سوت وتطلب هل بقى من مزيدي
ماحصل فالبلـد فـارس ولا بـه وليـده
تعرف حصان ابو زيد وتعّرف الهريدي
عماد العبيدي
يابن الأجواد قلي:مانقص وش يزيده
ليه تحسب عليه شي ما كان بيـدي
وش عدد ماورد ماجبت حاجة مفيده
الرسايل تصل من يد ساعي البريدي
رايد الهذلي
يابن الاجـواد كيـف العلـم هـذا نعيـده
وانت تعرف وترسم كل شي ٍ جديـدي
ايـه ميـر الصحيـح انقـول كـلاً بعيـده
وانت تكفى دخيلك لا تقول اِلي عيدي
عماد العبيدي
النوايـا مطـايـا والاوادم عنـيـده
ماشقرنا العصى والشور ماهو زهيدي
مايجيك المرق ياللي تطبـخ الحديـده
لو تشوف الحديده فالقـدر ماتهيـدي
رايدالهذلي
المثـل قـال يـا رجـال خافـت سعيـده
مير خلك صريح ولا تلف وتحيدي
وان نصيتك بعلم العلـم خلـك تجيـده
لا تجي مثل ماقالو ضعيـف وبليـدي
عماد العبيدي
لاتمثل وتبلـش والمثايـل عديـده
أنت خابر علومي يالقريب البعيدي
يوم رايد عرفنا وش سماه وصعيده
جادت المزنه اللي سيلها فالصعيدي
رايد الهذلي
خابرك يا الصحيب ,,شعيل يربد ربيده
مير ماني بقاطع لك نصيب وتزيـدي
يـوم رايـد عرفكـم قـوم فيكـم فـريـده
جادت المزنه اللي برقها من رعيدي ,,,,,,,,,
بعدها غير ابو معتوق بقاف جديد
عماد العبيدي
الليـل ياشيـخ رايـد ياعـريـب النـسـب
ياللي تجيب الخبر واللي تودي الخبر
أنته لك ايـام ترحـي ماعرفنـا السبـب
لكـن مايصلـح العـطـار فـسـد الـدهـر
رايد الهذلي
الليل يللي تجر الصوت عشق وطرب
ضاعت علومك وقلت العلم كله مصر
الليل شيل الحطب جمر ٍ ونـار ولهـب
بكره تبا تنكشف وتبين بطـن وظهـر
عماد العبيدي
الله يعز الملـك يقطـع يـد اللـي نهـب
واللي يبا عشرة الحسنا يدفـع المهـر
يابو سليم أنتبه! تذهب مع اللي ذهب
تراك غالي ومابين العرب (معتبـر)
رايد الهذلي
الله يعز الملك محبـوب عنـد الشعـب
لو قلت لي فالبلد سهران طال السهر
يا عماد مامن عجب !لكن فيه العجب
واللـي بقلبـك بقلبـي ياطويـل العـمـر
عماد العبيدي
يابـو سلـيـم جـمـادى شـهـر بـعـده رجــب
والـيـوم يـبـدا مـحـرم ثـــم يـاتــي صـفــر
راحت سنة وأنت باقي من طلب في طلب
لاشفـت ثـابـه ولاجـالـك خـطـاب الشـكـر
رايد الهذلي
ياعماد عيـد الضحيـه عيـد كـل العـرب
لكـن بـه نـاس قالـت عيدهـا بـا الفطـر
الحـمـد لله فنعـمـه مـالـي ولا الـنـشـب
وان كنت مبسوط ليته لا تصيح بضجر
عماد العبيدي
البندق إللـي تـزم النـوز يـا أهـل الشبـب
أولـى بهـا الجـدر يسترهـا وهـي تستتـر
مادمت راضي على ويش العقب والنقب
بعـض المشـاريـه فيـهـا ياعميـلـي نـظـر
رايد الهذلي
