جت تبـي تلعـب علـي مبرقعـه
واقفـه بيـن الحقيقـه والخيـال
جت بلطـف وذوق جـت متدلعـه
قالت أسمح لي عزيزي بها السؤال
خفت أنا لا أنولـد فـي الزوبعـه
خاف أقول يمين والحلـوه شمـال
وتنزعج منـي وتمشـي مودعـه
وتبتعـد هذيـك وتشـد الرحـال
طالعتنـي بالعـيـون الموجـعـه
قالت أبدئ قلـت أبـدي بالمقـال
قالـت أنتـا أي نـادي تشجعـه
قلت نادي النصر واحـب الهـلال
أي نـادي تشجعيـن باشجـعـه
واعشق الـي تعشقينـه ياخيـال
قالت أسمـع كـم نـص الأربعـه
قلت مادري صعب بالحيل ومحـال
أي رقـم تطرحيـنـه باجمـعـه
والنتيجـه حلـم يابنـت الحـلال
قالت أصلك قول وشهـو مرجعـه
قلت أنا ربعي هذيل اهل الدلال
ولي نسب معروف أبـوي موقعـه
من بني خالد صماصيم الرجال
قالـت تحـب الربيـع بمطلـعـه
أو هوايتك الخريـف الـي يقـال
قلت أنا أهوى الفصـول الأربعـه
كلها عندي سوى فـي كـل حـال
ماخـذت منـي إجابـه مقنـعـه
واستـدارة كنهـا بـدر الكـمـال
قالت أنتا كل هرجـك مـع معـه
دخت أنـا ويـاك ياولـد الحـلال
وراحت والى اليوم ماقابلتها ولا شفتها لكن قالوا لي انها بتعود ولا ادري هي ابتعود والا لا
للشاعر الكبير/ انا
التعديل الأخير:
