عودة الشيخ خلف الحساني

[بن مذيخر]

هذه القصيدة نضمتها عندما اتى الشيخ الغالي خلف بن محفوض الحساني من رحلة العلاج سالماً معافى بحمد الله وحبيت اطلعكم عليها

[poem=font="arial,5,,bold,normal" bkcolor="" bkimage="backgrounds/17.gif" border="groove,1," type=1 line=0 align=center use=ex num="0,"]
مرحبا في مرحبا ترحيبة مزيونه=مرحبا عد الخزامى والسكب واثماره
مرحبا بالوافيه والطيبه مقرونه=عادة الرجل الفطين اليا لفا خطاره
واجبه لاجاه ضيفه نزله في عوينه=ان فعل ماضني انه قدره مقداره
لاجل حق الضيف ماكل العرب يوفونه=غير من قدر له الله يرتفع مسعاره
مرحبا في حفلة المناعي المعلونه=عطرها ورد الهدا يوم افتخر بازهاره
من حلا طبعه ليا مال الهوى بغصونه=ينشط القلب الحزين ولو تزيد اكداره
انضم ابيات القصيد وحربتي مسنونه=كني انقش داخل الصخر الصليب اعباره
لو يجون الحاسدين اللي يبى يمحونه=مايطاوعهم يكون ايجوه بالكساره
وان تكسر من معاويل الحسد واسنونه=روح الشعر الجزيل ولا تجيك اذماره
واجد اركان الشعر وانا في ضمن اركونه=ماني الشخص الوحيد اللي عليه الشاره
مير في العاني نظمت احلى الشعر والحونه=فرحة من بعد جانا ماحلا محظاره
كنه الغيث الهني اللي يهل امزونه=مرحبا بيطلته يامرحبا بامطاره
وان توخر كل سكان البلد يرجونه=يالله ارحمنا ولا يلهي المطر واخباره
ان توخر كل ديره خاويه محزونه=مدهره يالله دخيلك والقرى محتاره
الصحيح انه توخر فترة مجنونه=واستحر الوقت في الديره وعج اغباره
الغبار اليا انتشر في الحزه المشحونه=يخمده نو المطر حتى يزيل اثياره
لك مساحه يعلم الله في الحشا مصيونه=أشهد ان ابوحسن باني في قلبي داره
لامشى عنها غدت في غيبته مرهونه=ماسكنها شخص غيره لو يجي بيجاره
لامشى العاني ترى قلبي يجيه اصخونه=مايهون لين يلزقبه في كل اسفاره
اصلن اقلوب الجماعه كلها من دونه=في جناح الطائره حتى يصل مشواره
الجمارك في نهار الرحله الميمونه=حصلو تسعين قلبا داخل الطياره
واهلها من دونها خلاقهم يدعونه=ييرجع الغالي ويرجع كل قلب اوكاره
نحمد الله ربعنا مثل الجبل وامتونه=كل صخره دون صخره لاتجي منهاره
في ذرى شيخا عريف ولااصطغى ماعونه=المعرفه من جدوده والصمود اشعاره
شيخنا عبد الله اللي كلمته مازونه=كنها الا من قواميس الفكر مختاره
يابو خالد لاتحسب ان العرب ينسونه=ذلك الرجل الكريم اللي مومن جاره
المشاعر ظاحكه واحزانها مكنونه=الله اكبر يافعول ايامنا الغداره
طيب الاثمار من طيبه هله يجنونه=وان بلي وان مات خلف في الد يار ابذاره
ما يموت اللي مخلفله عرب يحيونه=مثل صقر ان غا ب تلقى من وراه احراره
والنهايه مرحبا بضيوفنا معلونه=مرحبا في حفل مقدمكم يزيد أنواره
في احتفالا ليعزيز وعزوته يغلونه=في علوم الصلح يبدي ماذكر مخساره
من لنا حزة غبار الساعة المشحونه=غير نو الغيث لاثور يزيل اثياره[/poem]

 

[مطر الهذلي]

صح السانك يابن مذيخر


قصيدة جميلة ويستاهل المدح الشيخ خلف

 

[مشعل الهذلي]

السلام عليكم ورحمة الله وبركاته

صح لسانك يابن مذيخر ..

ونسأل الله أن يطيل بعمر الشيخ والشاعر خلف الحساني ..وأن يمتعه الله بالصحة والعافية ...


يستحق الشيخ كل خير ..

ولاهنت ..بارك الله فيك .

 

[رايد الهذلي]

كـنـه الغـيـث الهـنـي الـلـي يـهـل امـزونـه
مـرحـبــا بيـطـلـتـه يـامـرحـبـا بـامــطــاره
وان تـوخـر كــل سـكـان الـبـلـد يـرجـونـه
يالله ارحمـنـا ولا يلـهـي المـطـر واخـبـاره
ان تـوخـر كــل ديــره خـاويــه مـحـزونـه
مـدهـره يالله دخـيـلـك والـقــرى مـحـتـاره


صح السانك يا بن مذيخر ولاهنت ابيض وجه,,




ونسأل الله أن يطيل بعمر الشيخ والشاعر خلف الحساني ..وأن يمتعه الله بالصحة والعافية ...

 

[فواز السعيدي]

ياسلااااااام



قصيدة رااائعه جدا يبن مذيخر


ويستاهل ابو لافي الطيب

تحياتي

 

[هذلي والفخر لي]

السلام عليكم ورحمة الله وبركاته

اولا صح لسانك يابن مذيخر

ونعم بك وبالشيخ خلف

كلكم صناديد رجال

والحقيقه ان القصيده رائعه جدا

وتستحق الاشاده والتعليق والقراءه المتأنيه

صح لسانك مره ثانيه لا هنت على التواصل الرائع

 

[عماد الهذلي]

السلام عليكم ورحمة الله وبركاته


الشاعر خلف بن مذيخر الحساني ، والله ونعم يابو مذيخر ، نعم بالمادح والممدوح ، وبقبيلة الحساسنة جميعا ،وشيخها.

قصيدة شاعر ، الله يوفقك وييسر دربك.

دائما ننتظر جديدك


تحية طيبة

 

[راجح]

صح لسانك

ويستاهل الشيخ خلف

قصيده وافيه في رجال وافي

 

[كنترول العالم]

صح لسااااااانك ياخلف .....ويستاهل ابو حسن نعم الرجل ونعم الشاعر ونعم الاصل........

 

[صدى الحق]

السلام عليكم ورحمة الله وبركاته


الشاعر خلف بن مذيخر الحساني ، والله ونعم يابو مذيخر ، نعم بالمادح والممدوح ، وبقبيلة الحساسنة جميعا ،وشيخها.

قصيدة شاعر ، الله يوفقك وييسر دربك.

دائما ننتظر جديدك


تحية طيبة

 

[راع الاوله]

صح لسانك يابن مذيخر

قصيده من شاعر لشيخ يستاهل