البندق اللي تصيب مسببه لك غضـب
ليه الغضب يا عميل الخير ليش القهر
يللي تميز وتقراء قوللـي وش كتـب ؟
صاحبك ماغاب (رايد)تعرفه لا حضـر
عماد العبيدي
الموتر إللـي مـع الخـط السريـع أنقلـب
يقـلـون ماقـالـب المـوتـر يـكـود الكـفـر
معروف مافيك في (دمشق)والا (حلب)
ما ننكر الطيب وأهل الطيب بالمختصر
,,,,,,,,
بعدها غيرت بقاف اخر وموال
رايد الهذلي
يا قدع ياباشه لا قلتلك يا عماد بيك **ياابن معتوق العرب كلها تشر عليك
والشعر لهذيل ورثٍ لجدك ورث أبيك ** لحيةً ما تقبل العذر ما تستاهله
ياعماد العبيدي كيـف مصـر وهـواك
كيف مصر الجديده بعد مصر القديمه
لا نشدتـك تقـول الـكـل يـطـرد وراك
مير حذرا وحذرا تبدي ابك الهزيمـه
عماد العبيدي
بعد هاد الليل يارايد أحسب وأنتبـه **مايشيل الحمل كل من يثني منكبـة
مانشب مثلي ومثلك حموله تنشبه **لحـيـة ماتقـبـل الـعـذر ماتستاهـلـه
نحمـد الله بخيـر ولاصحبـنـا كـمـاك
السـوايـر دوايــر والنـوايـا سلـيـمـة
موت بالغبن ياللي ماحدن في رجاك
يـوم مثلـك خيّـال النـو عنـده غنيمـة
رايد الهذلي
يا عماد اسمع كلامي بلاش مجاملات ** العرب في جامعتها نشوف مظاهرات
وانت راع علوم يابو علوم ٍ طيبات** لحيةً ما تقبل العذر ما تستاهله
والله انــك تخـفـي كــل عـلــم ٍ بـــلاك
نفسك اللي تعرف الصدق ماهي ظليمه
كيف وانته تضجر من خوي(ن) نساك
لين عاشت لك اللي قلت راحت عقيمه
عماد العبيدي
ياذهين العقل حنا على النهج السوي **والقـوي الله ولا غـيـر خالقـنـا قــوي
يوم مثلـك لاشبـع مـن فتـات ولاروي **لـحـيـةٍ ماتـقـبـل الـعــذر ماتستـاهـلـه
يـامـزكـي يمـيـنـك لاتـحــرى جــــداك
مير غني على عودك (حليمة) (حليمة)
أيــه يـاسـن حـظـك مانفـعـه الـســواك
يوم صـدرك تعبـا مـن غبونـه وضميـه
رايد الهذلي
الكراسي دايره كل كرسي له نظام ** وانت قلي مع هل الحرب ولا فاالسلام؟
راح فيصل وانور وراح صدام السنام ** لحيةً ما تحمي العلم ما تستاهله
لا تسولـف سوالـف علمنـا مـا خـفـاك
دام اغنـي بعـودي يـا حليـمـه كريـمـه
يابن معتوق طحت ولا حد سمى علاك
طحت مير السلامه يا القلوب الغشيمه
عماد العبيدي
بعد ما حبل المحالة على الساقي درج **أنت مثل اللي بيطلـع سطـوح بـلا درج
أصبر أصبر كـل ضيقـه ويقفاهـا فـرج **لـحـيـةٍ ماتـقـبـل الــعــذر ماتسـتـاهـلـه
بـيـنـنـا عــلــم بــيّــن لــيــه تــرجـــع وراك
والـرجـل ياعمـيـل الـخـيـر شـيـمـة وقـيـمـة
أنــت تخـلـط علـومـك شــي مــن مسـتـواك
نحسب إنه (غضى) وأثره اللهب في هشيمة
انتهت لضيق الوقت ,,,,
