جـرح الليــال

[عبدالله الطلحي]

[poem=font="Simplified Arabic,4,purple,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاتقول إن لقيانا محال=لاتقول إن قلبي مايطيق
شوفني شلت حملٍ مايشال=شايله لأجل طيفك لي رفيق
حمل لوكان بظهور الجمال=نوخت به على جال الطريق
في غيابك لوإن الما زلال=لارواني ولا بليت ريق
حاصرتني الهموم اللي ثقال=وحبستني وانا حرٍ طليق
بين ثنتين مافيها جدال=حاجة النفس والسد الوثيق
اجرع الصبر لو الصبر طال=وارمي السر في بيرٍ عميق
وابني احلام من نسج الخيال=واتعلق بها مثل الغريق
وانت جرحٍ على طول الليال=مادرابه عدو ولاصديق
غير ربٍ عليم بكل حال=وحده اللي يفرّج كل ضيق
بس لازال في بالي سؤال=بإنتظار الجواب اللي يليق
كيف رغم المسافات الطوال=وانت كنك على قلبي تويق
كلما شفت للفرحه مجال=قمت شبيت باعماقي حريق
ورغم قسوتك قلبي لايزال=هايمٍ فيك عيّا لايفيق
والمشاعر تناديلك تعال=طال صبري وقلبي مايطيق[/poem]

 

[مشارك جديد]

مشاركة: جـرح الليــال

صح لسانك يابوناصر على هذه الدرر

 

[الموسمي]

مشاركة: جـرح الليــال

صح لسانك ابو ناصر الله يعطيك العافيه

 

[قمر الرياض]

مشاركة: جـرح الليــال

[align=center]صح السانك اخووي

والله يعطيك العافية[/align]

 

[سمــ العز ــــو]

مشاركة: جـرح الليــال

[align=center]كلما شفت للفرحه مجال=قمت شبيت باعماقي حريق
ورغم قسوتك قلبي لايزال=هايمٍ فيك عيّا لايفيق

صح السانك اخوي

ويعطيك العافية[/align]

 

[الحنان الدافئ]

مشاركة: جـرح الليــال

الله يعطيك العافيه اخوي عبدالله على الابيااات الجميله

تحياتي لك أختك الحنان الدافئ

 

[المهاجرة]

صح لسانك ابو ناصر
مشكوووووووووووووووووووووور