والعرب تضحك معي وقلوبها مفجوعه ،، محمد المسعودي وشبيب الزراقي

[الـسامي]

السلام عليكم ورحمة الله وبركاته

محاورة بها الجمال والروعة بين الشاعرين محمد المسعودي وشبيب الزراقي

شبيب الزراقي:




ياصفوف اللعب وين محمد المسعودي
شاعراً يحسب علاه وكلمته مسموعـه
اجتمعنا في محل أهل الكرم والجـودي
والعلوم اللي تغـر مـن الوفـا ممنوعـه



محمد المسعودي:




ياشبيب الشاهد الله والعباد اشهودي
اثـر باقـي للجهالـه زرعـة مـزروعـه
الخيال اللي معه برق وبرد ورعودي
ماورى برقه ورعدة طمعة مطموعـه



شبيب:




لاتـقـول الـنـار نــاري والـزنـود زنــودي
ثم تونس لك عصى من ريس المجموعه
الليـال البيـض غشتهـا اللـيـال الـسـودي
من بغى يطمع حلال الناس يلحس كوعه



محمد:




لاتقـرب يـدك مـن نـاري ومـن بـارودي
القمر يعرف مغيبـه مـن يعـرف طلوعـه
المشاكل من حدودك ماهي امن احدودي
وانت لافارع ولاانته من عرب مفروعه



شبيب:




راح نص القاف ماانت بعارف مقصودي
علمه يابخيـت يـوم انـك تعـرف طبوعـه
احسـب انـك للجمايـل تبـذل المجـهـودي
واثـرهـا شـجـرةٍ مــن نصـهـا مقطـوعـه



محمد:




الحقيقـه فـي علـوم القـوم نقـص وزودي
ينقري درس الرجال اليا انكتب موضوعه
السـوالـف ياعمـيـلـي صـــادره و ورودي
راعـي المشـروع ماخطـط بعـد مشروعـه



شبيب:




يـا محمـد لاتخـلـي حبلـهـا مـمـدودي
من تمسا في بلاد الفقر مات بجوعـه
الآوادم نصهم صاحي ونص رقـودي
وانت تلمس فالعقال وتطرح القبوعه



محمد:




المعـانـي ماتسـيـر ودربـهـا مـسـدودي
والعرب تضحك معي وقلوبها مفجوعه




؛؛
؛؛

نقلاً من منتديات عذب القصيد الأدبية
؛؛
؛؛
دمتم بود

 

[مطرفي الدلم]

بيض الله وجهك محاورة قويه ورائعه

تحياااتي .

 

[فواز السعيدي]

ياسلااام


محاورة جميلة


شكرا يالسامي

لاهنت

 

[عمر العميري]

لاتقـرب يـدك مـن نـاري ومـن بـارودي
القمر يعرف مغيبـه مـن يعـرف طلوعـه
المشاكل من حدودك ماهي امن احدودي
وانت لافارع ولاانته من عرب مفروعه


محمد المسعودي شاعر كبير

واعتقد هالمحاوره قبل اسبوع ولا لا يالسامي

 

[مطـــر الجوفـــ في]

يعطيك العافيه ....... اخوي السامي

ومشاركة رائعة وانتقاء مميز

 

[الـسامي]

شاكر مروركم جميعاًُ

وبيض الله وجيهكم

؛؛
؛؛
؛؛
دمتم بود