اخر اخبار الانديه وتعاقداتها

[بنت أبو متعب]

السلام عليكم ورحمة الله وبركاته

اخر اخبار الانديه بعد فترة توقف الدوري وبدء فترة تسجيل اللاعبين

الهلال::icon26:
الامور في نادي الهلال مستتبه يالله لك الحمد لامشاكل اداريه ولا تدريبيه:40:
ابن مساعد :icon26:وصل قبل كم يوم من خارج المملكه ومجهز لاااااااعب فلته بس منهو مدري:dunno:
لان رئيسنا يقول اتحدى ابن امه يعرف من افاوض خايف من المزايدات والتخريب 0000 وشهو برميله
كوزمين طلب من الاداره محور هجومي وظهير ايمن ومهاجم وقاله ابن مساعد تم 000:biggrin: جالسه معهم
وان شاء الله الفتره القادمه ستشهد الاعلان عن محترفينا الاجانب والمحليين بعد ماتم الاستغناء عن رالديس

______________________
______________________

النصر :
امورهم مش ولابد وخاصه بعد استقالة الرجل القوي :10 الوليد بن بدر )وتعيين فيصل بن تركي
بس الى ذلحين يشاور يقولون يمكن يعتذر
طبعا المنتديات النصراويه منقسمه بين ممدوح وبين الوليد وطلال الرشيد وحرب شرسه بينهم:hunter::24:
بالنسبه للمدرب اعلنوا التعاقد مع المدرب نلسون اكوستا بس الظاهر الرجال هون ويقول انه تعرض لضغوطات من رئيس النادي اللي يدربه وانه مدرب كبير وصعب يستغنون عنه :22:
والسؤال اللي يطرح نفسه ( عثره ) :64:هل سياتي لتدريب النصر ام سيسحب عليهم ؟؟؟
بالنسبه للتعاقدات :
تعاقدوا مع الايراني مهدي شيري لينظم لالتون وايدر
اما رزاق فطنقر الخال وروح يقول الي شهرين ماستلمت ولاريال من راتبي ويبون اجلس معهم الخلا بس
بالنسبه للمحليين حاطين عينهم على المحياني والكويكبي والسهلاوي بس الى الان ماصار شي رسمي

_____________________
_____________________

الاتحاد:
يقولون ابو عماره معصب وقافله معه بسبب منع سلطان التعاقد مع مانسو ارضاء للاهلي:icon28:
وفي برنامج الجوله جابوا خبر ان مانسو رفع قضيه على الاتحاد 000 يالهوي
وبالنسبه للاجانب يمكن يستغنون عن العمده
وفاوضوا الرهيب بدل الطريدي ويزيدون الاتفاق كم مليون
والله اعلم :bye1:
______________________
______________________
الاهلي :
بعد المناحه اللي سووها على مانسو:icon1366 ونسوا او تناسوا ان رئيسهم تعاقد مع الراهب بنفس الطريقه بعد ماتفق معه الاتفاق زاد المبلغ وخطف اللاعب )مافيه شي جديد عنهم 000تعبت نفسي

______________________
______________________
الوحده :
اوضاعه لاتسر عدو ولا صديق
الرئيس ومريض الله بشفيه :tears:
والمحياني مايبى يقعد مع الوحده ويبى نادي بطولات وان شاء الله شبيه الريح يتعاقد معه:waaady24:
والكويكبي يبى النصر :no:
اييييييييييه يالوحده بعد ماكنت ثالث الدوري صرت في هالحاله

_______________________
_______________________
الشباب :
مادري عنهم :biggrin:

والى اللقاء في الحلقه المقبله كان معكم خضير البراق من بريده :Swaffff:

 

[حسام الهذلي]

شكراً لكيـ بنت ابو متعب

على لاخبار ..,,

بس خسارة لو راح المحياني والكويكبي

ولكيـ ااحترااميـ ..,,

 

[نجــ هذلي ــد]

اعجبتني الرجل القوي

سمعت في مداخله لعبد العزيز العنقري أن الهلال كان سيفاوض مانسو ايضا ولكن عبد الرحمن بن مساعد سمع بمفاوضات الاهلي معه واتصل على العنقري من نيويورك وبعدما تاكد من الامر انسحب من الصفقة

أتمنى احضار لاعبين هلاليين في المراكز المذكورة على مستوى عال يخدم الفريق

 

[فـتى هذيل]

وشهو برميله

أحم ....أحم



أين هذا الإبداع من زمااااااااااااان ؟؟؟

لاتكوني لاطشه الموضوع بس :38:

أسلوب ممتاز في الكتابة .........ونتمنى الا يكون الأول والأخير يابنت أبو متعب .

