ابو المثلم ابو المثلم ابو المثلم

[قــمــيدان]

تعال اباك:


ابو المثلم ياجماعة فيه شر وفيه خير **** احيان اقول انه غبي واحيان اناديه اجودي


انا كشفته قبل عشر ايام يسحب له حظير **** في خاطره نيه رديه مار ماظنه ردي

 

[بن قاسي الهذلي]

هذي بحق ياقميدان وانا اخوك ,طيب استاذن :mh35:

بدعه جميله صح لسانك

 

[قــمــيدان]

صح بدنك يبن قاااسي



لاهنت

 

[أبو حمدان]

الله الله
ياطيبكم كل ليلة محاورة والله زانت مجالس قبيلة هذيل
صح لسانك ياقميدان وننتظر أبو المثلم

 

[الرحال الهذلي]

قميدان وين ابو المثلم

 

[قــمــيدان]

هلا بشيخنا



وابو المثلم شكله رقد


لكن تصبحون على خير

 

[قــمــيدان]

هلايارحال


الرجال اظنه رقد

 

[بن قاسي الهذلي]

ابو المثلم+قميدان لي طلب قولوا تم :


العبو الساعه 12.30

 

[أبو المثلّم]

ايو الله رقدت..طبيعي لازم ارقد هههههه

يالله صباح خير

استلم لا هنت يا قميدان

ابو المثلم ما يبا بين العرب دهّان سير .. دربك سواة الذيب الأمعط يالمنادي جرهدي

لو متّ همّ آقول راح ولا رجع سعد العشير .. ماشي على درب الخطر عجلان لكن منقدي

 

[فواز السعيدي]

الله الله


متابعين


واصلو واصلو لاهنتو

 

[قــمــيدان]

طيب طيب


ياناس ياكثر العلوم اللي تزاحم فالضمير **** ابو المثلم ضحكته وابكاه صارت في يدي

قدام لابعض العلوم يقودها سلك الحرير **** نعطيك كرت اصفر ومشيك عدله لايحتدي

 

[أبو المثلّم]

بيني وبينك.. مصلحه، لاكنّ ما تبغى خشير .. طمّاع لاكنّ الطمع هالحين نارن توقدي

قدّام والمعنى تمام وضابطه ماسك خفير .. اما نحرت سهيل والا تنحر نجوم الجدي

 

[أبو المثلّم]

مساء الخير يا قميدان

واش حالك طال عمرك

 

[قــمــيدان]

طيب طيب


الله دعاك بشاهدين اتجيبهم قبل العصير **** واللي يزكيهم اثنين وكل واحد مهتدي


بعض الرجال اللي تعلج الهرج سيف ابلا جفير **** واليا غلط عاقل ترى الجهال مثله تقتدي

 

[قــمــيدان]

مساء النور


بخير ابشرك

 

[أبو المثلّم]

الله الله

دوب زان اللعب

 

[قــمــيدان]

وين الصفوف

 

[أبو المثلّم]

ماهـي دعــاوي، فـوق راس الضلع به وعل وجعير .. حدد هدف من قبل لا ترمي وتندم يا اجودي

لا تغفل المضمون وتفتش ترى سرك فبير .. ما افك صرة لين اشوف السوم غالي يا بعدي

 

[قــمــيدان]

طيب طيب

انته تطاوع كل من ناداك يالعقل الكبير **** حتى لو ايناديك نافخ كير شمرت تعدي


اللي عطاه الله بصر وشلون يقتاده ضرير **** يمكن يمد اله العنب واللي يمده زغلدي

 

[أبو المثلّم]

انته تطاوع كل من ناداك يالعقل الكبير **** حتى لو ايناديك نافخ كير شمرت تعدي


اللي عطاه الله بصر وشلون يقتاده ضرير **** يمكن يمد اله العنب واللي يمده زغلدي

تقبل اعجابي أيها المبدع

صح لسانك