 

[ذيب الفيافي]

أجل وين الوطني؟؟


لا لا لا ما يجي لاااااااااازم تجيبين الوطني


ما ني قايل شكراً لين تجيبين الوطني :harhar1:

 

[صآلح الهذلي]

شكراً لك بنت ابو متعب
على لاخبار

 

[طير هذيل]

[mark=ffff66]
معليش اذا كان على النصر فا اخبارك مغلوطه ومبنيه على كلام الجرايد الي ماندري وين الصحه معه

المصدر هو جوال النصر فقط وغير ذالك يغالط نفسه


اما بالنسبه للاعب الايراني فهذا من مصدر جوال النصر الذي اكد ذالك وهو من الاعبين الجيدين وراح يصنع الفارق في وسط العالمي وراح يكون له بصمه في الدوري اذا سلم من الحرب القاسيه والغيوره من الباب الخلفي للنادي[/mark]

 

[بنت أبو متعب]

أحم ....أحم



أين هذا الإبداع من زمااااااااااااان ؟؟؟

لاتكوني لاطشه الموضوع بس :38:

أسلوب ممتاز في الكتابة .........ونتمنى الا يكون الأول والأخير يابنت أبو متعب .

والله مالطشت شي :icon1366: من كتابة اناملي الذهبيه:Swaffff:

ومشكور يافتى هذيل على المرور واحم احم تراني مظللتها

 

[بنت أبو متعب]

شكراً لكيـ بنت ابو متعب

على لاخبار ..,,

بس خسارة لو راح المحياني والكويكبي

ولكيـ ااحترااميـ ..,,

خسارة لو راح المحياني لغير الهلال والا الكويكبي ماعليه حسوفه

وشكرا لك

 

[بنت أبو متعب]

اعجبتني الرجل القوي

سمعت في مداخله لعبد العزيز العنقري أن الهلال كان سيفاوض مانسو ايضا ولكن عبد الرحمن بن مساعد سمع بمفاوضات الاهلي معه واتصل على العنقري من نيويورك وبعدما تاكد من الامر انسحب من الصفقة

أتمنى احضار لاعبين هلاليين في المراكز المذكورة على مستوى عال يخدم الفريق

بالنسبه لمانسو القضيه خالد بن فهد يقول مافاوضناه غير بعد ماوصلتنا اخبار ان الاهلي انسحب من المفاوضات وابو عماره يقول دخلنا في الصفقه ونحن نعلم ان الاهلي يفاوضه 000 من نصدق
وعبدالرحمن بن مساعد اكد انه لن يدخل في صفقه فيها مزايدات

وشكرالك000

 

[قــمــيدان]

دجو

 

[بنت أبو متعب]

أجل وين الوطني؟؟


لا لا لا ما يجي لاااااااااازم تجيبين الوطني


ما ني قايل شكراً لين تجيبين الوطني :harhar1:

ابشر ياذيب

سمعت انهم ناوين يتعاقدون مع كنفاروا وكاكا وتوريس 000امششش

 

[بنت أبو متعب]

شكراً لك بنت ابو متعب
على لاخبار

العفو اخوي وشكرا على المرور

 

[بنت أبو متعب]

[mark=ffff66]
معليش اذا كان على النصر فا اخبارك مغلوطه ومبنيه على كلام الجرايد الي ماندري وين الصحه معه

المصدر هو جوال النصر فقط وغير ذالك يغالط نفسه


اما بالنسبه للاعب الايراني فهذا من مصدر جوال النصر الذي اكد ذالك وهو من الاعبين الجيدين وراح يصنع الفارق في وسط العالمي وراح يكون له بصمه في الدوري اذا سلم من الحرب القاسيه والغيوره من الباب الخلفي للنادي[/mark]

ول ول ول انا وش قلت ؟؟
وعشان ماتزعل فيصل بن تركي اصبح رسميا نائب النصر
والمدرب صرفوا النظر عنه نهائيا
واللاعب الايراني الله يوفقه مع النصر اللي يشوف ردك يقولون متعاقدين مع نيكونام

 

[طير هذيل]

اللي يشوف ردك يقولون متعاقدين مع نيكونام؟؟؟؟؟؟؟؟؟

لا تخلونا الحين اللي يشوفكم متعاقدين مع ركيلمي .. حدكم صفقاتكم الفاشله جايبين مدافع حاطينه احتياط واخرتها تنسيق والمحترف الثاني السويدي عارض ازياء ويلسون الي الكوره منا وهو منا

[mark=ffff33]يا بنت ابو متعب
لا تندفعين كثير وبعدين يجيك شد عضلي
مقصدي فقط

هو ان جوال النصر الرسمي هو المصدر الصحيح فقط
وكلام الجرايد شبعنا منه وله مقاصد كثير واخبار مغلوطه بشكل 80 % .[/mark]